إعـــــــلان

**mohamedhagrass** · 29-05-2013, 02:33 PM

الف الف الف الف مبروك وربنا يباركلك ان شاء الله
موضوع الملفات هيا نوعا ما في الملفات تحسها مش ثابته بسي متقلقش وجمد قلبك
لاكن اكيد برضو لازم تحط في دامغك انها عربيه هاتش باك وزنها مش محصل 700 كيلو وصغيره
متخدش ملفات جامده بسرعه عاليه قوي عامتا كام يوم وانتا هتفهم قصدي وهتتعود على العربيه

2-الماروتي ما شاء الله عليها برغم انها صغيره الا انها جرايه وربنا يحفظهلنا يا رب انا بجيب بيها 130 وفكه قبل ال 140
حاجه بسيطه خالص وزي الفل على الطريق بسي المهم تعرف تتعامل معاها ازاي.وعامتا في التأني السلامه وفالعجله الندامه :D:D:D

موضوع سير الكاتينه ده الاعضاء يفيدوك فيه اكتر مني

ده تقارير الاخوه الاعضاء بالنسبه للكاوتش
http://www.nilemotors.net/Nile/345410-a.html
http://www.nilemotors.net/Nile/277800-a.html

والف مبروك العربيه وربنا يكفيك شرها ويهديلك خيرها

**Amr Axel** · 29-05-2013, 02:46 PM

الف مبروك العربية يا باشا ربنا يديك خيرها و يكفيك شرها
و تسلم ايديك ع التقرير الجامد ده :)

العربية موديل كام ؟؟ لأ فيه قطع بمرور الوقت سواء يتكشف عليها او تتغير مش بعدد الكيلومترات بس

و ديه صيانات وقائية لسه قايلها لزميل لنا هنا برده

المشاركة الأصلية كتبت بواسطة amr axel مشاهدة المشاركة

عامة فيه شوية صيانات وقائية المفروض تعملها لأنك متعرفش المالك السابق عملها و لا لأ و هي كالآتي :

غير سير الكاتينة و الميكانيكي يبص ع بلية الكاتينة لو محتاجة تتغير اهم حاجة
اكشف ع سير الدينامو
غير فلاتر هوا و بنزين

و بتقول غيرت طقم الكهربا اذن تقصد ابلاتين و كوندينسر و بوجيهات

طبعا زيت الموتور و الفلتر مفروغ منه مع العلم الموتور بياخد 2.75 لتر بالفلتر و 2.5 من غير فلتر و يفضل تغير الفلتر مع كل تغييرة و الزيت اللي يعتبر ماشي كويس مع الماروتي شل hx5 اللي بيقال عليه شل الاصفر و لزوجته 15w50 و ده متوسط تغيير 4-5 الاف ع حسب طريقة السواقة و الجو و حالة الموتور و طبعا بالكشف عليه بيظهر الي حدا ما حالته
زيت الفتيس كذلك يتغير برده شل لزوجة 75w90 او 80w90 و ع ما اتذكر الماروتي بتاخد 2 لتر و بيتغير بعد كده كل 20-30 الف ك و اوعي حد يقولك زيت اللفتيس مبيتغيرش و بيتزود لو نقص ده معناه ان فيه تسريب عندك و اوعي تخلي حد يعبي من الطرمبة البرتقالي لأن فيها بلاوي و بواقي الزيت في اماكن كتيير لكن اللي يعبي يستخدم رداخ و يحطلك من الجيركن المتبرشم و يفضل تعبيه في البنزينة

مية الريداتير تتغير و تحط مية ريداتير سواء خضرا او زرقا المهم تكون مية نضيفة زي موبيل او ادكو او اي نوعية مجربة و ديه بتتغير كل سنتين او 40 الف ك تقريبيا

زيت الفرامل يتغير برده كل سنتين عشان بيفقد خواصه و الشوائب و برده اوعي حد يقولك مبيتغيرش و بيتزود نقص يعني فيه تسريب سواء ماستر عمومي او فرعي ضارب او التيل خلصان و تستخدم نوعية كويسة زي بيندكس او لوكهيد او اس ال
و تخلي الميكانيكي ينزل الزيت اللي في الدورة كلها الأول و بعدين ينضف الدورة بالزيت الجديدة و ينزل الزيت الجديدة من كل فردة و بعدين يملي ع نضافة و ياخد هوا من الدورة اوعي يخلط او مينضفش الدورة عشان ممكن الماستر يضرب لو كذا نوع ع بعضه

شوف مية البطارية لو سايلة و اعملها صيانة كل شهر

نضف البوابة و الكربراتير و رجلش دواسة البنزين و زييت دواسات البنزين و الفرامل و الدبرياج و بالمرة خلي الميكانيكي يبصلك ع طقم الدبرياج

