نمر العربية اتسرقت !!!

[HHALAWANY]

شباب ...انا النهاردة اخدت العربية ورحت بيها جامعة الدول .. ركنتها واديتها ضهري ورحت مول سفنكس اجيب حاجة وبعد نص ساعة بس ... روحت اركبها لاقيتها من غير نمر.... ولا ورا ولا قدام .. بصراحة انا ماخدتتش بالي غير في اللحظة دي . مش متأكد اذا كانو اتسرقوا تحت البيت ولا وانا راكن في جامعة الدول
اخدت بعضي ورحت على قسم العجوزة .. عشان اعمل محضر
الراجل سألني مكان وتوقيت الواقعة قلتله دلوقتي في جامعة الدول مش عارف بقا ده صح ولا غلط لاني كان عندي شك انها ممكن تبقى تحت البيت بالليل ... هي جت معايا كده ....
المهم ... اخدت رقم المحضر في ورقة معفنة وقالي فوت علينا بكرة عشان النهاردة الجمعة ومافيش اختام واطلب صورة من المحضر واطلع على المرور

بس كده ... وانا المفروض بقا اخلص الحوارات دي
بس الحمد لله انها جت على قد كده .. وقدر الله وما شاء فعل
وربنا يستر ان شاء الله

[Land_Cruiser]

مكان السرقه مش هيفيد قوي لاننا عمرنا ما سمعنا عن ان الشرطه بتدور علي اللوحات المسروقه و بتعرف ترجعها تاني و ده لصعوبه الموضوع و علي العموم حضرتك عملت اللي عليك و بلغت علشان تخلي مسؤوليتك . المحضر مهم جدا علشان تثبت عدم مسؤوليتك عن اللوحات المسروقه دي لان اللي بيسرقها في الغالب بيستخدمها في عمل الجرائم. اعتقد كده بعد عمل المحضر بتاع فقد اللوحات ان حضرتك محتاج تروح المرور تطلب نمر جديده بدل اللي اتسرقت

[reda elgohary]

بجد واقعة غريبة شوفتها ف فيلم لعادل إمام ،،عموما أفضل شئ أنك عملت محضر ، ربنا يكرمك وتخلص موضوع النمر الجديدة بدون مشاكل .
قدر الله مشاء الله فعل .

[Amr Axel]

لا حول و لا قوة الا بالله
كويس انك روحت تبلغ في ساعتها عشان تخلي مسئوليتك لكن كان من الافضل طالما شاكك انها ممكن تكون من ساعة البيت يبقي تقيد لأن اللي بيسرق نمرة اكيد عشان يعمل بيها مصيبة و صاحبها يلبس في الحيط و بالتالي لو حصلت حاجة قبل الوقت المذكور في المحضر ممكن تكون ضد صاحبها بس متقلقش ان شاء الله خير المهم انك عملت محضر و متتأخرش و اطلع ع المرور اول ما تاخد صورة المحضر عشان تبقي في السليم و تاخد نمر

[وائل شويخ2]

ونصيحه حاول لما تستلم اللوح الجديده

ركب مسامير المرور لأنها فعلا صعب فكها وبتاخد وقت وحط الغطيان البيضه عليها

[HHALAWANY]

شكرا يا شباب وان شاء الله خير وربنا يسترها عليا
المشكلة فعلا في توقيت السرقة ابعد من توقيت السرقة اللي انا ذكرته في المحضر
لان فعلا هي اتسرقت من تحت البيت الفجر .. وانا زاكر في المحضر انها صباح نفس بس يوم الساعة 3 العصر
اتأكدت لما سألت البواب لانه قالي ان في نمر عربية تانية في العمارة اللي جنبينا برضو اتسرقت بس اول امبارح
ربنا يستر ان شاء الله عليا في فرق التوقيت ده
وعلى العموم انا رايح اهوه على القسم ووراه المرور
وشكرا

[LORD.ADeL]

