مشكلة في جهاز رفع الشنطة الخلفية للماروتي

[عمر علاء]

عندي مشكلة في جهاز رفع الشنطة الخلفية للماروتي
بسبب عدم استخدام العربية فترة من الزمن
لما جيت ارفع الشنطة بلاقيها بتزيق
ومش عايزه تكمل المشوار
ولازم اضغط بإيدي واكمل رفع الشنطة .
فهل في حل اعمله بنفسي ؟؟؟؟؟؟؟؟

[alking_2006]

رش سبراى wd40 مزيل صدأ على مفصلات الشنطة
بيتباع بحوالى 25 جنيه عند اى حد بتاع كماليات و بتقعد معاك العبوة فترة كبيرة و استخدامتها كتيرة

[عمر علاء]

رش سبراى wd40 مزيل صدأ على مفصلات الشنطة
بيتباع بحوالى 25 جنيه عند اى حد بتاع كماليات و بتقعد معاك العبوة فترة كبيرة و استخدامتها كتيرة

والله عملت ياباشا بس ملاقتش نتيجة في وقتها
فقلت اصبر يوم واشوف إية اللي حصل

[عمر علاء]

انا رشيت علي المفصلات
ورشيت كمان علي الدراع بتاع الرافعة

[Amr Axel]

غالبا فيه عوجة في المساعد اللي بيرفع الشنطة
رش جوة سبراي دبليو دي فورتي و نشف برده و بعدين جيب حتة شحم صغير و مشيها ع الدراع اللي بيدخل و يخرج جوة الانبوبة و شوف لو فيه عوجة في الدراع اعدله بايديك
و خلي بالك ان المساعد مع الفتح و القفل بعد فترة بيبوظ و حله ياما تستخدم مفتاح تثبت بيه الشنطة مع كل فتحة زي حالاتي لأني مكسل انزل اجيبهم ياما تشتري مساعد جديد و تركبه :)

[عمر علاء]

غالبا فيه عوجة في المساعد اللي بيرفع الشنطة
رش جوة سبراي دبليو دي فورتي و نشف برده و بعدين جيب حتة شحم صغير و مشيها ع الدراع اللي بيدخل و يخرج جوة الانبوبة و شوف لو فيه عوجة في الدراع اعدله بايديك
و خلي بالك ان المساعد مع الفتح و القفل بعد فترة بيبوظ و حله ياما تستخدم مفتاح تثبت بيه الشنطة مع كل فتحة زي حالاتي لأني مكسل انزل اجيبهم ياما تشتري مساعد جديد و تركبه :)

انت قاعد ليه مخصوص بقه يا عمرو بيه
الف شكر علي التوضيح والافادة
وتعبتكم معايا مع جزيل الشكر

[Amr Axel]

يا باشا اي استفسار اتفضل
اهم حاجة بقي متنسناش بتقارير عن اي حاجة تعملها في العربية حتي لو غيرت الدواسات d:

[عمر علاء]

يا باشا اي استفسار اتفضل
اهم حاجة بقي متنسناش بتقارير عن اي حاجة تعملها في العربية حتي لو غيرت الدواسات d:

حاضر إن شاء الله اقولك علي كل حاجة
بس لازم احضر واذاكر كويس علشان التقارير
لان انا كان عندي مشكلة كبيرة خلتني اسيب العربية واركنها فترة لحد ما تتحل
وربنا رزقني بعربية تانية اتوماتيك .
لكن لما فوقت للماروتي بدأت اشتغل فيها .
لكن وبسبب الركنة ظهرت بعض المشاكل
انا عمال اصلح فيهم واحدة واحدة .

[D . a .\ AYMAN]

غالبا فيه عوجة في المساعد اللي بيرفع الشنطة
رش جوة سبراي دبليو دي فورتي و نشف برده و بعدين جيب حتة شحم صغير و مشيها ع الدراع اللي بيدخل و يخرج جوة الانبوبة و شوف لو فيه عوجة في الدراع اعدله بايديك
و خلي بالك ان المساعد مع الفتح و القفل بعد فترة بيبوظ و حله ياما تستخدم مفتاح تثبت بيه الشنطة مع كل فتحة زي حالاتي لأني مكسل انزل اجيبهم ياما تشتري مساعد جديد و تركبه :)

أنا برضه مكسل أجيب المساعدين بتوعها وكمان مستخسر أدفع فيهم فلوس أساسا

بس مش عامل عصايا ولا مفتاح أثبت بيه .. أنا جيت بعد ما رفعت الشنطة على الآخر روحت شادد ذراع المساعد جامد بإيدي لتحت أو لفوق أي اتجاه يعجبك لغاية ما تعمل انت إعوجاج بسيط فيه من النقطة دي

وبعد كدة ترفع الشنطة لغاية فوق وأول ما تعدي نقطة الإعوجاج اللى انت عملتها من آخر نقطة فوق في المساعد هاتقف فوق لوحدها من أي عوامل مساعدة خارجية

وكدة كدة المساعد بايظ فانت مش خسران حاجة لغاية ما يجيلك نفس وتغيره

أنا كنت فاكر إنها مشكلة عندي أنا بس ولكن واضح إنها مشكلة عامة وإن المساعدين بتوع الشنطة بتوع سوزوكي عموما مش حلوين ... يبقى أصلا حرام تدفع فلوس فيهم تاني وبرضه هايبوظوا بسرعة