التوووووووووووووووووو 800 Cc أخيييييييييييييييرا

[D . a .\ AYMAN]

الف مبروك علي الاستلام Nysma
انا فولت العربية لما استلمتها، حطيت 30 لتر تقريبا
وحطيت كمان 15 لتر امبارح ... ولسة فيها بتاع 10 لتر
العربية حاليا عاملة 750 كيلو
يعني لو نحسب
30 لتر في 750 كيلو تقريبا

و طبعا من غير تكييف ولا بازود عن 85

لربنا يبارك في عربيتك ويجعلها وش السعد ان شاء الله
تحياتي

ياباشا مانت أكيد استلمت العربية عاملة أصلا شوية كيلومترات (انا استلمتها عاملة 70 كيلو) الكيلومترات دي ماتتحسبش

وبعدين طريقة حساب معدل الإستهلاك الدقيقة انك تفول على الآخر وتصفر عداد الرحلات وتمشي شوية محترمين يعني 400 كيلو على الأقل وبعدين ترجع تفول تاني ومن نفس البنزينة (ويفضل تكون بنزينة سمعتها كويسة ومحترمة) وتشوف خدت قد ايه بنزين ومشيت بيهم كام كيلو بالضبط

لكن انت كده حاسبها بالتقريب مش مظبوط قوي

انا عندي بالضبط العشرين لتر بنزين عملوا 310 كيلو بالتكييف متواصل وحسيت انها المفروض تكون أكتر من كده عشان كده كنت عايز اتأكد

[zalpany2000]

شوف يا باشا
اولا بخصوص التليين
انا تقريبا عملت كل المحظورات اللي انت قلت عليها دي ما عدي اني اعلي علي 80

مش عارف بقي
ربنا يستر ان شاء الله
هوا انا بامشي علي الاول لحد ما السرعة تيجي 10 او اقل ممكن
وبعدين بانقل علي التاني وامشي عليه لحد 30 35
و التالت من 35 لحد 50 55
وبعدين الرابع معايا لحد 80 ومش بازود عن 80
!!!! مش عارف كده معقول ولا لأ
انا برضو نصحوني ما اشغلش التكييف غير بعد ال 1000 .. مش عارف ليه بس لسه ماشغلتهوش و قاعد اتسلق ..
للعلم، انا استلمت العربية عاملة 40 كيلو بس، اوعدك ان شاء الله
هافول النهارة وارستر العداد و اقولك عملت قد ايه
علي فكرة انا باحط بنزين 92
شكلي كده هاروح صيانة ال1000 يوم بكرة او بعده
انا عامل 850 كيلو لحد النهارده

[meedoo]

الف مبروك ربنا يديلك خيرها و يكفيك شرها انا لسه عامل النهارده صيانه 10000 كم و الحمد لله كله تمام

[zalpany2000]

الله يكرمك يا Meedo ويبارك لك فيها
سؤال صغير بس
عملت الصيانة في ابو رواش ولا الهايكستيب ؟؟
ايهما افضل من وجهة نظرك ؟؟
تحياتي

[D . a .\ AYMAN]

الف مبروك ربنا يديلك خيرها و يكفيك شرها انا لسه عامل النهارده صيانه 10000 كم و الحمد لله كله تمام

دفعت كام ياباشا في صيانة الـ 10000 وهل ركبت أي حاجة أو عملت حاجة إضافية

[altohaya]

مبروووووووووووووووووووووووك د/ حسام ألف مليون مبروك ربنا يباركلك فيها ويكفيك شر الطريق .... ممكن سؤال
من ساعة ما استلمتها دفعت كام في التراخيص واشتريتلها إيه وبكام وسجلت في الشهر العقاري بكام
وشكراً

[sweetheart_]

مبروك
ايه اخبار العربيه دلوقتى معاك وفعلا عايزين نعرف الترخيص كام بكل حاجاته يعنى نعمل حسبنا على كام للترخيص وهل العربيه ثابته على سرعة 100 وتستحمل سفر طوي ولا لأ

