الفرامل الزاحفة

[mesaharaty]

أصدقائى الأعزاء
السلام عليكم جميعا
الظروف : 2 كاوتش متركبين ورا والعربية نازلة بيهم قول من أواخر 2008 ويقال والعهدة على بتاع الكاوتش إن فيهم واحدة فيها لوحة .
2 كاوتش أمامى بتاريخ إنتاج مايو 2010 .
التيل بتاع الفبريكة وماشى حوالى 20000 كم ولسه فيه كتير حوالى نصه .
تم عمل رجلاش لفرامل اليد من سنة تقريبا .

المشكلة :
زحف العربية بشدة حتى ولو كنت دايس فرامل لآخر الدواسة بالاقى العربية بتزحف مسافة كبيرة وهذا أخطر ما فى الأمر .

التشخيص : هل المشكلة فرامل (أرجو الشرح والتفصيل) أم أن المشكلة فى الكاوتش وإيه أسباب زحف العربية كده ؟

مع الشكر للجميع

[Magoda]

متابع

[abdulhafeez]

لو العجل بيمسك ويقف بس العربية بتزحف يبقى كدا الفرامل تمام ... المشكلة في الكاوتش ...
اكشف على الكاوتش بنفسك لو نقشته كويسة ولسة عميقة يبقى مش هو المشكلة
..
بمعنى ان اهمية الفرامل انها توقف العجل عن الدوران لو عملت كدا يبقى ادت وظيفتها ... وساعتها الاداء بتاع الفرامل بيختلف حسب الكاوتش والارض اللي انت بتفرمل عليها ... يعني لو بتفرمل على مياه اكيد هتزحف مع ان العجل واقف ومش بيلف ........
انت مرة جرب لو الكاوتش بيقف ويعمل صوت الاحتكاك بتاع الفرامل يبقى الفرامل سليمة .. والمشكلة من الكاوتش ....... وعلى فكرة نوع الكاوتش ونقشته بتفرق كتير قوي في قوة الفرامل لان احتكاكه بالارض هو اللي بيوقف العربية ....
ممكن يكون برضو مشوار الدواسة كبير او واخدة هوا او الزيت ناقص

[mesaharaty]

شكرا على الرد
وأحب أوضح :
مستوى الزيت مظبوط ومشوار الدواسة مش كبير

[alking_2006]

السلام عليكم

كدا واضح طالما التيل فيه اكتر من نصه يبقى مشكلتك تنحصر فى حاجتين
1- زيت الفرامل
2- الكاوتش

بالنسبة لزيت الفرامل بيتغير كل سنتين او 40 الف كيلو ايهما اقرب لأنه بيفقد خواصه و بياخد رطوبة و بيبقى زى قلته فأنتا هتحتاج تغير زيت الفرامل + تفريغ الهواء + تنظيف مواسير الفرامل و دى يعملها الميكانيكى

بالنسبة للكاوتش فمش عاجبنى لأنه كدا كتير عليه فى شوارع بلدنا يعنى العجل الورانى 4 سنين و اللى قدام 3 سنين
و بردو المقياس مش الكيلوهات و تاريخ الانتاج بتاعهم لكن بردو طبيعة الشوارع و طبيعة السواقة بتفرق فى عمر الكاوتش فغالبا هتلاقى النقشة اتمسحت و دى بردو بتساهم ان العربية تزحف فأنتا محتاج بتاع كاوتش عنده ضمير يكشف على الكاوتش عندك و يحدد ايه اللى انتا محتاج تغيره
و دا تقرير تغيير الكاوتش فى عربيتى

http://www.nilemotors.net/Nile/345410-a.html

فى احتمالين بس دول هنسيبهم دلوقتى لحد ما نعمل الكلام اللى فوق لأنه كدا كدا لازم يتعمل ضمن الصيانة الدورية

1- ماستر الفرامل العمومى عايز يتغيير (بيبقى ورا خزان زيت الفرامل فى الكبوت قدام)
2- ال 2 ماستر الفرامل فى العجلتين الخلفيين او احدهما محتاجين يتغيروا

بالتوفيق

[osos007]

سعادة الباشا اسمحلى اضيف راى المتواضع للموضوع فى خطوات بسيطه:
1-حالة الكاوتش ودى طبعا تقدر تقدرها انت بايدك من ملمس الكاوتش.
2-صفى زيت دائرة الفرامل و غيره عشان ممكن يكون فى هوا فى الدائره الهيدروليك بتاع الزيت وده طبعا بيعمل مشكلة.
3-تكشف على التيل ميكونش ناعم من جوه ويكون محتاج باده خشنه تمسك بسرعه.
دى الاحتمالات اللى انا اتوقعها وانا رتبت الحلول حسب الاسهل
اتمني يكون ردى يضيفلك اي جديد وتحل المشكله باذن الله لانها فعلا مشكله كبيره.
وعلى راى المثل الفرامل والنسوان ملهمش امان

