تقرير حشو علبة الدركسيون للماروتي

[max100x]

[sor1]http://mtag15.wikispaces.com/file/view/Steering%2520Systems3.gif/125024625/503x333/Steering%2520Systems3.gif[/sor1]

[sor1]http://www.zf.com/media/media/img_1/brands_1/zf_parts/products_zf_parts/steering_gear_zf_parts/zf_servotronic/ZF_Servotronic_2.jpg[/sor1]

الصور بتبين شكل علبة الدركسيون لأي عربيه مكوناتها من pinion, rack bend

و الصوره مبينه اسماء القطع

اولا هقول الاسباب اللي خلتني اعمل الحشو ده
1-دبدبة بحس بيها في الدركسيون اثناء المرور علي مطبات
2-رجرجه في الدركسيون اثناء السير فيما فوق سرعه ال 80 و خصوصا عند الضغط علي الفرامل في السرعات العاليه

و تم عمل الاتي
1-جبت الميكانيكي يفك علبه الدركسيون و تفاصيل فكها كالاتي
من داخل صالون العربيه تحت دواسه الفرامل بالظبط فيه اكس نازل في ارضيه العربيه ...الراجل فك المسمار دا و شاله علي الاخر و اسم المسمار ده (الغفير)
بعدين فك التيش بعد ما فك الجنط و شكل التيش اهو

[sor1]http://t0.gstatic.com/images?q=tbn:ANd9GcQnJ0tlHHx-uKNlZz6oMvbn2N_enK1ePm41rOvhS3v3egZVD-sbkw[/sor1]

و بعدين فيه اربع مسامير -2 في جنب و 2 في جنب تاني علي ما اتذكر
و يجي من الجنب بتاع باب السواق و يسحب علبه الدركسيون
2-رحت عند واحد خراط حبيبي من ايام الجيزه و عملي حشو الدركسيون من التيفلون
و طبعا علشان صنايعي محترم فعملهالي علي المقاس المظبوط
3- كنت جايب حشو من عند ميدو عبارة عن قطعتين فيهم واحده نفعت و التانيه مقاسها اصغر
القطعه اللي بنستخدمها عباره عن كتله بلاستيكيه و مشطوفه بشكل دائري ... مش لاقيلها صوره علي النت
4- الميكانيكي ركب علبه الدركسيون بعد ما تأكدنا ان كل شئ تمام و الحشو ماشي حلو في العربية
5- خليته شحم السوست لاني بسمع صوت ليها لما ا لف يمين او شمال و الدنيا بقت تمام

النتيجه : كل ما سبق اتخلصت منه و العربيه اتظبطت و بكرا رايح اظبط زوايا علشان دي خطوة مهمه بعد اللعب في عفشه العربيه

دمتم بكل خير

[aldesha989]

مبروك ياريس وربنا يطرحلك فيها البركه ويبعد عنك اعطال الطريق والجرجه والمراجيح بتاعتها :d

[ahmedalaahosny]

شكرا على نقل التجربة بس لو فى صور من جوا العربية كانت تبقى فله

[exact]

هاستأذنك توضح لي ارقام القطع اللي تقصدها بالحشوة في الصورة التالية... هي بتاع سكاترا سويفت

[مصطفى-حسن]

للاستيضاح فقط
يقال ان الحشو حل مؤقت وليس جذرى..؟؟
دى معلومة صحيحة ولا غلط
لانى عن نفسى معملتش حشو قبل كدة خالص

[max100x]

مبروك ياريس وربنا يطرحلك فيها البركه ويبعد عنك اعطال الطريق والجرجه والمراجيح بتاعتها :d

ربنا يكرمك يا باشا :d

[max100x]

شكرا على نقل التجربة بس لو فى صور من جوا العربية كانت تبقى فله

والله الموبيل فصل شحن دا غير ان ايدي كانت كلها شحم لانه كان شخص واحد اللي شغال فيها

هحاول اصورك علبه دركسيون بس لعربيه تانيه

[max100x]

هاستأذنك توضح لي ارقام القطع اللي تقصدها بالحشوة في الصورة التالية... هي بتاع سكاترا سويفت

رقم 9 دي اشترتها من المحل لانها مش بتتعمل علي المخرطة
رقم 18 دي اتعملت علي المخرطة من خامه اسمها التيفلون و لونها ابيض

[max100x]

للاستيضاح فقط
يقال ان الحشو حل مؤقت وليس جذرى..؟؟
دى معلومة صحيحة ولا غلط
لانى عن نفسى معملتش حشو قبل كدة خالص

فعلا الحشو حل مؤقت لسببين

1-القطع اللي بتركبها مكان القطع القديمه مش زي الاصليه في جوده خامتها

2-الاسكاترا نفسها بتبقي متأكله في بعض الاجزاء نتيجه الاحتكاك

علبه الدركسيون الجديده عندي تعمل فوق ال 400 جنيه دا غير المصنعيه و كل القصه اللي عملتها دي كلفتني 100 جنيه و العربيه بقت تمام يعني لو الحشو دا عاش 6 شهور فاعتبر انك لو جبت علبه جديده لازم تعيش معاك علي الاقل سنتين علشان تبقي مجدية معاك

[S O P H O S]

مبروك يا باشا

[Amr Axel]

تسلم ايديك يا هندسة ع التقرير الجميل ده
و الف مبروك ع الحشو :)