بالصور تنظيف فرش الصالون

[lidosasa]

من فترة وأنا عايز أنضف فرش الصالون لآنه كان متبهدل جداً وخصوصاً الجزء الأسود منه ومكنتش عارف أنضفه إزاى لحد النهارد وبالصدفة لقيت المدام جايبة منظف للمفروشات من شركة ماى واى تقريباً وإسمه كلين وسعر العبوة 15 جنيه ودى صورته

يدوب حطيت منه حوالى ربع كوباية على لتر مياه وأخدت فرشة ونزلت على العربية مسح لإنها بصراحة كانت متوسخة جداً وخصوصاً الكنبة اللى ورا
ودى صور للفرش بعد التنضيف وفرق كبير جداً وللأسف نسيت أصور الفرش قبل التنضيف عشان تقدروا تشوفوا الفرق بنفسكم .










طبعاً لسه النتيجة مش مكتملة أعتقد غسلة كمان أو غسلتين وحيبقى زى الجديد بالظبط
حبيت أنقل ليكم التجربة للإستفادة

[HHALAWANY]

تسلم ايدك ، ربنا يباركلك فيه ، وشكرا لمجودك

[Amr Axel]

ايوة كده اطربوني بالتقارير الحلوة ديه هههههههه

تسلم ايديك يا باشا بس حاول بلاش فرشة خشنة يعني تكون ناعمة بقدر الامكان عشان الفرش ميتبهدلش

بخصوص السقف لو المنظف ده مجبش نتيجة خد الخلطة ديه
صابون سايل من السايب بس بكون مركز و حبة اريال و حبة مية صغيرين و ترج جامد و فوطة خشنة شوية و رش و ادعك في السقف بشكل دائري هيرجع ابيض تاني ده اللي بعمله عندي :)

و متحرمناش من تقاريرك

[lidosasa]

ايوة كده اطربوني بالتقارير الحلوة ديه هههههههه

تسلم ايديك يا باشا بس حاول بلاش فرشة خشنة يعني تكون ناعمة بقدر الامكان عشان الفرش ميتبهدلش

بخصوص السقف لو المنظف ده مجبش نتيجة خد الخلطة ديه
صابون سايل من السايب بس بكون مركز و حبة اريال و حبة مية صغيرين و ترج جامد و فوطة خشنة شوية و رش و ادعك في السقف بشكل دائري هيرجع ابيض تاني ده اللي بعمله عندي :)

و متحرمناش من تقاريرك

ربنا يكرمك يا باشا وفعلاً أنا حسيت إن الفرشة خشنة خالص على الفرش بس كان لازم أعمل أول مرة بيها لآن الفرش كان متبهدل خالص وبعد كده إن شاء الله حنضف الفرش بإستمرار بفوطة خشنة

[S O P H O S]

ما شاء الله
جميل

[dr.hazem]

ما شاء الله نتيجه جميله ما شاء الله....

تحياتي

[LORD.ADeL]

شغل عالي ياباشا تسلم الايادي ((:

[HaNo_ELBeh]

ماشاء الله ياباشا شغل زى الفل

[mesaharaty]

حلو جدا ما شاء الله

[elkomyalto]

الله ينور يا باشا

[D . a .\ AYMAN]

النتيجة فعلا باينة من غير الصور اللى قبل التنظيف ... فعلا عامل شغل جميل جدا

الف شكر على نقل التجربة