الحمد لله جيت سوزوكى فان زيرو وعندى كام سؤال

[pop man]

مساء الخير على اجمل اعضاء
الحمد والشكر لله لسه مستلم عربيتى الفان
انا جايبها قسط
فى الاول المعرض أخد منى المبلغ بتاع التأمين وقالى المعرض هو اللى بيأمن وبعد ماترخص هديك صوره من بوليسه التأمين الكلام ده صح ولا المفروض انا اللى أأمن بنفسى ؟؟
السؤال الثانى هو ايه افضل زيت موتور ليها يكون كويس جدا ليها وفى نفس الوقت ميكونش غالى اوى ؟؟
اخر حاجه بقى معلش واهم حاجه عايز اعرفها لو ماروحتش صيانه ال 1000 كيلو وغيرت زيت وفلاتر بره العربيه تخرج من الضمان ؟؟ طيب لو روحت هياخدو منى كام علشان اعمل حسابى وهل الاسعار عندهم زى بره ولا اغلى كتير وهيشتغلونى ؟؟ انا بس مش عايز العربيه تخرج من الضمان لحسن لقدر الله يجرالها حاجه وانا اول مره اكب زيرو ومعنديش اى خلفيه عن الحاجات دى

واى حد عايز يعرف اى حاجه عن السعر او اجرئأت التقسيط او اى حاجه انا مريت بيها يتفضل يسأل وهجاوب على اللى اعرفه انشاء الله
وشكرأ مقدما ليكم جميعأ

[asaeed]

السلام عليكم أخي
برجاء السعر لو كاش هتبقى كام ولو تقسيط تشرح لي نظام التقسيط بالكامل من أول الأوراق حتى الاستلام ونظام التقسيط.... إلخ
وجزاك الله خيرًااااا

[S O P H O S]

الف مبــروكــ
ربنا يباركلك فيها وتاخد خيرها ..

[pop man]

السلام عليكم أخي
برجاء السعر لو كاش هتبقى كام ولو تقسيط تشرح لي نظام التقسيط بالكامل من أول الأوراق حتى الاستلام ونظام التقسيط.... إلخ
وجزاك الله خيرًااااا

بص هو انا معييش ضمانات كافيه لا سجل تجارى ولا أفرضات مرتب فلما روحت المعرض قالى مفيش قدامك غير حل واحد وهو قسط البنك الاهلى بصوره البطاقه ووصل نور او غاز بأسمك وهتدفع 60% من ثمن العربيه واللى عمل تقريبا 37000 وتقسط المبلغ الباقى على سنتين ب قسط شهرى 1328
فأتريت اقبل واستلفت فلوس على اللى معايا لأنى مكنش معايا غير 32000 ودفعت ال 60 % وجبتها
بص ياسيدى الأجرئات المعرض هيفضل معاك واحده واحده لأنه عايز يبيع اول حاجه مليت استماره طلب قرض "فى المعرض" والمعرض وداها للبنك تانى يوم نزلى مندوب من البنك يستعلم عنى على عنوان البطاقه سئل الجيران وبعدها طلع قعد معايا سئلنى 3 أسئله المعرض كان قايلى عليهم وقايلى اجاوب بأيه
1_ دخلك كام فى الشهر "قولتله 3500 " مع انه اقل من كده بكتيييييييير بس لازم اقول كده علشان يوافقه
2_ انت اكيد جايب العربيه تشغلها " الاجابه لا انا جايبها شخصيه علشان العيله كبيره شويه" لانى برده لو قولت غير كده مش هيوافقه لانها ملاكى
3_ بتشتغل ايه وبعدها بيروح على العنوان بتاع الشغل اللى هتقولهوله ويسئل عنك "انت بقى اظبط الدنيا هناك من قبلها"
اى اجابه غير كده ممكن الموضوع يتعقد ده اللى قالهولى المعرض
بعدها بتطلعلك موافقه البنك بيتصل بيك يبلغك بتروح تدفع المقدم وتمضى وتستلم
اخر حاجه بقى دفعت كام وسعرها كام
كاش اللون الابيض 62500
كاش اى لون تانى 63500
قسط بصوره البطاقه
تدفع 60% حوالى 37000 + 2350 تأمين + 350 أدريات وتستلم
ده كل اللى مريت بيه ولو فيه حاجه تانى وانا كنت اعرفها تحت أمرك

[pop man]

الف مبــروكــ
ربنا يباركلك فيها وتاخد خيرها ..

