تقرير مصور : عن مشكله كسر فيشة كونتاكت الماروتي و اصلاحها

[amrmamdooh]

مشكله ظهرت لوحدها في مفتاح الكونتاكت : بطلت العربيه و نزلت اشتري حاجه و جيت ادور العربيه بتدور بس المارش ما بيرجعش لوحده يعني بيفضل مدي مارش - طبعا رجعته بأيدي و زعلت جدا العربيه لسه 2013 كلمت واحد صحبي و اتفقنا نروح الصبح لكهربائي يشوفها - بالليل و انا بدور ع النت لاقيت واحد معاه سوزوكي ماروتي 2013 بيشتكي من نفس العيب - روحنا للكهربائي و بدا يفك العلبه اللي تحت الدركسيون و و بعدين قاللي دي فيشة الكونتاكت مكسوره .. فكها و فعلا لاقيناها مكسوره قاللي انته بتقرص عليها قولتله لأ ده الظاهر عيب صناعه المهم حاول يغيرها لكن مالقيناش نفس المقاس قاللي الحمهالك قولتله بس كده هتتكسر تاني قاللي لا ما تقلقش المهم قعد حوالي ساعه يلحمها و ركبها و الحمد لله اشتغلت تمام وده كان تقرير بسيط لمنتدانا الجميل عشان يمكن يحصل نفس العطل مع حد من الأعضاء .
مرفق بعض الصور

http://www.mediafire.com/view/gz4pj8jarggenan/%D8%B5%D9%88%D8%B1
%D8%A9_(1).jpg

[Amr Axel]

تسلم ايديك يا باشا ع التقرير
هو فعلا ممكن حضرتك بتقرص ع الكونتكت لأن لحد دلوقتي مسمعتش ان حد اشتكي من الموضوع ده غيرك بس كان الأفضل تروح التوكيل لانها لسه في ضمان طالما 2013
و هطلب اضافة الصور للمشاركة الاولي

[dr.hazem]

طيب وما رجعتش التوكيل ليه لان حاجة زي دي مكنش لازم تحصل؟؟!
تحياتي

Sent from my LT18i using Forum Runner

[amrmamdooh]

التوكيل بعيد جدا عني لاني من الصعيد ده غير اني خفت على المارش لا يتحرق اذا ما رجعتش المفتاح بايدي

[LORD.ADeL]

قدر الله وماشاء فعل معلش بس هيا بدال لسه موديل سنه كانت تروح ع توكيل ع طول
معلش ممكن حضرتك بعد مالحمت فيشه تروح للتوكيل يخليهم يغيروها بوحدة جديدة بتعتها افضل والله مستعان

[HHALAWANY]

الحمدلله انها جت على قد كده
وقدر الله وماشاء فعل
طب انا اعمل ايه لو لاقدر الله الموضوع ده حصل معايا
ارجع المارش بايدي ازاي ومنين :)

شكرا

[S O P H O S]

الحمد الله انها اتحلت