تقرير الماروتي بعد ال 40 الف

[ahma8]

بسم الله الرحمن الرحيم

اولا احب اسلم على احلى ناس فى المنتديات كلها سنور السوزوكي ..
احب اشكر كل اللى ساعدنى بكومنت او بأى حاجة فعلا انتو هنا هنا فى المنتدى كنتو اكتر من الاخوات و محدش بخل بمعلومة ..

لما اشترينا العربية دة الصراحة كنت مستخف بيها جداا و باللى تقدر تعملة ..
الصراحة بعد لما خلصت بيها الـ 40 ألف كيلو اهو فأحب اشارك الناس هنا برائي المتواضع و تجربتى الخاصة هنا :

( هحاول احط الموضوع فى عدة نقاط ، يكاد تكون كلها معروفة لدى الجميع )

الايجابيات :

1- ارخص عربية جديدة فى مصر
2- ارخص قطع غيار
3-عربية اعتمادية بشكل لا يصدق . و الحمد لله و اى ميكانيكى يفهم فيها
4- الزحمة و المناورات - هتعيش دور طوكيو درافت :)
5- العربية على غير ما باين من برة العربية واسعة من جوة و انا فى مرة ركبت فيها 3 افراد فى الجبنة اللى ورا .
6- البنزين العربية موفرة طبعا مافيش كلام و تشمى 80 او 92 براحتك عادي جداا
7-حجم العربية بيخليها تترمى فى اى حتة و تعرف تركنها حتى فى الصالة .. مريحة جدا فى الركنة
8- بخصوص الركنة العربية سواقتها سهلة جدا و مش محتاجة باور الديركسون خفيف و عادى جداا

ده اللى اسعفتنى الذاكرة اللى انى افتكرة حاليا :

العيوب:
العيوب مش كتيرة و فى نفس الوقت مش مؤثرة
1- التكييف . التكييف مهم أوى يا جماعة ... الجو فى مصر حر جداا
2- العربية مش عائلية . يعنى احيانا الجلاللة بتاخد الناس و تكون عاوز من العربية كل حاجة .. العربية دى مش عائلية
3- شنطة العربية مش كبيرة . بالعكس دى صغيرة بس المسألة دى بتتعوض بشبكة على السقف


اخيرا :
انا ببيع يا شباب اللى عاوز يشوف الصور انا هنزلها فى كونتاكت كارز.


شكرا ..

احمد

[aliabdo]

العربيه معاى من 2008 عمله دلوقتى تقريبا 55 الف و الحمد لله مفتكرش عملت فيها اى حاجه لسه مغير التيل الامامى من كام اسبوع و مره بوجيهات و سير تقسيمه غير كده معملتش فيها اى حاجه و العربيه بصراحه حلوه انا عندى تانيه و اوقات كتير بفضل الماروتى عنها فى مشواير كتير

[kar!m]

حالتها ايه و عاوز فيها كام؟

[aliabdo]

الماروتى ممتازه الصراحه

[ahma8]

شباب انا عاوز فى العربية 33 ألف

[ahma8]

اللينك بتاع الاعلين اهو يا شباب ماروتي 2012 - NileMotors

[S O P H O S]

تقيم رائع وفعلا عربية كويسة لمصر
بالتوفيق ..

[Amr Axel]

موفق في البيع