ميرسى كتير ربنا يخليك

[HHALAWANY]

مبروووك عليك .. ربنا يديك خيرها ويكفيك شرها
انا هارد عليك بنائا على معلوماتي البسيطة اللي عشتها في الضمان
وردي هايكون عن طريق موضوع انا عاملة
عشان تستفيد من ردي ورد النسوور عليا :)

مبدئيا انا معايا الماروتي زيرو والحمدلله

ده تقرير عن صيانة ال1000 وفيه الاسعار واعتقد انها هاتبقى واحدة برضو معاك
http://www.nilemotors.net/Nile/355987-1000.html

ودي بعض ارقامهم لو حابب تستفسر قبل ماتروح وباعدين تحجز
http://www.nilemotors.net/Nile/357008-a.html

[pop man]

مبروووك عليك .. ربنا يديك خيرها ويكفيك شرها
انا هارد عليك بنائا على معلوماتي البسيطة اللي عشتها في الضمان
وردي هايكون عن طريق موضوع انا عاملة
عشان تستفيد من ردي ورد النسوور عليا :)

مبدئيا انا معايا الماروتي زيرو والحمدلله

ده تقرير عن صيانة ال1000 وفيه الاسعار واعتقد انها هاتبقى واحدة برضو معاك

http://www.nilemotors.net/nile/355987-1000.html

ودي بعض ارقامهم لو حابب تستفسر قبل ماتروح وباعدين تحجز
http://www.nilemotors.net/nile/357008-a.html

ميرررررررررررررررررسى جدأ على الموضوعين الجامدين اوى دول والدعوه الحلوه ويسمع من بقوك ربنا
شكرأ جدأ جدأ

[pop man]

بس انا لاحظت انك ماتبسطش فى التوكيل طيب انا اعرف ناس اصحابى بتوع زيوت وفلاتر لو غيرت عندهم وماروحتش التوكيل تخرج من الضمان ؟؟؟

[asaeed]

بص هو انا معييش ضمانات كافيه لا سجل تجارى ولا أفرضات مرتب فلما روحت المعرض قالى مفيش قدامك غير حل واحد وهو قسط البنك الاهلى بصوره البطاقه ووصل نور او غاز بأسمك وهتدفع 60% من ثمن العربيه واللى عمل تقريبا 37000 وتقسط المبلغ الباقى على سنتين ب قسط شهرى 1328
فأتريت اقبل واستلفت فلوس على اللى معايا لأنى مكنش معايا غير 32000 ودفعت ال 60 % وجبتها
بص ياسيدى الأجرئات المعرض هيفضل معاك واحده واحده لأنه عايز يبيع اول حاجه مليت استماره طلب قرض "فى المعرض" والمعرض وداها للبنك تانى يوم نزلى مندوب من البنك يستعلم عنى على عنوان البطاقه سئل الجيران وبعدها طلع قعد معايا سئلنى 3 أسئله المعرض كان قايلى عليهم وقايلى اجاوب بأيه
1_ دخلك كام فى الشهر "قولتله 3500 " مع انه اقل من كده بكتيييييييير بس لازم اقول كده علشان يوافقه
2_ انت اكيد جايب العربيه تشغلها " الاجابه لا انا جايبها شخصيه علشان العيله كبيره شويه" لانى برده لو قولت غير كده مش هيوافقه لانها ملاكى
3_ بتشتغل ايه وبعدها بيروح على العنوان بتاع الشغل اللى هتقولهوله ويسئل عنك "انت بقى اظبط الدنيا هناك من قبلها"
اى اجابه غير كده ممكن الموضوع يتعقد ده اللى قالهولى المعرض
بعدها بتطلعلك موافقه البنك بيتصل بيك يبلغك بتروح تدفع المقدم وتمضى وتستلم
اخر حاجه بقى دفعت كام وسعرها كام
كاش اللون الابيض 62500
كاش اى لون تانى 63500
قسط بصوره البطاقه
تدفع 60% حوالى 37000 + 2350 تأمين + 350 أدريات وتستلم
ده كل اللى مريت بيه ولو فيه حاجه تانى وانا كنت اعرفها تحت أمرك

