كاوتش الماروتي

[matrx]

الى اهل الخبرة افضل انواع الكاوتش الموجودة بالسوق المصري للماروتي

لاني لازم اغيل الكاوتش وفي انواع كير اللي تركي واللي تيلاندي ومش عارف اية الافضل ولا الاحسن

في انتظار رايكم

[lidosasa]

فيه أنواع كتير وكلها متقاربة
فيه الأندونيسى أنا لسه مركبة وزى الفل وإسمه g t
وفيه الهانكوك كان راكب عندى قبل كده بردوا حلو
سعر الفردة حيعمل من 275 إلى 300 جنيه
المهم أبعد عن الجود ير الهندى لأنه ناشف جداً ومش حلو وناس كتير بتشتكى منه

[max100x]

انا مركب عندي الهانكوك و فرده ممتازه جدا بس جبتها ب 245 من فتره

[mrghost]

من اسبوعين لفيت مصر كلها علشان اجيب كاوتش للماروتى نظرا لندرة المقاس ده
لفيت ش احمد سعيد كله ةيوم ما اﻻقى اﻻقى فرده واحده بس
فى اﻻخر جبت من واحد ف ش سكة الوايلى ب 290 الفرده نوعه gt اندونيسى

[alking_2006]

على فكرة كاوتش الماروتى شاحح اليومين دول اوى
كان عندى فردة كاوتش هانكوك باظت ماشية 4000 كيلو بس و فوجئت لقيت فيها 7 اخرام لوحدها كدا :(
المهم نزلت ادور على هانكوك مقاس 12 ملقتش خااااااااااالص حتى فى شارع احمد سعيد
فى الاخر اخر ما زهقت جبت فردة gt أندونيسى ب 290 بالتركيب و الترصيص و نفخ نيتروجين

[micromoud]

انا برضه لفيت من فترة كنت بدور على كاوتش هانكون ولفيت احمد سعيد والمحلات اللى كان فيها كان موجود صينى ولقيت gt الاندونيسى وفى الاخر لقيت محل بيرلى موجود بجانب عمر افندى فى اول شارع جامعة الدول العربية وجبت منه اربع فرد جود يير هندى والفردة كانت عاملة 300 جنيه بكل حاجه

[matrx]

شكرا لمدخلاتم الكريمة
واشتريت gt بـ 280 والحمد لله

[mtageldeen]

للأسف مقاس الماروتي غير موجود عند غطاطي ولا عند الروماني

المهم المقاس موجود حالياً عند محل الإيمان بشارع التحرير بجوار جاد
gt أندونيسي وسعر الفردة 270 جنيه بالترصيص وبدون فصال

أنا سمعت عنهم خير ولما تعاملت معهم أشهد لهم
الناس محترمة والموضوع بيتم بمنتهى السلاسة وبدون فصال "أصل موضوع الفصال ده بيهمني جداً"