رش خارجى للنضافة

[lidosasa]

السلام عليكم
العربية فيها كام خبطة أتردوا على البارد وشوية خرابيش لآنى كنت لسه بتعلم فيها السواقة وعايز أسأل لو رشيت العربية بالكامل رش خارجى للنضافة يتكلف فى حدود كام ؟
مع العلم إنى رحت ورشة دوكو وسألت عن دهان الكبوت والرف اليمين والباب الشمال اللى فيهم الخبطات قالى حتتكلف 400 جنيه . بس أنا شايف إن لون العربية أتغير ومحتاجة تترش عشان تنضف كلها
وهل رش العربية الكامل حيأثر كتير على تمن العربية فى حالة البيع .؟ ولا اكبر دماغى واسيبها وخلاص ؟ العربية موديل 2007

[LORD.ADeL]

والله اذا هتجدد قريب ورد البارد طبعا مقشر بويه و باين فيها كتير
روح ضبط كل حتا فيها سمكرة كويس وروح رشها حزام من غير سقف
يعنى هترش عربيه كلها اسمها حزام من غير سقف تقريبا تكلفه ههتعد 1000 والله اعلم
لانها طبعا تخش كبينه وبسؤالك عن تاثير ع بيعها مفيبش مشكله طالما مش هترش سقف
اذا هتبيع هتقول رش نظافه ودواخلها فبريكه بس كدة اما اذا لسه قدمها وقت ع تجديد
سبها لحد ما تتمكن من عربيه كويس وكدة وبعد كدة اعمل كلام دة والله مستعان

[micromoud]

رشها كلها من غير السقف والشنطة وهات انت البويه

[Amr Axel]

بالنسبة الرش و البيع احب ابشرك انه هيخلي تمنها في الارض طبقا للنظرية اللي ماشيين بيها هنا ان اي عربية رشة تبقي اتقلبت
ع ما اتذكر اخر مرة سالت رش العربية كلها نضافة يتكلف حوالي 300-400 ج
لو الخرابيش و خلافه خفيف سيبها ع حالها و انت حر برده
عن نفسي العربية متبهدلة بهدلة السنين مبقتش عربية اساسا ههههههه بس مش راضي ارشها و لا اعملها مرمات
البولش اللي بلون العربية بيداري البلاوى شوية لكن للاسف مش لاقي لون عربيتي تاني :)

[مصطفى-حسن]

بلاش ترش الا لو حالة العربية صعبة خالص
الرش بينزل من تمن العربية عند اعادة البيع
الخرابيش والردعلى البارد لو على بوية المصنع
احسن من رشة النضافة 100 مرة
اسأل مجرب

[mnhm2]

نصيحه بلاش ترش لو هتبيع لاني كده كده العربيه
اكيد بعد الرش مش هتحطه
في سلوفان يعني برده
هتتحك خليك كده انما لو هتقنيها
رش وظبط