[kareem_Ashmawy]

أولا ألف مبروك و ربنا يديك خيرها و يكفيك شرها
و تستعملها فى الخير دايما
.
.
كان ليا سؤال لو سمحت ياباشا
وانت ماشى على سرعة 100 الار بى ام بيبقى تقريبا على كام و انت على الخامس طبعا
و لو لسه مجبتش 100 عشان التليين طيب على 80كم على الرابع بيبقى على كام
و شكرا جزيلا و ألف مبروك مرة تانية

[kareem_Ashmawy]

أولا ألف مبروك و ربنا يديك خيرها و يكفيك شرها
و تستعملها فى الخير دايما
.
.
كان ليا سؤال لو سمحت ياباشا
وانت ماشى على سرعة 100 الار بى ام بيبقى تقريبا على كام و انت على الخامس طبعا
و لو لسه مجبتش 100 عشان التليين طيب على 80كم على الرابع بيبقى على كام
و شكرا جزيلا و ألف مبروك مرة تانية

[zalpany2000]

السلام عليكم
اسف يا جماعة علي التأخير ... رمضان كريم

اولا شكرا يا استاذة ريهام وعقبالك ان شاء الله و تكون ألتو 800 برضو... انا عايز اقولك ان مصاريف الترخيص و التأمين الاجباري والطفاية والنمر المؤثتة .... و الاهل والحبايب بتوع المرور دخلت في 650 او 700 جنيه مش فاكر.وطبعا علشان هي زيرو ما سجلتهاش في الشهر العقاري.

ثانيا SWEETHEART انا عملت بالعربية 1000 كيلو في اقل من إسبوع
بيتهيألي كده بتمشي في اليوم بتاع 150 كيلو

يعني مطحونة مشاوير
ما بتقولش لأ، كمان التكييف من بعد التليين مش باطفيه ... العربية زي الفل انا كمان بإذن الله مسافر بيها بكرة علي الزراعي..
انا مش من هواة الجري وجديد في السواقة يعني 120 دي باجيبها بالعافية اساسا.. بس هي العربية علي 100 معقول الثبات فيها قوووي .. بس 120 فما فوق انا اساسا بابقي مرتبك فمش عارف هل الثبات بيقل ولا أنا اللي مش بابقي ثابت يعني.

ثالثا الاستاذ كريم عشماوي
للأسف العربية مافيهاش عداد rpm ال 1100 بس هي اللي فيها . كان نفسي أجاوبك .

تحياتي للجميع
وجعل الله شهركم مبارك

[sweetheart_]

الف شكر على الرد بس لو فيها رخامه تعرف سعر ال 800 فاضيه بكام والتكيف بكام؟ وكمان دفعت فى صيانة الالف كام معلش انت عارف المصاريف اللى الواحد ميعملش حسابها ممكن تعمل فيه ايه وربنا يباركلك فيها ويسترها معاك فى السفر .
هو انت جايبها تقسيط

[zalpany2000]

هي الفاضية كانت ب 42000 و دلوقتي تقريبا ب 45000 و التكييف كانت ب 45000 ودلوقتي تقريبا ب47000
تحياتي

[moni]

:smile:مبـــــــــــــــــــــــــــــــــــــرووو ووووووووووووك
وخلى بالك وإنت سايق

[ahmedkimo82]

معلش عايز اسال سؤال هي باور و لا لا ؟ و الدواسات ناعمه و لا خشنه و هل التكييف بياثر جامد اوي ؟ هو اكيد هاياثر بس لدرجه تنرفز مع ال 800 Cc شكرا

[midoo00707]

الف مبروك يا حسام بس انامتردد بينها بس ال1100 وبين الهيونداى i10 و الشيفرولية سبارك انا بجد محتار خصوصا انى ابحث عن تقسيط سلامى لانى اخشى الربا حد يدلنى .