تقريرى عن صيانة ال5000 للماروتى بمدورن موتورز الحرفيين بالاسكندرية

[osos007]

السلام عليكم اولا لكل السوزوكيه المحترمين


اولا: دى ارقام مودرن موتورز اسكندرية اللى فى الحرفيين (01122579666-033601140) والمهندسين المسؤلين هناك م\محمد على ده مشرف الصيانه و م\ اسامه ده مدير الصيانه

ثانيا:اول ماوصلت سلمت العربيه و سالته ايه اللي المفروض يتم فى صيانه ال5000 قاللى تغيير زيت بزيت 5000 وفلتر زيت وتربيط عفشة و مراجعه سوائل العربيه وتزويد اللازم و مراجعة كهربة العربيه قولتله اشطه

ثالثا:سبت العربيه وقعدت فى الاستراحه لحد مالعربيه دخلت وابتدوا شغل فيها وانا بخباثتي المعهوده ناقرها من ازاز اوضة الاستراحه وشوف كل اللي حصل وكان كالاتى: تغيير زيت و فلتر الزيت و نظافة فلتر الهواء وبارك الله فيما رزق مع غسيل العربيه.

رابعا: الاسعار كما هو موجود بالفاتورة:
1-مصنعيه 65 حنيه
2-فلتر زيت 36.36 جنيه
3-زيت مويبل XHP لزوجه 20W-40 والجركن 4 لتر زود الزيت واداني بقيت الجركن والسعر 130 جنيه
4-ضريبه مبيعات 23.14 جنيه
5- مصروفات اخرى 10 جنيه ومحدش يسالنى ايه مصروفات اخرى دى
وكان الاجمالى 264.50 جنيه
والله كان الود ودى ارفعلكوا صورة الفاتوره وجركن الزيت لكن انا فى الشغل و الابلود مقفول

عندى سؤال : جركن الزيت مكتوب عليه 1000 سالته هو ده زيت 5000 قاللى اه قولتله اصل مكتوب عليه 1000 قاللى ده اسم عادى مش كيلوات
اتمنى يكون التقرير مفيد و اى استفسار انا تحت امركوا
م\اسامه

[rania mohamed]

هو انت مغير علي 5000 ك

[osos007]

هو انت مغير علي 5000 ك

ايوه مهو انا غيرت على 1000 ك اول صيانه ودى تانى صيانه على ال 5000 ك واللي جايه على 10,000 ك ان شاء الله وهكذا

[khaabas]

مبروك يا برنس على الصيانة
وموبيل مفيهوش 5000 شل هو اللى فيه 5000 والجركن لون اصفر
اما موبيل ففيه 3000 والجركن لون رمادى والالف الجركن لونه ابيض والعشرة الاف رمادى برده
دا اذا كان لسه مغيروش الالوان
وابعد عن موبيل وحط شل احسن مليون مرة

[Amr Axel]

الف مبروك للصيانة
و تسلم ايديك ع التقرير الجميل ده :)

يفضل تستخدم شل ممكن تسألهم لو ينفع تجيب الزيت معاك و تجيب شل hx5 او اللي بيقال عليه شل الاصفر يكون أفضلو هتلاقيه مريح العربية و هتحس بالفرق بس خلص باقي الجيركن اللي معاك او هتجيب عليه جيركن و يخلص في كام تغييير بدل ما ترميه و يفضل متوصلش بيه 5000 يعني 4000-4500 ك زي الفل

مبروك يا برنس على الصيانة
وموبيل مفيهوش 5000 شل هو اللى فيه 5000 والجركن لون اصفر
اما موبيل ففيه 3000 والجركن لون رمادى والالف الجركن لونه ابيض والعشرة الاف رمادى برده
دا اذا كان لسه مغيروش الالوان
وابعد عن موبيل وحط شل احسن مليون مرة

الكلام ده غير صحيح موبيل فيه زيت 3000 و ده سعره تقريبا 65 - 70 و 5000 و ده سعره 130

و للعلم التسمية خاطئة مفيش حاجة اسمها زيت 5000 و زيت 10000 ده مجرد فتي مصري
الزيوت تخليقي و نصف تخليقي و معدني
و طبعا فيه تخليقي بيور و ده صعب الحصول عليه و غالي جدااا و مفيش منه هنا

[osos007]

الف مبروك للصيانة
و تسلم ايديك ع التقرير الجميل ده :)

يفضل تستخدم شل ممكن تسألهم لو ينفع تجيب الزيت معاك و تجيب شل hx5 او اللي بيقال عليه شل الاصفر يكون أفضلو هتلاقيه مريح العربية و هتحس بالفرق بس خلص باقي الجيركن اللي معاك او هتجيب عليه جيركن و يخلص في كام تغييير بدل ما ترميه و يفضل متوصلش بيه 5000 يعني 4000-4500 ك زي الفل






الكلام ده غير صحيح موبيل فيه زيت 3000 و ده سعره تقريبا 65 - 70 و 5000 و ده سعره 130

و للعلم التسمية خاطئة مفيش حاجة اسمها زيت 5000 و زيت 10000 ده مجرد فتي مصري
الزيوت تخليقي و نصف تخليقي و معدني
و طبعا فيه تخليقي بيور و ده صعب الحصول عليه و غالي جدااا و مفيش منه هنا

مشكووور جدا على كلامك المفيد
وكلامك عن الزيوت ده مظبوط ميه فى الميه لانى حضرت سيمينار فى شركة موبيل من حوالى شهرين وفعلا اتقال فيه موضوع الزيت التخلقيى والنصف تخليقى والمعدني ده
احبك وانت بتتكلم بالعلم يا عمرو :)

[S O P H O S]

مبروك الصيانة عقبال ال 50 الف ..

[osos007]

مبروك الصيانة عقبال ال 50 الف ..

مشكور ياباشا ربنا يخليك

[وائل شويخ2]

ربنا يملهالك بركه ياباشا

[osos007]

ربنا يملهالك بركه ياباشا

تسلم ياباشا ربنا يخليك