متشكر جدااا لردك الوافي
والله يا أخي أنا نفسي أجيبها وأهي تبقى حاجة تزود الدخل لحسن الحال مبقاش ولا بد خصوصا الزيادة المستمرة في أسعار الأكل والشرب والمصاريف أكثر من الدخل... بس أنا كل خوفي من موضوع المرور إللي على الطريق وبالذات لما سمعت انهم بيستوقفوا الفان كتييير لما تكون متحملة... وناس قالوا لي أنه ممكن يسحبوا العربية على القسم وقصة أنا في غنى عنها... فياريت يا أخي الكريم تقول لي إيه رأيك وكيفية تشغيلها إزاي لحسن الواحد عامل زي الغريق إللي بيتعلق بقشاية... آسف على التعبير
سؤال أخير إيه رأيك في الشيفروليه الـ n300 فخامة وأناقة وعربية واسعة من جوة.. ياريت لو عندك معلومات عنها تقول لي عليها
وشكراً جزيلاً

[Amr Axel]

الف مبروك ربنا يديك خيرها و يكفيك شرها

و تسلم ايديك ع التقرير :)

بخصوص الاسئلة

ممكن حضرتك تأمن و ممكن المعرض يأمن بس المعرض بينه و بين شركة التأمين بيكون بيزنس شوية

بخصوص الزيت العربية جديدة بالاضافة ان موتورها مش بدائي زي الماروتي هقولك تحطلها معدني لكن التخليقي هو الافضل منها محافظة ع الموتور و في نفس الوقت عمره اطول من المعدني

سواء شل الترا او فيسكو 5000 و فيسكو 5000 هو ارخص من شل بس هو اسمه كده مش معناها بيقعد 5000
فيسكو منزله 3 فيسكو 2000 معدني و فيسكو 3000 و فيسكو 5000 تخليقي ده غير المخصص للعربيات الغاز و سعره بيكون ارخص و تشتريه من محطات كارجاس و يكون متغلف من برة و الغطا متبرشم و فيه تحتيه فويل برشام تحت الغطا برده
و للعلم مفيش حاجة اسمها زيت 5000 و زيت 10000 فيه معدني و نص تخليقي و تخليقي
المعدني ممكن ميكملش معاك 4000 و ممكن يوصل 6000 اما التخليقي بيكون اطول من ده قد يصل لـ12 الف بس كل بيعتمد ع طريقة القيادة و الجو و حالته الموتور فلازم المتابعة الدائمة للزيت
اما فلتر الزيت خليك في الياباني زي تويوتا او زيوركس و تغيره مع كل تغييير و برده مفيش حاجة اسمها فلتر 5000 و فلتر 10000 اللي بيقال عليه 5000 و تلاقيه سعره 15 ج ده خاامته اقل و انت نصيبك ممكن ميكملش معاك و اللي بيقولوا عليه 10000 ده خاماته أفضل و سعره بيكون 25 ج

