الفيتارا تسخن فى الزحمه الى الاحمر وخاصه ايام الحر الزائده

[heshamalikamel]

السلام عليكم

معايا سوزوكى فيتارا 1600 موديل 97 كربراتير غيرت وش السلندر وغيرت الريدياتير الى الومنيوم والسخونه فى النصف مع التكييف ولكن اذا وقفت فى اشارات طويله ايام الحراره العاليه ترتفع الى الاحمر فافيدونى افادكم الله

هل اغير ترمبة المياه ام ماذا ؟

ونفسى الاقى ميكانيكى يفهم فيها ويحل لى الموضوع ؟

برجاء السرعه .... ولكم الشكر

[Amr Axel]

طبيعي انها تسخن بس مش لدرجة انها توصل للريد زون
اخر مرة غيرت مية الريداتير امتي و نوع المية المستخدمة ؟؟ و هل المية بتنقص بشكل مبالغ فيه ؟؟
و المروحة بتسمعها بتشتغل و لا لأ ؟؟ و هل حد شالك الترموستات ؟ و اخر مرة ظبطت تاكيهات ؟

بخصوص طلمبة المية لو فيها حاجة هتسمع صوتها عالي و ممكن تلاقي تسريب من تحت مكان سير الكاتينة مع نقص المية هل بتواجه اي من الاعراض ده ؟؟

[heshamalikamel]

Amr Axel
منسـق قسـم سـوزوكى
==============
عزيزى ما نوع المياه المطلوب استخدامها حيث انى استعمل المياه العاديه
فعلا المياه بتنقص وممكن ازود كل يومين نصف زجاجه
المروحه غيرتها - والميكانيكى بيقولى ان الترموستات متشال - لكن انا مش متاكد
وهل التوكيل ممكن يكتشف العيب ويصلحه ام تكون المبالغات العتاده للتوكيل
وانا اعتقد انى محتاج ميكانيكى ابن حلال يكتشف العيب
======================================== واشكرك جدا على اهتمامك بالرد

[heshamalikamel]

Amr Axel
منسـق قسـم سـوزوكى
==============
انا قرأت موضوعك عن قطع غيار السوزوكى وهو رائع بس للاسف مفيهوش حاجه عن الفيتارا فهل ممكن تقول لنا عنها قطع الغيار والميكانيكيه لو تكرمت

[Amr Axel]

طيب اولا مية الحنفية غلط استخدامها بسب الاملاح و هتودي للصدأ اللي قد يؤدي لانسداد في دورة التبريد و احيانا حدوث اخرام في الريداتير فلازم تستخدم مية ريداتير سواء خضرا او زرقا و من افضل او اضمن الانواع دلوقتي مية ريداتير موبيل طبعا مية التبريد غير انها بتساعد ع التبريد كويس جداااا و فاللون اللي فيها في حالة تسريب بيعلم فيبان و بيتم تغيييرها كل سنتين او 40 الف ك
اما تزويد القربة يكون بالمية المقطرة

بخصوص نقصان المية توديها لحد يكشف ع دورة التبريد اذا كان فيه تسريب و يكشف ع الطلمبة مفيش حاجة من ديه ساعتها يشوف اذ كان فيه مشكلة في جوان وش السلندر و اعراض تلفه نقصان المية و تلاقي الزيت مطحن

الترموستات لازم يركب تاني لأنه بينظم حركة المية الداخلة و الخارجة للموتور و عدم وجودها بيعمل لخبطة

بخصوص قطع الغيار الحقيقة معرفش اسعارها و يا ريت لو تشاركنا بيها عشان نضيفها للقائمة
اما الاماكن اللي تلاقي فيها قطع الغيار و هي اللي يعتبر اغلبنا ان مكنش كلنا بنتعامل معاهم
ليدرز في الدقي 43 ش ايران ا \ محمد رفعت
سوزوكي سنتر في التوفيقية فوق اسماك ابو غالي أ \ هاني هاشم
أكرم حمدي ش دمشق مصر الجديدة أ \ حامد
اما لو حبيت تجيب من منفذ بيع قطع غيار مودرن موتورز فده في الدقي ش المساحة قدام سوبر ماركت السعودي و المسئول هناك أ \ وائل

