ياللي اشتريتو الألتو ... سؤال مهم

[نور العمر]

مقتنعين بال 800 سي سي ...
البيري - والشانا بيني - والأيديا - الشيري - والاسبرانزا
بدائل مغرية
وخصوصا -- الشانا بيني توكيل سوزوكي
والبيري كله بيشكر فيها جدا
والشيري أقدم واحدة في الصيني وكتيير أشتروها

الألتو - واللا البيري 1300
الألتو - واللا البيني 1300
الألتو - واللا الشيري 1100

أجيبوني بالمفيد

[نور العمر]

والايديا يا جماعة انتشرت

انا بجد متحيرة وزهقت من الحيرة والخوف من الندم وخصوصا إني قربت خلاص اشتري

بحب الالتو جدا بس ال 800 سي سي دي مقلقاني ... ومش في نيتي أغير قبل 9 -- 10 سنين لو ليا وللعربية عمر

رمضان كريم عليكو - صومو وصلو وانصحوني وادعولي

أعاده عليكم وعلى الامة الإسلامية بألف خير

[yasserayad]

والبيري كله بيشكر فيها جدا
د

رائى التو 1100
بس هى البيرى لحقت انتشرت عشان الناس تقول رائ فيها

[yasserayad]

اقوللك نصيحه بجد
لو عندك استعداد للتقسيط هاتى البيكانتو
افضل من كل اللى فات ده

[Qamar]

صلاة الاستخارة
البيري و البيني و الشيري حاجات مش مشهورة و مش قديمة في السوق علشان نعرف اخبارها ايه علي المدي البعيد.
أقصد ان اي عربية جديدة بتبقى حلوة ولازم بييجي يوم يقل أداءها. السؤال: امتى اليوم ده؟ بعد سنة, 2, 3, 30؟
صلاة الاستخارة و سؤال الأعضاء المالكين للسيارات المذكورة

[om_omar13]

بصي يا ريهام انا معايا التو بقالي حوالي سنة هي 800 سي سي بس من غير تكييف هي الحمد لله كويسة بس بصراحة مشكلة الفتيس اللي دايما بيعصلج في النقلة التانية و المرشدير بس بعد مشوار للتوكيل اتظبط بقي احسن من الاول و كمان انا اتعودت عليه هي من ناحية انها عملية هي عملية جدا و مش هاقول على توفير الينزين لانها الحمد لله فعلا موفرة و بصي لو هاتجيبي الالتو هاتي اما ال 1100 او ال 800 بدون تكييف لان اعرف ناس اشتروا ال 800 سي سي اللي بتكييف بس مش مبسوطين لان العربية مش مستحملة التكييف لان الموتور صغير و اداؤه بيقل طبعا مع تشغيل التكييف و ربنا معاكي و تلاقي حاجة كويسة
نصيحة اخيرة ابعدي عن الصيني و خصوصا الحاجات الجديدة اللي مش متجربة و بالرغم من كده بقولك الالتو احسن الاختيارات اللي انت اتكلمتي عنها و ربنا يوفقك للاحسن ان شاء الله

[amlolo]

التو 1100 او بيكانتو ابعدي عن الصيني خساره فيه الفلوس لانها ملهاش تاريخ ولن يكون لها تاريخ زي الاسطوره 128 المصري زبالة وهكذا

[gad_fcis]

haty el alto, ana ha2olik lih, ana ma3yaa alto 800 cc full option, we ana wa7ed mewaswes lama basm3 ay 7aga fel el 3rbya baklim as7aby we as2lhom feeh eh? lih by7sal kda ?? we afdal astafsar keteer, lakn law kant 3rbya seny kont kol ma hasm3 7aga harg3ha le sabab enaha 3eeb sena3a 3shan hya 3rbya seny we ana eli gebt dah koloh le nafsy we ya retny kont gebt 7aga ma3rofa we el nas megarbha, dah kan sabab mohm gedan mn asbab eli 7'altny gaeeb el alto 3la el ra3'm mn en Spernza A113 benafs tamnha we feehaa options aktar, bas 7abet aray7 dema3'y we 3la fekra ana moktane3 be Spernza A113 mn na7yt se3at el motors we el options eli feha bas lil asaf ana ma2drsh adman el durability we el dependency beta3t-ha, we ha2olik kaman law edrty te3li we tegiby el picanto yeb2a a7san keteer we ana shayf enaha afdal el options, we ana gahez le estfsar 3an el 3rbya, ah we 3shan akon fair as much as I can, fe3ln zay ma om_omar13 al el takyef fe3ln by2sar 3la el 3rbya we msh b3rf agry beha bera7ty bas kaman hya feeha power steering EPS we dah fe3ln to7faaa bgad