[mesaharaty]

سعادة الباشا اسمحلى اضيف راى المتواضع للموضوع فى خطوات بسيطه:
1-حالة الكاوتش ودى طبعا تقدر تقدرها انت بايدك من ملمس الكاوتش.
2-صفى زيت دائرة الفرامل و غيره عشان ممكن يكون فى هوا فى الدائره الهيدروليك بتاع الزيت وده طبعا بيعمل مشكلة.
3-تكشف على التيل ميكونش ناعم من جوه ويكون محتاج باده خشنه تمسك بسرعه.
دى الاحتمالات اللى انا اتوقعها وانا رتبت الحلول حسب الاسهل
اتمني يكون ردى يضيفلك اي جديد وتحل المشكله باذن الله لانها فعلا مشكله كبيره.
وعلى راى المثل الفرامل والنسوان ملهمش امان

طيب من رأى حضرتك إن التيل ممكن يكون عاوز يتغير ده لسه حوالى 20 ألف كم بس .

[Amr Axel]

زي ما النسور قالوا يا كاوتش سواء نقشة او اختلاف نقشة ورا غير قدام مثلا
ياما التيل لكن بتقول التيل لسه
ياما زيت الفرامل و ده يتغير كل سنتين بشرط الميكانيكي ينزل كل الزيت القدين و ينضف الدورة بالزيت الجديد و ينزل من كل المساتر و بعدين يعبي ع نضافة عشان لو اتخلط كذا نوع ممكن يضرب الماستر
و اخيرا المساتر عمومي و فرعي
فشوف العربية الكاوتش و حالته و النقشات
و لما تضرب فرامل كل العجل بيمسك مرة واحدة و لا ايه الدنيا بشرط العربية تكون ع ارض اسفلت لا رملة و لا مية

اهم حاجة غير الزيت لو لسه متغيرش
و قولنا الاخبار

[mesaharaty]

السلام عليكم

كدا واضح طالما التيل فيه اكتر من نصه يبقى مشكلتك تنحصر فى حاجتين
1- زيت الفرامل
2- الكاوتش

بالنسبة لزيت الفرامل بيتغير كل سنتين او 40 الف كيلو ايهما اقرب لأنه بيفقد خواصه و بياخد رطوبة و بيبقى زى قلته فأنتا هتحتاج تغير زيت الفرامل + تفريغ الهواء + تنظيف مواسير الفرامل و دى يعملها الميكانيكى

بالنسبة للكاوتش فمش عاجبنى لأنه كدا كتير عليه فى شوارع بلدنا يعنى العجل الورانى 4 سنين و اللى قدام 3 سنين
و بردو المقياس مش الكيلوهات و تاريخ الانتاج بتاعهم لكن بردو طبيعة الشوارع و طبيعة السواقة بتفرق فى عمر الكاوتش فغالبا هتلاقى النقشة اتمسحت و دى بردو بتساهم ان العربية تزحف فأنتا محتاج بتاع كاوتش عنده ضمير يكشف على الكاوتش عندك و يحدد ايه اللى انتا محتاج تغيره
و دا تقرير تغيير الكاوتش فى عربيتى

http://www.nilemotors.net/nile/345410-a.html

فى احتمالين بس دول هنسيبهم دلوقتى لحد ما نعمل الكلام اللى فوق لأنه كدا كدا لازم يتعمل ضمن الصيانة الدورية

1- ماستر الفرامل العمومى عايز يتغيير (بيبقى ورا خزان زيت الفرامل فى الكبوت قدام)
2- ال 2 ماستر الفرامل فى العجلتين الخلفيين او احدهما محتاجين يتغيروا

بالتوفيق

أنا حامشى على خطة حضرتك دى بالتدريج
ومستنى ردود باقى الأخوة الأعزاء

[MMamdouh]

الزحف مشكلة كاوتش

طالما الفرامل وقفت العجلة عن الدوران يبقى تستبعد كل عناصر نظام الفرامل لان الفرامل عملت شغلتها المطلوبة منها... الكاوتش هو اللى مش قادر يمسك فى الاسفلت

MMamdouh

[D . a .\ AYMAN]

الزحف مشكلة كاوتش

طالما الفرامل وقفت العجلة عن الدوران يبقى تستبعد كل عناصر نظام الفرامل لان الفرامل عملت شغلتها المطلوبة منها... الكاوتش هو اللى مش قادر يمسك فى الاسفلت

mmamdouh

ما فيش كلام يتقال بعد كلام الكبير

طالما العربية بتزحف على الأرض يبقى نظام الفرامل شغال ومضبوط وعمل اللى عليه ووقف العجل .. والمشكلة في الكاوتش فقط اللى مش بيمسك في الأسفلت