ازاي احسب استهلاك البنزين في الالتو؟؟؟

[دكتور احمد]

دلوقتي يا شباب انا معايا التو 800 سي سي 2013...كنت عاوز احسب بالظبط استهلاك البنزين لكل 100 كم كام عشان العداد فيه 3 قرائات واحد فيهم ده العداد العادي بتاع الكيلومترات وتاني A وتالت B مش عارف دول بيعملوا ايه؟؟؟

ازاي بقي حساب الاستهلاك عشان فيه كلام متناقض بخصوص الموضوع ده بين التوكيل والناس اللي بره فعايز اتأكد بنفسي...

ياريت المشوره من اهل الخبره...

[dr.hazem]

هتفول البنزين للزور وتصفر عداد الرحلات سواءا A او B وتاخد طريقك اليومي ونت مروح هتعبي تاني من نفس المحطة ويفضل نفس المكنه ولحد الزور وتشوف العربية خدت كم لتر بنزين وعداد الرحلات كاام كيلو وبالتالي هتقدر تعرف اللتر الواحد بيمشيك قد ايه....

وطبعا لو طريقك اليومي مزدحم ترقع ان الاستهلاك هيكون عالي بالنسبة للعربية...
تحياتي

Sent from my LT18i using Forum Runner

[Amr Axel]

الموضوع هيكون تقريبي او متوسط الاستهلاك لأن الاستهلاك بيتأثر بظروف كتييير زي طريقة سواقتك و بتسوق في الزحمة و لا مفتوح و ضغط الكاوتش حتي اتجاه الهوا بيأثر ع السحب و هل العربية صياناتها مظبوطة و لا لأ و بالتالي هيكون صعب تحسب بالظبط
الطريقة بسيطة تشوف مؤشر البنزين فين بالظبط و بعدين تروح تحط 20 لتر و تشوف العربية كام كيلو ساعتها و تمشي سواء طريق مفتوح او زحمة لحد ما المؤشر ينزل في نفس المكان و تشوف كام كيلو و تقسم
او تفول العربية و تشوف كام كيلو و تمشي بالعربية لحد ما المؤشر ينزل لاخر شرطة و تشوف كام كيلو مشيتهم و تقسم برده التانك سعته 35 لتر
لكن للعلم الالتو متوسط الاستهلاك في الزحمة معايا و مع الناس هنا برده 18 ك لللتر