و زيت مفصلات الابواب و الشنطة و الكبوت و ربط مسامير العربية كلها

و ظبط زوايا و ربط عفشة ممكن قبل تربيط العفشة تغسل العربية من تحت و ترش wd-40 ع العفشة او تقول العامل و هو عارف هيرش فين و بعدها بيوم تروح تغسلها من تحت تاني و ترش شحم ابيض ع العفشة و تروح تربط بعدها العفشة هترجع كأنها جديدة

بس كده يا باشا ديه صيانة وقائية دلوقتي

بخصوص الاسعار فيه موضوع مثبت في القسم فيه اسعار اغلب قطع غيار الماروتي
بس اهم حاجة اوعي تسترخصش بالذات في سيير الكاتينة و البلية تخلي الميكانيكي يكشف عليها لو محتاجة تتغير
و برده تجيب من اماكن كويسة و اغلب الاماكن اللي بنتعامل معاها طبعا منفذ بيع قطع غيار مودرن موتور في الدقي و ليدرز في الدقي و سوزوكي سنتر في التوفيقية و اكرم حمدي في ش دمشق نظرا لأن قطعهم نضيفة و مجربة

الكاوتش ممكن تركب مقاس اعرض شوية يثبت العربية معاك اكتر المقاس الاصلي 12\145\70 فممكن تركب 12\155\65 الانواع طبعا هانكوك او كومهو الاتنين كوري و يعتبروا مناسبيين سواء سعر او جودة او مناسبة للشوارع فيه طبعا حاجات تانية كتيير اعلي بس اغلي و ابعد عن الانواع المجهولة سواء صيني او اندونيسي خليك في الماركات المعروفة و مجربة

الدلاية هتلاقيهم واقفين بيها في التوفيقية الطقم بـ20-25 ج و انت و فصالك

و اي استفسار اتفضل يا باشا

**mnhm2** · 29-05-2013, 08:18 PM

المشاركة الأصلية كتبت بواسطة amr axel مشاهدة المشاركة

الف مبروك العربية يا باشا ربنا يديك خيرها و يكفيك شرها
و تسلم ايديك ع التقرير الجامد ده :)

العربية موديل كام ؟؟ لأ فيه قطع بمرور الوقت سواء يتكشف عليها او تتغير مش بعدد الكيلومترات بس

و ديه صيانات وقائية لسه قايلها لزميل لنا هنا برده

بخصوص الاسعار فيه موضوع مثبت في القسم فيه اسعار اغلب قطع غيار الماروتي
بس اهم حاجة اوعي تسترخصش بالذات في سيير الكاتينة و البلية تخلي الميكانيكي يكشف عليها لو محتاجة تتغير
و برده تجيب من اماكن كويسة و اغلب الاماكن اللي بنتعامل معاها طبعا منفذ بيع قطع غيار مودرن موتور في الدقي و ليدرز في الدقي و سوزوكي سنتر في التوفيقية و اكرم حمدي في ش دمشق نظرا لأن قطعهم نضيفة و مجربة

الكاوتش ممكن تركب مقاس اعرض شوية يثبت العربية معاك اكتر المقاس الاصلي 12\145\70 فممكن تركب 12\155\65 الانواع طبعا هانكوك او كومهو الاتنين كوري و يعتبروا مناسبيين سواء سعر او جودة او مناسبة للشوارع فيه طبعا حاجات تانية كتيير اعلي بس اغلي و ابعد عن الانواع المجهولة سواء صيني او اندونيسي خليك في الماركات المعروفة و مجربة

الدلاية هتلاقيهم واقفين بيها في التوفيقية الطقم بـ20-25 ج و انت و فصالك

و اي استفسار اتفضل يا باشا

الله يبارك فيك يارب بالنسبه للموديل موديل 2009
فبريكا بره وجوه بدون اي حكات عداد 27 الف
فيها جنوط اسبور
كاسيت سي دي
تكييف يحتاج شحن فقط
سنتر + وحدة رفع ومعاها المفاتيح الاصلي
الاستبن ملمس الارض
وبالكتالوج
سعر الشراء 27500
دي مواصفات سيارتي

بالنسبه للكاوتش انا عندي عريض
بس انا عايز اغيره لاني مش مرتحله
لاني بسافر كتير

انا بشكرك علي تواجدك ومرورك الكريم

**Muahmmad Honda** · 29-05-2013, 08:27 PM

والف مبروك العربيه وربنا يكفيك شرها ويديك خيرها :)

تحياتى :)

**ahmedalaahosny** · 29-05-2013, 09:51 PM

بص هي عربية بنت حلال بس لو تكيف بدل ماالواحد بيولع جواها انا معايا موديل 99 بتاعة قريبي وجميلة اوي علي الرغم من انه مهمل فيها

Comment

إعـــــــلان

.

تقريري الشخصي عن الماروتي

تقريري الشخصي عن الماروتي

Comment

Comment

Comment

Comment

Comment