[y_omran]

بصراحة انا مش هاقدر اتكلم على العربيات التانية لانى ما اعرفهاش و ماعرفشى حد راكبها و لكن انا لما جيت اشترى عربية بعدت عن الصينى و لقيت كل الناس بتشكر فى اليابانى و سوزوكى عربية كويسة و اقتصادية فى البنزين جدا لدرجة لا يمكن تخيلها و كمان كل الناس الى اعرفهم بيشكروا فى الالتو و الماروتى علشان كدة اشتريت الالتو

[earths2001]

بصو يا جماعة الالتو 1100 cc سعرها فى التوكيل 59000 وفى معارض مختلفة بتتباع من 59500 إلى 60000 لكن فى معرض اسمه (أوتوا سمير ريان ) على طريق النصر بمدينة نصر امام مستشفى القاولون العرب ونزله فيه بى 57000 (باور وسنتر وكاسيت وتكييف ) وده بمناسبة شهر رمضان وكل عام وانتم بخير

[أبو عبدالله]

نصيحة لك تشوفي البرودا كيليسا
عربيه ممتازة ومعمره
وقطع غيارها كلها ياباني
ولا يوجد منها مشاكل

[zalpany2000]

يا جماعة الالتو ال 800 مالها ؟؟؟؟
بجد العربية ماشاء الله تحفة

وبعدين للي بيقول ان التكييف بيأثر علي السحب
يركب اي عربية 1600 ويقولي بيأثر ولا لأ

كمان التأثير علي السحب مش بالصورة البشعة اللي الناس متصوراها

العربية أبعادها هايلة
مساحة العربية للي راكبين جميلة
هي الشنطة صغيرة شوية
العربية بتجري علي الطريق، مش موزونة علي السرعات العالية 130 فما فوق
بس لو اي عربية في نفس الفئة هاتلاقي فيها نفس المشكلات

انا كنت امبارح باعمل صيانة ال 1000 وشوفت العربية من تحت
ونظام تعليقها
فيه واحد كان معايا مهندس سيارات رايح يعمل صيانة لعربيته ، قعد يتفرج علي العربية وهو مش عارف انها بتاعتي، وقعد يشكر في نظام تعليق العربية والعفشة من تحت

عموما يا استاذة ريهام
الالتو اختيار موفق جدا جدا ، لو انت أسرتك صغيرة والعربية لمشاوير المدينة وكده، لو الحجم يفرق معاكي
إبدأي حطي اعتبارات تانية وللعلم ولا عربية في الفئة دي هاتنفع معاكي لو الحجم هيفرق

البرودو كليسا عربية ممتازة، بس صغيرة جدا برضو وواطية
وطبع الصيني .. لا تعليق

[D . a .\ AYMAN]

نصيحة أبعدى عن الصينى على الأقل الى أن يثبت وجوده
ونصيحة أخرى لا تقدمى على شراء أى شئ الا بعد الأقتناع التام
أدخلى منتدى الصينى وشوفى الناس اللى جابت صينى رأيهم أيه
وربنا يوفقك للخير

[hazem_khidr]

هاتي الالتو
لو حتجيبي تككيف يبقي هاتي 1100 بلاش 800 خالص
الاتنين التكييف بياثر عليهم
لكن كل ما الموتور بقي كبير التاثير بيقل.
بلاش صيني .
لو عاوز بديل للالتو يبقي البيكانتو عربيه محترمه و شكلها لسه جديد

[freespoken]

انا محتار بين الألتو والسبارك حد عارف اسعار قطع الغيار ومصاريف التشغيل كام يريت يفيدنا عشان نتخذ قرار، وشكرا"