ونصيحه حاول لما تستلم اللوح الجديده

ركب مسامير المرور لأنها فعلا صعب فكها وبتاخد وقت وحط الغطيان البيضه عليها

خير يا حسام ان شاء الله وربنا يسترها واهم حاجه انك اتصرفت بسرعه وومكن من مفاجاء موقف قلت وقت للى عملت فيها وومكن كانت فجر عامتا الله مستعان وطمنا

وائل باشاا نمر مرور حضرتك بردو بتتفك عادي جداااا اي حد متمكن هيفكها بسهوله وربنا يسترها ع الكل

[HHALAWANY]

وانا راييح القسم لجنة وقفتني وحكيت للظابط على احوار كله اخد رخصتي ورخصة العربية وخلاني اركن على جنب في الشارع وخلاني اروح اخلص المحضر ولما ارجعله بالمحضر ايدينيي الرخص والعربية ... ولحسن الحظ ان اللجنة كانت قريب من القسم ومامشتش كتير . وتم الحوار في ساعة الا ربع تقريبا و اخدت العربية والرخص
والحمد لله طلعت على مرور بين اللرايات وخلصت كل حاجة وجبت رخصة جديدة ونمر جديدة ... بعد ماطلعو عيني وزهقوني ... بس الحمد لله خلصت
ودفعت 15 جنيه فحص و جنيه ورقة مخالفات و5 جنيه اخدها مني الموظف و 155 جنييه عشان النمر والرخصة الجديدة
كنت هناك على الساعة 10 اعتقد واديني لسة راجع اهوه
بس انا ماعلقتش النمر حاتطها على اللتابلوه من قدام وواحدة حاتطها عى رف الشنطة اللي ورا , لحد بس اما موضوع سرقة النمر دي يخف او يغور خالص
لاني بعد ما ركنت لاقيت عربية 123 مسروق نمرها برضو ... حتى لاقيتها كمان مقطومة من ناحية المسمارين .. مقصوص حواليا
ربنا يسسترها من عنده ان شاء الله
والحمد لله على كل شيء

[amrseif]

هو ايه اللى بيحصل فى البلد ده يا جدعان ؟ احنا عايزين ثورة على البلطجية و الحرامية ....

[mesaharaty]

ولا يهمك يا باشا فداك ألف نمرة

يعنى كده حضرتك فحصت تانى ودفعت مصاريف نمر جديدة ؟ يبقى اللى اتغير بس فى الرخصة هو تاريخ الفحص مع ثبات تاريخ انتهاء الرخصة ؟؟

[MEGO802]

انت منطقتك فين يا حسام اصل عندنا فى المنطقة نفس الحكاية

[El Prince]

كويس انك حططيت النمر الجديدة جوا العربية - و اللى يكلمك من المرور خزق عينه - لما البلد تنضف ابأه أعلقهم !!!


عصر الفوضى فى كل شئ و كل مكان !!!
لكى الله يا مصر :(

[Amr Axel]

مبروك النمر الجديدة بس خلي بالك لأن كده مخالف لقوانين المرورو ممكن تدبس في غرامة 1500 ج لو النمر مش موجودة او مش شايفها او ع الاقل 500 ج لأنها مش في المكان الصحيح

[HHALAWANY]

انت منطقتك فين يا حسام اصل عندنا فى المنطقة نفس الحكاية

انا من المنيب ، من بره وانت رايح على طريق مصر اسيوط .. وانت منين ؟

[HHALAWANY]

مبروك النمر الجديدة بس خلي بالك لأن كده مخالف لقوانين المرورو ممكن تدبس في غرامة 1500 ج لو النمر مش موجودة او مش شايفها او ع الاقل 500 ج لأنها مش في المكان الصحيح

!!!!!! يا دين النبي !!! ليه ده كله

بس هي واضحة من اودام ومن مرة انا مثبتها حلو
ممكن برضه لا قدر الله البس غرامة ال500 جنيه !!!!