بخصوص الضمان معرفش ايه نظامهم دلوقتي مع تغييير الزيت بس في اول صيانة لو زيت تخليقي تعمل حسابك في 350 - 400 ج و تسألهم الأول التكلفة و ايه اللي هيتعمل عشان ساعات فيه ناس بتروح بيضاف ليهم حاجات هما مش عايزنها زي غسيل موتور 40 او 50 ج او مصروفات اخري متعرفش بتاعت ايه

انا عن نفسي مروحتوش من بعد اول صيانة بتاعت الـ1000 و عامة يفضل تروح اول صيانة عشان لو فيه حاجة ملاحظها لو مش فارق معاك الضمان و العربية كويسة خلاص توكل ع الله برة

و ان شاء الله هننتظر تقرير عن اللي هتعمله :)

و اي استفسار اتفضل

[pop man]

متشكر جدااا لردك الوافي
والله يا أخي أنا نفسي أجيبها وأهي تبقى حاجة تزود الدخل لحسن الحال مبقاش ولا بد خصوصا الزيادة المستمرة في أسعار الأكل والشرب والمصاريف أكثر من الدخل... بس أنا كل خوفي من موضوع المرور إللي على الطريق وبالذات لما سمعت انهم بيستوقفوا الفان كتييير لما تكون متحملة... وناس قالوا لي أنه ممكن يسحبوا العربية على القسم وقصة أنا في غنى عنها... فياريت يا أخي الكريم تقول لي إيه رأيك وكيفية تشغيلها إزاي لحسن الواحد عامل زي الغريق إللي بيتعلق بقشاية... آسف على التعبير
سؤال أخير إيه رأيك في الشيفروليه الـ n300 فخامة وأناقة وعربية واسعة من جوة.. ياريت لو عندك معلومات عنها تقول لي عليها
وشكراً جزيلاً

لا شكر على واجب
بص انا لسه محتكتش بالمرور اوى بس كل اللى اقدر اقوله واللى اتقلى انك تحاول بقدر الامكان تبعد عن شغل الخط لسببين الاول ان المرور ممكن يرخم عليك والتانى ان سواقين الاجره ممكن تعمل معاك مشاكل لاقدر الله
يعنى انا عن نفسى عندنا كام مصنع بلاستك على كام مصنع قماش وكلهم حبايبى هنزلها إن شاء الله الصبح دوره مدارس وأهى تبقى حاجه ثابته وبعد كده هنزل مع المصانع دى بالتيلفون فانت حاول اهم حاجه تظبط دوره مدارس او موظفيين وتخلى الخط او الموقف ده اااااااااااااااااااااااخر اختيار تلجأله مؤقتأ وقول يارب وارمى حملك عليه وإن شاء الله خير انت بتسعى للرزق الحلال
بالنسبه لل N300
هى فخمه وشيك ومريحه وجايبها واحد صاحبى بص مطلعه عينه فى الاكسسوارات وقطع الغيار والتوكيل غالى جدا ومش لاقى حاجتها بره الا حاجات قليله فى التوفيقيه ده غير انها صينى مش يابانى فرأى الشخصى انك تجيب حاجه بتاعة شغل واكل عيش مش بتاعت منظره ومصاريف الحاجه بتاعت الN300 اغلى من بتاعت السوزوكى 3 او 4 اضعاف للقطعه
ولك الاختيار وربنا يرزقنا بالحلال

[pop man]

الف مبروك ربنا يديك خيرها و يكفيك شرها

و تسلم ايديك ع التقرير :)

بخصوص الاسئلة

ممكن حضرتك تأمن و ممكن المعرض يأمن بس المعرض بينه و بين شركة التأمين بيكون بيزنس شوية

بخصوص الزيت العربية جديدة بالاضافة ان موتورها مش بدائي زي الماروتي هقولك تحطلها معدني لكن التخليقي هو الافضل منها محافظة ع الموتور و في نفس الوقت عمره اطول من المعدني

