استفسار هام بخصوص عفشة الالتو

[oraby88]

هو ده اللي بيحصل عندي يا استاذ عمرو بلاقي الجنط والطاسات كل فترة عليهم سواد ....بس هو تيل محترم
وانا النهاردة روحت ظبطت العفشة والحمد لله العربية بقت كويسة الي حد ما
بس ليه انا حاسس ان صوت المكنة علي السلانسيه خشن شوية؟

[Amr Axel]

مهو ده للاسف عيبه
بخصوص الخشونة مقدرش احكم عمياني بس ممكن زيت سواء يتغير او نوعيته
و ممكن يكون الصوت طبيعي و حضرتك مش واخد بالك

[asd2]

معلش علي التاخير يا اكسل باشا
انا وديت العربية عند عفشجي و قالي المساعدين الامامي محجرين و المقصات الامامي عاوزه تتغير
و قاللي حاجه غريبة لتاني مره
ان العربية مفهاش فلتر بنزين و انه جوه الطلمبة
هل ده صح و لا غلط

[Amr Axel]

معلش علي التاخير يا اكسل باشا
انا وديت العربية عند عفشجي و قالي المساعدين الامامي محجرين و المقصات الامامي عاوزه تتغير
و قاللي حاجه غريبة لتاني مره
ان العربية مفهاش فلتر بنزين و انه جوه الطلمبة
هل ده صح و لا غلط

و لا يهمك يا باشا عايزك تضغط ع كل جنب في العربية و شوف رد الفعل عامل ازاي لما العربية بترجع تاني يعني بتطلع واحدة واحدة و لا بتتنط

المقصات ايه الاعراض اللي عندك عشان يقولك مقصات يعني فيه تخبيط مع المطبات او العربية بتعوم منك و لا هو بص عليها و شايفها ضايعها بالشكل ؟؟

بخصوص فلتر البنزين لا مؤاخذة يعني ده ميكانيكي مبيفهمش حاجة انزل بنفسك يا باشا تحت العربية هتلاقي الفلتر قدام العجلة الشمال ورا ناحية السواق و ده شكله



معرفش ليه الميكانيكية الفتاييين دايما بيقولوا ع الماروتي و الالتو مفيهمش فلتر بنزين هي فيه عربية بتنزل من غير فلتر بنزين