بفكر أركب تكييف

[وائل شويخ2]

السلام عليكم ورحمه الله وبركاته

أنا واحد من الناس ألى بتحب عربيته جدا

وبتهيألى عمرى ما هبيعها

الحمد لله العربيه كلها تمام دواخل فابريكه

وراششها بره ومركب فرش جديد على الفابريكه ومركب أربع فرد كاوتش جديد وبطاريه جديده

المهم أنا بصرف عليها بغباء

كل ألى مجننى فيها هو المكييف

أنا كنت مركب ماتور 1300 جديد بتاع ال gti والميكانيكى لما كان هيركبه قالى هو تمام ويستحمل المكييف

الكلام ده من سنتيين بالظبط ولما ركبته حسييت بفرق كبيييير أوى سحب مهول وكانت بتوصل بيه ل150 كيلو وأضتريت أركب جنط 13 علشان الثبات
_______________________

المهم السؤل دللوقتى

عايز منكم شرح لأجزاء المكييف

وطريقه تركيبه

وهل هفك التابلوه وقت التركييب

وهو بكام جديد

أو مستعمل


أنا سمعت أنه ممكن أجيب أجزائه جديده


وهل بعد التركيب هيعمل الواجب صح معايا ؟؟؟؟؟؟؟؟؟؟؟؟

وشكرا مقدما

[aldesha989]

وعليكم السلام ورحمة الله وبركاتة

والله حاجه حلوه وانا كمان عامل زيك بصرف على العربيه بغباء الغباء وبحب العربيه وعايزها تبقى احسن وااحده جنب اخواتها :d

المهم موضوع التكيف اساسى هتفك التابلوه علشان تركب التلاجه والبلاور لو ماعندكش مروحه فى التابلوه

التكلفه جديد تقريبآ فى حدود 3 الاف وشويه انا عربيتى 1100 والتكيف مش بيموت العربيه ولا حاجه هو بيقتلها شويه :d
بهزر الموضوع كله بيعتمد على ان العربيه مظبوطه ولا لا لو الكربراتير او طرمبه البنزين او اى حاجه من نظام الاشعال فى العربيه مش مظبوط التكيف هيقتلها لو كل حاجه مظبوطه مش هتحس بفرق كبير اوى فى السحب ممكن بطئ حاجه بسيطه لكن مقبول نظرآ للحر اللى احنا بنبقى فيه الصبح او مش الحر اقصد الشوى :d

ويا سلام بقى التكيف عندى مش مظبوط وبشغله واقفل الشبابيك واعمل نفسى منتعش واول ما اطلع من العربيه احس انى كنت فى سونا هههههههههههههههه

ربنا يكرم علشان اظبطه ان شاء الله

بص بقى موضوع ان التكيف هيديلك اداء او لا بتعتمد على كذى حاجه وانتا ان شاء الله لو جيبت التكيف جديد هتكون قصرت على نفسك مشوار كبير واللى هواء شغل التكيف هيكون لسه بالاداء الجديد او بان مافيش حاجه تعبانه وهتبوظ كمان شويه او ضعفت من كتر الاستهلاك وده اللى تاعبنى حاليآ فى التكيف بتاعى ان اجزائه مش كويسه او ضعفت من الاستخدام اللى قبلى وماكنش مهتم بصيانه او رعايه وغالبآ الاستعمال فى الحاجات دى بيكون زى الزفت وبختك يا ابو بخيت

وتانى حاجه علشان التكيف يديلك الاداء اللى انتا عايزه عزل العربيه عن الجو الخارجى وحاول وانتا بتركب التكيف وهما بيفكو التابلوه تعمل عزل ضرورى جدآ فى ضهر التابلوه لان الجزء ده مهم جدآ وانتا مش كل يوم هتفك التابلوه وبعد كده الباقى سهل عزل تحت الارضيه وعزل الابوابو والسقف والشنطه وكله سهل وممكن ما تحتجش غير بتاع التابلوه فقط وتجرب بعدها التكيف الصبح وتشوف لو التكيف كويس يبقى كبر لموضوع العزل ده وانتعش بالتكيف

وموفق ان شاء الله

[وائل شويخ2]

وعليكم السلام ورحمة الله وبركاتة

والله حاجه حلوه وانا كمان عامل زيك بصرف على العربيه بغباء الغباء وبحب العربيه وعايزها تبقى احسن وااحده جنب اخواتها :d

المهم موضوع التكيف اساسى هتفك التابلوه علشان تركب التلاجه والبلاور لو ماعندكش مروحه فى التابلوه

التكلفه جديد تقريبآ فى حدود 3 الاف وشويه انا عربيتى 1100 والتكيف مش بيموت العربيه ولا حاجه هو بيقتلها شويه :d
بهزر الموضوع كله بيعتمد على ان العربيه مظبوطه ولا لا لو الكربراتير او طرمبه البنزين او اى حاجه من نظام الاشعال فى العربيه مش مظبوط التكيف هيقتلها لو كل حاجه مظبوطه مش هتحس بفرق كبير اوى فى السحب ممكن بطئ حاجه بسيطه لكن مقبول نظرآ للحر اللى احنا بنبقى فيه الصبح او مش الحر اقصد الشوى :d