سواء شل الترا او فيسكو 5000 و فيسكو 5000 هو ارخص من شل بس هو اسمه كده مش معناها بيقعد 5000
فيسكو منزله 3 فيسكو 2000 معدني و فيسكو 3000 و فيسكو 5000 تخليقي ده غير المخصص للعربيات الغاز و سعره بيكون ارخص و تشتريه من محطات كارجاس و يكون متغلف من برة و الغطا متبرشم و فيه تحتيه فويل برشام تحت الغطا برده
و للعلم مفيش حاجة اسمها زيت 5000 و زيت 10000 فيه معدني و نص تخليقي و تخليقي
المعدني ممكن ميكملش معاك 4000 و ممكن يوصل 6000 اما التخليقي بيكون اطول من ده قد يصل لـ12 الف بس كل بيعتمد ع طريقة القيادة و الجو و حالته الموتور فلازم المتابعة الدائمة للزيت
اما فلتر الزيت خليك في الياباني زي تويوتا او زيوركس و تغيره مع كل تغييير و برده مفيش حاجة اسمها فلتر 5000 و فلتر 10000 اللي بيقال عليه 5000 و تلاقيه سعره 15 ج ده خاامته اقل و انت نصيبك ممكن ميكملش معاك و اللي بيقولوا عليه 10000 ده خاماته أفضل و سعره بيكون 25 ج

بخصوص الضمان معرفش ايه نظامهم دلوقتي مع تغييير الزيت بس في اول صيانة لو زيت تخليقي تعمل حسابك في 350 - 400 ج و تسألهم الأول التكلفة و ايه اللي هيتعمل عشان ساعات فيه ناس بتروح بيضاف ليهم حاجات هما مش عايزنها زي غسيل موتور 40 او 50 ج او مصروفات اخري متعرفش بتاعت ايه

انا عن نفسي مروحتوش من بعد اول صيانة بتاعت الـ1000 و عامة يفضل تروح اول صيانة عشان لو فيه حاجة ملاحظها لو مش فارق معاك الضمان و العربية كويسة خلاص توكل ع الله برة

و ان شاء الله هننتظر تقرير عن اللي هتعمله :)

و اي استفسار اتفضل

ياباشا يسعدنى ويشرفنى جدا ردك على موضوعى وشكرأ جدا جدا على مساعدتك والله يبارك فيك وانا بأمانه فى دماغى انزل تقرير كامل مصور عن الفان من الالف للياء علشان ملهاش تقارير تقريبا وقريب جدا انشاء الله هنزل تقرير يعجبك
طيب ايه رأي حضرتك فى شل الاصفر انا داخل دماغى من ايام ماكنت بحطه لل 128 بس مش عارف ينفع ولا لا
ومعلش يعنى ايه معدنى وتخليقى واعرفه منين ؟؟
وشكرا جدا لحضرتك ولكل اللى رد

[pop man]

وكنت عايز اعرف برده لو هغير زيت فى التوكيل انا اللى بختار نوعه وينفع اجيبه من بره ولا التوكيل بيجبرنى على نوع معين ؟

[Amr Axel]

ياباشا يسعدنى ويشرفنى جدا ردك على موضوعى وشكرأ جدا جدا على مساعدتك والله يبارك فيك وانا بأمانه فى دماغى انزل تقرير كامل مصور عن الفان من الالف للياء علشان ملهاش تقارير تقريبا وقريب جدا إن شاء الله هنزل تقرير يعجبك
طيب ايه رأي حضرتك فى شل الاصفر انا داخل دماغى من ايام ماكنت بحطه لل 128 بس مش عارف ينفع ولا لا
ومعلش يعنى ايه معدنى وتخليقى واعرفه منين ؟؟
وشكرا جدا لحضرتك ولكل اللى رد

يا باشا احنا اللي يشرفنا و يسعدنا انضمامك لينا و ان شاء الله نشوفك في مقابلات القسم