بالنسبة الميكانيكي اللي بتعامل معاه هو موجود في المطرية بس معرفش ايه نظامه مع الفيتارا لو عايز عنوانه بلغني

[heshamalikamel]

Amr Axel
منسـق قسـم سـوزوكى
==============

عزيزى شكرا على اهتمامك

*اوكى انا حاغير المياه الى موبيل ... بس السؤال هل افضى كل المياه ؟؟ وازاى ؟؟

*بالنسبه للترموستات انشاء الله حاجيبه ... بس من فضلك لو تبعت لى نمر تلفون ((ليدرز في الدقي 43 ش ايران ا \ محمد رفعت)) و ((منفذ بيع قطع غيار مودرن موتورز فده في الدقي ش المساحة أ \ وائل )) عشان اسال على الترموستات

*اما ميكانيكى المطريه فاعتقد انه بعيد عنى جدا فانا فى الجيزه

ولك منى التحيه والشكر الجزيل

[lidosasa]

amr axel
منسـق قسـم سـوزوكى
==============

عزيزى شكرا على اهتمامك

*اوكى انا حاغير المياه الى موبيل ... بس السؤال هل افضى كل المياه ؟؟ وازاى ؟؟

*بالنسبه للترموستات إن شاء الله حاجيبه ... بس من فضلك لو تبعت لى نمر تلفون ((ليدرز في الدقي 43 ش ايران ا \ محمد رفعت)) و ((منفذ بيع قطع غيار مودرن موتورز فده في الدقي ش المساحة أ \ وائل )) عشان اسال على الترموستات

*اما ميكانيكى المطريه فاعتقد انه بعيد عنى جدا فانا فى الجيزه

ولك منى التحيه والشكر الجزيل

خد يالك تمن جركن المياه موبيل80 جنيه فحرام تحطها وأنت عندك تسريب فى دورة التبريد الأول روح لفنى ريداتير أو ميكانيكى كويس يبص على دورة التيربد ويعالج مكان التسريبات وبعدين يفضى المياه الموجودة ويغسل دورة التبريد كويس جداً وبعدين حط مياه من الحنفية عادى خالص وأمشى بيها وتانى يوم ارجع ليه تانى عشان تتأكد إن مفيش تسريب او صدأ فى دورة التبريد ولو لقيت كله تمام والمياه منقصتش ومفيش فيها صدأ يبقى تحط المياه الخضرا أو الزرقا على نضافة

[dr.hazem]

خد يالك تمن جركن المياه موبيل80 جنيه فحرام تحطها وأنت عندك تسريب فى دورة التبريد الأول روح لفنى ريداتير أو ميكانيكى كويس يبص على دورة التيربد ويعالج مكان التسريبات وبعدين يفضى المياه الموجودة ويغسل دورة التبريد كويس جداً وبعدين حط مياه من الحنفية عادى خالص وأمشى بيها وتانى يوم ارجع ليه تانى عشان تتأكد إن مفيش تسريب او صدأ فى دورة التبريد ولو لقيت كله تمام والمياه منقصتش ومفيش فيها صدأ يبقى تحط المياه الخضرا أو الزرقا على نضافة

+1
متحطش الميه الا بعدالكشف....
واللي هيكضف يعملك تنظيف لدورة التبريد كلها....
وهنبه لحاجه صغننه...
لو دورة التبريد مليانة صدا متحطش ميه خضرا لانها هتاكل الصدا وهتفتحلك خروم في كل مكان....
وانما تحط مياه مقطره فقط وهتقوم بالمهمه من دون مشاكل ان شاء الله....
تحياتي

Sent from my Xperia Arc S using Forum Runner