ويا سلام بقى التكيف عندى مش مظبوط وبشغله واقفل الشبابيك واعمل نفسى منتعش واول ما اطلع من العربيه احس انى كنت فى سونا هههههههههههههههه

ربنا يكرم علشان اظبطه ان شاء الله

بص بقى موضوع ان التكيف هيديلك اداء او لا بتعتمد على كذى حاجه وانتا ان شاء الله لو جيبت التكيف جديد هتكون قصرت على نفسك مشوار كبير واللى هواء شغل التكيف هيكون لسه بالاداء الجديد او بان مافيش حاجه تعبانه وهتبوظ كمان شويه او ضعفت من كتر الاستهلاك وده اللى تاعبنى حاليآ فى التكيف بتاعى ان اجزائه مش كويسه او ضعفت من الاستخدام اللى قبلى وماكنش مهتم بصيانه او رعايه وغالبآ الاستعمال فى الحاجات دى بيكون زى الزفت وبختك يا ابو بخيت

وتانى حاجه علشان التكيف يديلك الاداء اللى انتا عايزه عزل العربيه عن الجو الخارجى وحاول وانتا بتركب التكيف وهما بيفكو التابلوه تعمل عزل ضرورى جدآ فى ضهر التابلوه لان الجزء ده مهم جدآ وانتا مش كل يوم هتفك التابلوه وبعد كده الباقى سهل عزل تحت الارضيه وعزل الابوابو والسقف والشنطه وكله سهل وممكن ما تحتجش غير بتاع التابلوه فقط وتجرب بعدها التكيف الصبح وتشوف لو التكيف كويس يبقى كبر لموضوع العزل ده وانتعش بالتكيف

وموفق ان شاء الله

ألف شكر ياباشا على الرد

[وائل شويخ2]

لو فيه حد عايز يضيف أى معلومه يتفضل

[وائل شويخ2]

السلام عليكم
تم السؤال عن تكاليف تركيب التكييف وهى كالأتى
تكييف ساندن يابانى فى المعادى الجديده
كامل جديد بكمبروسر ساندن يابانى أصلى 3200

جديد كله عدا الكمبروسر أستعمال خارج 2500

كله أستعمال خارج من بورسعيد غير التركيب 2500 قبل الفصال


أنا شايف أنى لو هشتريه كله أستعمال خارج مش هيكون مضمون

لكن الأختيار الوسط هو الأمثل وهو كله جديد عدا الكمبروسر أستعمال
وكمان هيكون عليه ضمان سنه من ألى هيركبه

أرجوا كتابه ارائكم وشكرا

[dr.hazem]

السلام عليكم
تم السؤال عن تكاليف تركيب التكييف وهى كالأتى
تكييف ساندن يابانى فى المعادى الجديده
كامل جديد بكمبروسر ساندن يابانى أصلى 3200

جديد كله عدا الكمبروسر أستعمال خارج 2500

كله أستعمال خارج من بورسعيد غير التركيب 2500 قبل الفصال

أنا شايف أنى لو هشتريه كله أستعمال خارج مش هيكون مضمون

لكن الأختيار الوسط هو الأمثل وهو كله جديد عدا الكمبروسر أستعمال
وكمان هيكون عليه ضمان سنه من ألى هيركبه

أرجوا كتابه ارائكم وشكرا

اهم حاجه في التكييف هو الكباس وده افضل شئ ييجي جديد...
انا ركبته في الماروتي جديد بالكامل....
كلفني 2700
وطبعا التابلوه هيتفك والسخن غالبا هيتلغي...
تحياتي

Sent from my Xperia Arc S using Forum Runner

[mrghost]

انا لما ركبت تكييف للشاهين الراجل مفكش التكييف وﻻ حاجه فك التﻻجه القديمة وركب الجديده علطول بس مش عارف نظام السويفت ايه

[kar!m]

أنا كان عندي السويفت كان راكب فيها تكييف .. كان شغال كويس .. بس هو كان مشكلته انه بيفرق شويه عن الأصلي.

مثلا اللي كان عندي كان في هوايات مش شغاله .. تقريبا اللي بتجيب هوا على الرجلين .. و كمان كان زرار الكمبروسر بيشغل الكمبروسر حتى لو المراوح مش شغاله .. و كمان كانت السربنتينه اللي قدام مايله و كنت حاسس انها مش مضبوطه.

بيتهيألي لو انت ركبته عند حد بيفهم ممكن يضبط لك الحاجات دي.

و كلم برضه ديافيا اللي في كوبري القبه بيركبوا تكييفات كتير و شغلهم نضيف جدا .. كنت شفت عندهم ماروتي مركبين لها تكييف.

[M_OSMAN88]

انا راى تركب كلة مستعمل الا الكومبريسور تركبة جديد

[medmoud3]

انا عندي تكييف بتاع عربية لادا 2010 كان بتاع ابن خالتي وباعهولي ب 1200 ج وانا الصراحه كسلت اركبه هو حالته جيدة جدا وتقريبا ابن خالتي مكنش بيستعمله مفيش بس غير الوش اللي فيه الخارطيم البلاستيك عاوز يتغير والتكييف كله تمام لو عاوز تاخده ممكن تراسلني