هكلمك الأول ع الزيت و بعدين اقولك رأيي في الشل
الزيت المعدني هو زيت مستخلص من مواد بترولية و دايما بيكون تقيل بس عمره قصير سواء بالوقت او بعدد الكيلومترات يعني تقدر تقول انه بيفقد خواصه اسرع و دايما هتلاقي لزوجته 20w50 او 15w50
اما الزيت التخليقي فده زيت مصنع بالكامل و بمواصفات و تكنولوجيا معينة و بالتالي بيكون خفيف و يستحمل درجات الحرارة العالية و الظروف القاسية ده غير ان ادائه أفضل من المعدني طبعا و بالتالي عمره اطول في الموتور و دايما هتلاقي لزوجته هنا 5w30 او 5w40 و الرقم الاصغر ده لزوجته في درجات الحرارة المنخفضة و الرقم الاكبر لزوجته في درجات الحرارة العالية

اما النصف تخليقي ده معدني بمواصفات الي حدا ما تخليقي ع حد علمي بيكون 20 % زيت تخليقي و الباقي معدني و هتلاقي لزوجته 10w40

بخصوص الشل الاصفر طبعا مفيش كلام عليه كويس و انا بستخدمه لكن للعلم ده معدني مش تخليقي عايز تستخدمه ده شئ يرجع ليك لكن الافضل التخليقي في جميع الحالات

بخصوص التوكيل بتقولهم عايز زيت ايه و هم بيستخدموا موبيل اما من ناحية تجيب زيت من برة و هم يحطوه مش عارف يوافقوا و لا لأ بس فيه ناس معانا هنا سألوا و قالوا ينفع فممكن تسألهم

[pop man]

يا باشا احنا اللي يشرفنا و يسعدنا انضمامك لينا و ان شاء الله نشوفك في مقابلات القسم

هكلمك الأول ع الزيت و بعدين اقولك رأيي في الشل
الزيت المعدني هو زيت مستخلص من مواد بترولية و دايما بيكون تقيل بس عمره قصير سواء بالوقت او بعدد الكيلومترات يعني تقدر تقول انه بيفقد خواصه اسرع و دايما هتلاقي لزوجته 20w50 او 15w50
اما الزيت التخليقي فده زيت مصنع بالكامل و بمواصفات و تكنولوجيا معينة و بالتالي بيكون خفيف و يستحمل درجات الحرارة العالية و الظروف القاسية ده غير ان ادائه أفضل من المعدني طبعا و بالتالي عمره اطول في الموتور و دايما هتلاقي لزوجته هنا 5w30 او 5w40 و الرقم الاصغر ده لزوجته في درجات الحرارة المنخفضة و الرقم الاكبر لزوجته في درجات الحرارة العالية

اما النصف تخليقي ده معدني بمواصفات الي حدا ما تخليقي ع حد علمي بيكون 20 % زيت تخليقي و الباقي معدني و هتلاقي لزوجته 10w40

بخصوص الشل الاصفر طبعا مفيش كلام عليه كويس و انا بستخدمه لكن للعلم ده معدني مش تخليقي عايز تستخدمه ده شئ يرجع ليك لكن الافضل التخليقي في جميع الحالات

بخصوص التوكيل بتقولهم عايز زيت ايه و هم بيستخدموا موبيل اما من ناحية تجيب زيت من برة و هم يحطوه مش عارف يوافقوا و لا لأ بس فيه ناس معانا هنا سألوا و قالوا ينفع فممكن تسألهم

ميرسى جدا للمتابعه يا فندم
يعنى اقدر اطلب نوع الزيت اللى انا عايز احطه وهما مش هيعترضو صح كده
هو مكتوب فى الكتلوج يفضل زيت
20w50

ويسلام لو حد يقولى تكلفه الترخيص فى حدود كام من طفايه ومثلث وضريبه وتأمين وصندوق الاسعافات وشويه الرفايع تبقو خدمتونى اوى