شوية اسعار لقطع غيار لسوزوكي التو

[al_manara]

السلام عليكم
حبيت اشارككم بشوية اسعار لسوزوكي التو (2007)

سير كاتينة ياباني 70 جنية
سير تكيف 25 جنية
سير دينامو 25 جنية
بوجيهات دينسو 100 جنية
فلتر زيت 20 جنية
فلتر بنزين 60 جنية
فلتر هواء 60 جنية
جوان وش سلندر 60 جنية
جوان تاكيهات 55 جنية
صباع حرارة 75 جنية
تيل فرامل امامي 50 جنية
تيل فرامل خلفي 220 جنية
بلي عجل امامي (البلية) 125 جنية
فوانيس امامية (100 و 150 و 200) جنية
فوانيس خلفية 150 جنية (الاصلي)
مرايات جانبية ( 100 و 150و300) جنية

حاجات سالت عليها استيراد

مارش استيراد 250 جنية
مساعدين شنطة 150 جنية
كبوت 500 جنية
رفارف 600 جنية
اكصدام امامي بالشبكة والفوانيس 800 جنية
اكصدام خلفي 300 جنية
كبالن (الجنب الواحد كامل ) 350 جنية


اسعار قطع الغيار الجديدة من (شارع احمد حلمي)
والاستيراد من (الوكالة)

[aldesha989]

الله يجازيك خير

بس فلتر هواء وفلتر بنزين مش غالين شويه ؟

اللى بجيبه فلتر الهواء ب20 جنيه وفلتر بنزين ب 5 جنيه ولا فلتر البنزين يختلف ويختلف فى ايه ؟

[Amr Axel]

تسلم ايديك يا باشا ع التقرير
بس ليا تعليق ع الاسعار يعني سير كاتينة ياباني استحالة تلاقيه بـ70 ج ده الهندي مبيقلش عن 90-120 و بتبقي نوعية اي كلام يا ريت تقولنا النوع و تاريخ الانتاج
البوجيهات غالية شوية و بعض القطع التانية اغلي 5 او 10

و يا ريت تحديد نوع القطع و الصناعة مع اني متوقع طالما من احمد حلمي هتكون ايه و جودتها ازاي بس يا ريت تقولنا

بخصوص القطع الاستيراد فهي غالية جداااا
ع سبيل المثال الكبوت الجديد بحوالي 300 ج برة و في التوكيل بـ600 ج
مساعدين جداد في نفس السعر كذلك الاكصدامات و الكبالن من الاخر كل الاسعار الاستيراد هي اسعار القطع جديدة ماعدا المارش معرفش سعره جديد لكن ترس البندكس سعره حوالي 120 ج ده غير ان الاستيراد بيبقي نص عمر

في انتظار تحديد الانواع و الصناعة :)

[al_manara]

الله يجازيك خير

بس فلتر هواء وفلتر بنزين مش غالين شويه ؟

اللى بجيبه فلتر الهواء ب20 جنيه وفلتر بنزين ب 5 جنيه ولا فلتر البنزين يختلف ويختلف فى ايه ؟

جزانا واياكم .
حكاية غاليين مش عارف . لان العربية لسة جديدة معايا وبدور علي اماكن قطع الغيار لسة . ومش عارف مين الغالي ومين الي كويس .

فلتر الهواء كان الاصلي والبنزين برضة الاصلي .

تسلم ايديك يا باشا ع التقرير
بس ليا تعليق ع الاسعار يعني سير كاتينة ياباني استحالة تلاقيه بـ70 ج ده الهندي مبيقلش عن 90-120 و بتبقي نوعية اي كلام يا ريت تقولنا النوع و تاريخ الانتاج
البوجيهات غالية شوية و بعض القطع التانية اغلي 5 او 10

و يا ريت تحديد نوع القطع و الصناعة مع اني متوقع طالما من احمد حلمي هتكون ايه و جودتها ازاي بس يا ريت تقولنا

بخصوص القطع الاستيراد فهي غالية جداااا
ع سبيل المثال الكبوت الجديد بحوالي 300 ج برة و في التوكيل بـ600 ج
مساعدين جداد في نفس السعر كذلك الاكصدامات و الكبالن من الاخر كل الاسعار الاستيراد هي اسعار القطع جديدة ماعدا المارش معرفش سعره جديد لكن ترس البندكس سعره حوالي 120 ج ده غير ان الاستيراد بيبقي نص عمر

في انتظار تحديد الانواع و الصناعة :)

العفو .

