تصحيح النظر الضعيف للماروتي :))

[HHALAWANY]

شباب و نسور السوزوكي ، صباح الفل عليكم :)

انا بلاحظ خير كفا الله الشر ان كشافات الماروتي باليل ضعيفة
وان ولاموأخظة نظرها على قدها

ايه افضل حاجة اعملها عشان احسّن من اضاءة الفوانيس او الكشافات (العالي و الواطي)
انواعها ايه واجيبها منين وارظبطها عند مين ؟؟

وشكرا

[mesaharaty]

صديقى العزيز
لتحسين النظر لدى الماروتى اعمل الآتى :
أهم حاجة كتاوت نور علشان لما تعلى النور الدراع ما يسيحش .
ثانيا حضرتك حتشترى لمبتين بياناتهم كالتالى :
12v 260/200 cp
ومن خلال خبرتى البسيطة أقدر اقول لحضرتك لا فرق جوهرى بين اللمبات ذات الإسم الكبير أو العادية فمثلا أنا كنت مركب لمبتين (نيرفا) ألمانى وسعرهم كان 80 جنيه ساعة ما اشتريتهم وكان الأداء كويس لكن مش وهمى يعنى ولما واحدة منهم باظت ركبت زيها كورى بـ 20 جنيه والدنيا حلوة برضه والفرق لا يذكر .
وأنصحك بالبحث فى منتدانا الجميل عن هذا الموضوع قبل ما تركب أى حاجة وإن شاء الله حتلاقى معلومات غزيرة .

[alking_2006]

الكتاوت دا موضوع لابد منه علشان تعللى النور عندك
لمبات الفابريكة بتبقى 90/100 لكن لما بتركب كتاوت بتركب لمبات 200/260
و دى بتفرق كتير جدا فى السواقة بليل عن تجربة


أهم حاجة تقول للكهربائى يعدى ضفيرة الكهربا الجديدة من ورا الموتور مش من قدام الموتور (فرن الشكمان)
علشان الكهربائى بتاعى ربنا يسامحه كان حاطط الكتاوت عند قربة الميه و مطلع منها سلك لحد الكشاف اليمين و معدى السلك من قدام الرادياتير و فرن الشكمان !!!!!!!!!!


طبعا بعد سنتين لقيت الكتاوت بتضرب و بغيرها مبتقعدش اسبوع و تضرب
اتارى السلك اللى معدى من قدام فرن الشكمان مع الزمن و السخونة ساح و بقى بيلمس فى الأرضى بس ربنا الحمد لله ستر و غيرت الضفيرة و عديتها من ورا الموتور مع باقى سلوك العربية و الدنيا بقت تمام


استاذ اياد كان عامل موضوع عن الكشافات الأمامية فيه تفاصيل اكتر و اسعار

http://www.nilemotors.net/Nile/327978-a.html

[akmm]

فعلا كتاوت ........

[mohamed_rhem]

والله يا شباب موضوع الكتاوت ده رخم جدا كان في عربيتي القديمة وباظ 3 مرات في سنتين

في الغالي الابلتين بتاعه بيلدع او الملف بيسيح وكل الانواع زي بعضها

تقبلو تحياتي ومروري

[dr.hazem]

خاصيه البحث يا اخوانا

http://www.nilemotors.net/Nile/282805-a.html

تحياتي

Sent from my Xperia Arc S using Forum Runner