رجة فى العربية

[lidosasa]

النهاردة وأنا ماشى حسيت إن العربية مخنوقة وأول ما بشيل رجلى من على دواسة البنزين العربية تترج على خفيف لقدام وللوراء وكأن حاجة مكلبشة العربية وبنحاول توقفها .
يا ترى المشكلة تكون فى تيل فرامل مكلبش العربية ؟؟؟ بس العربية بتفرمل عادى ومش بتحدف فى أى إتجاه وأنا بفرمل
ولا فلتر بنزين مسدود ؟؟؟ ولا فلتر الهوا عايز يتنضف ؟؟؟؟؟

[Amr Axel]

العربية موديل كام و عاملة كام الف و الصيانات اللي عملتها ايه فلاتر و طقم كهربا و غيرها ؟؟

[lidosasa]

العربية موديل كام و عاملة كام الف و الصيانات اللي عملتها ايه فلاتر و طقم كهربا و غيرها ؟؟

موديل 2007
عاملة 55 ألف كيلو

لسه مغير بوجيهات من أسبوعين ومنضف الكربراتير ومغير فلتر البنزين ومغير الزيت وفلتر الزيت
وفلتر الهوا لسه مركبه بقاله 3000 كيلو ولسه منضفه بالهوا من أسبوعين مع تغيير الزيت

[max100x]

ممكن تصنفر البوجيهات و تقولي النتيجه ايه؟

[hytham79]

لو بتبطل منك غير فلتر البنزين على طوووول ماتستناش

[Losha]

بما ان اموضوع بتاع الرجة موجد فقولت أسئل سؤالى

أنا لسة شاريها موديل 2013
عملة حتى الأن 300 كيلو
لما ببطل العربية بتترج رجة جمدة بحس أم جسمى كلو بيترعش
رجتها بس مافيهاش ضوضاء

يا ترى من ايه

[mms_156]

بما ان اموضوع بتاع الرجة موجد فقولت أسئل سؤالى

أنا لسة شاريها موديل 2013
عملة حتى الأن 300 كيلو
لما ببطل العربية بتترج رجة جمدة بحس أم جسمى كلو بيترعش
رجتها بس مافيهاش ضوضاء

يا ترى من ايه

ده بسبب انه مروحة الريداتير بتبقي شغالة ممكن تستني لحد ما تفص لخالص وبعدين افصل الموتور وممكن تعرف انها شغالة لو قفلت الكاسيت تسمع صوت المروحة وهى شغالة

[aymanay32]

جرب تظبط الابلاتين و تشوف النتيجة
و ان كانت لسة بترجرج و انت ماشى خلى الميكانيكى يزودلك سنة فى كهرباء من الاسبراتير