بخصوص السير هو فعلا في كل المحلات كان من 110 الي 130 .
واحد بس في احمد حلمي اتعرفت علية (المحل عبارة عن محلين جنب بعض وماعليهوش يافطة) .

اداني السير ياباني واظنة بتاع واحدة تانية لانة اعرض من الاصلي حاجة بسيطة بس طبعا نفس المقاس . وواضح جدا ان خامة الجلد بتاعتة كويسة جدا .
خادتة منة ب 70 جنية وقالي انة بيتباع برة ب 130 .
(طبعا انا الاول جبت الي ب 130 وبعدين رجعتة تاني ) .

كل الاسعار بتاعت القطع دي هي الاصلي .

عاوز اعرف مكان التوكيل بعد اذنكم .

[Amr Axel]

جزانا واياكم .
حكاية غاليين مش عارف . لان العربية لسة جديدة معايا وبدور علي اماكن قطع الغيار لسة . ومش عارف مين الغالي ومين الي كويس .

فلتر الهواء كان الاصلي والبنزين برضة الاصلي .



العفو .

بخصوص السير هو فعلا في كل المحلات كان من 110 الي 130 .
واحد بس في احمد حلمي اتعرفت علية (المحل عبارة عن محلين جنب بعض وماعليهوش يافطة) .

اداني السير ياباني واظنة بتاع واحدة تانية لانة اعرض من الاصلي حاجة بسيطة بس طبعا نفس المقاس . وواضح جدا ان خامة الجلد بتاعتة كويسة جدا .
خادتة منة ب 70 جنية وقالي انة بيتباع برة ب 130 .
(طبعا انا الاول جبت الي ب 130 وبعدين رجعتة تاني ) .

كل الاسعار بتاعت القطع دي هي الاصلي .

عاوز اعرف مكان التوكيل بعد اذنكم .

يا باشا صدقني مش الاصلي هتلاقيه بيقولك ده القطع الاصلي بتاعت العربية يا باشا و لكن الحقيقة ده لعب في الكلام مشهورين بيه في احمد حلمي كلمة الاصلي عندهم المقصود بيها يعني زي اللي راكب في العربية
القطع الاصلية هي سوزوكي و عليه علامة و كلمة سوزوكي و التيكت و تاريخ الانتاج او التعبئة و السيريال نمبر و العلامة المائية ع التيكيت
و خلي بالك سير الكاتينة يفضل تاريخ انتاجه ميكونش عدي عليه اكتر من سنة او سنتين مع مراعاة طريقة التخزين كمان
انا بس بنبهك عشان مفيش حاجة تحصل للعربية بعد استخدام قطع مش أصلية او خامتها تعبانة

اما منفذ بيع قطع غيار مودرن موتورز فموجود في الدقي ش المساحة قدام سوبر ماركت السعودي المسئول هناك اسمه ا \ وليد
و لو اتزنقت و ملقتش قطع و محتاجها ضروري فيه ليدرز في الدقي برده 43 ش ايران أ \ محمد رفعت و احيانا هتلاقي عنده القطع الاصلية بتاعت سوزوكي و اسعاره كويسة قوله بس انك من طرفنا و هيعمل معاك واجب ان شاء الله
و سوزوكي سنتر ا \ هاني في التوفيقية فوق اسماك ابو غالي برده عنده نفس القطع زي ليدرز و اغلبها هتلاقيها قطع نوع ليتل زي ليدرز
فيه اماكن تانية نفس القطع بس اسعارهم اغلي

[al_manara]

تسلم ايدك . شاكر لك تعاونك

[mohaamohaa80]

هو فلتر البنزين فى الالتو 2007 فين وشكله ايه

[letux]

هو الفانوس الامامى ابو 100 جنيه دة من عند مين ؟؟
و ايه الفرق بين 3 انواع ؟

[S O P H O S]

اسعار كويسة