مساعدة في سير الديتامو للماروتي

[rameahmed]

السلام عليكم

كنت محتاج اغير سير الدينامو للماروتي عشان من اول مجبت العربيه مغيرتوش يعني قصدي انه سير الفبريكه و في مره وحده شديته عشان كان بيصفر و انا ماشي بالعربيه بقالي 34000 كيلو فياريت لو حد يعرف نوع كويس يقلي عليه عشان انا ناوي اشتري من مصر الجديده من شارع دمشق وكنت عاوز اعرف مين الي بيركبه الميكانيكي ولا الكهربائي و جزاكم الله كل خير ولو حد يعرف مكان كويس في شارع دمشق يقلي عليه و كنت عاوز اعرف ثمنه كام و مصنعة الميكانيكي كام و متشكر جدا و معلش طولت عليكم

[alking_2006]

بصراحة معرفش حد معين
لكن نصيحة بلاش اكرم حمدى
اشتريت منه سير دينامو من كام شهر و طلع فيه سنتين من سنانه ممسوحين
و مكملش 1000 كيلو و لقيته بيصفر و متنيل
اشتريت سير من سوزوكى سنتر فى التوفيقية و ما شاء الله نظيف و كان ب 20 جنيه

اللى بيركبه الميكانيكى و بيتغير كل 40000 كيلو لكن انا بغيره احتياطا كل 20000 و خصوصا انه رخيص

سمعت ان السير الاصلى بيتباع ب 50 جنيه عند واحد فى الدقى

[max100x]

بصراحة معرفش حد معين
لكن نصيحة بلاش اكرم حمدى
اشتريت منه سير دينامو من كام شهر و طلع فيه سنتين من سنانه ممسوحين
و مكملش 1000 كيلو و لقيته بيصفر و متنيل
اشتريت سير من سوزوكى سنتر فى التوفيقية و ما شاء الله نظيف و كان ب 20 جنيه

اللى بيركبه الميكانيكى و بيتغير كل 40000 كيلو لكن انا بغيره احتياطا كل 20000 و خصوصا انه رخيص

سمعت ان السير الاصلى بيتباع ب 50 جنيه عند واحد فى الدقى

انا اشتريت السير من اكرم حمدي لكن من فتره و السير عندي زي الفل مفيهوش اي مشاكل خالص

و كان تقريبا ب 15 جنيه

بالنسبه للاخ صاحب الموضوع فأعتقد انك ممكن تركب السير بأيدك او ممكن اي ميكانيكي يركبه ببساطه

افتكر ان سير الكاتينه و سير الدينامو و السيرفس بتاع العربيه لازم يبقوا مع بعض

[alking_2006]

دا اللى حصل معايا مع الاسف ان السير الجديد كان فيه عيب صناعة و اكتشفت الكلام دا بعد ما رجعت

[dr.hazem]

في نوع سيور في السوق كوري مش فاكر اسمه بس كان ممتاز وكان ب15 جنيه.
بيركبه الميكانيكي وانت واقف في 5 دقائق...
اهم حاجه تبص على تاريخ الانتاج لانه كل ما قدم بيبقى وحش جدا...
تحياتي

Sent from my Xperia Arc S using Forum Runner