تخشيين جلد باب السياره

[وائل شويخ2]

السلام عليكم ورحمه الله وبركاته

فئه السيارات الرخيصه كلها بتعانى من مشكله الأبواب

صوت رخم فى القفل وتحس أنه باب عشه فراخ مش عربيه

المهم أنا عندى جلد الباب تعبان جدا ففكرت أشترى غيره لئيته تعبان والى راكب فيه احسن منه

لأنه بمجرد تركيب الكلبسات فيه بيتقطع

خطرت فى بالى فكره جميله وهى أنى أدكك خرطوم داخل الجلد

وده شكل الجلد قبل التركييب






هنقطع بالمشرط قطع صغيير بحيث يعدى الخرطوم وقبل ما ندكك الخرطوم نبل الخرطوم صابون




ونبتدى ندخل الخرطوم






ودى النتيجه





وممكن نركب الخرطوم ده فى مكان قفل الباب فى جسم السياره بيقلل من صوت رزعه الباب


وبيقلل من دخول الهواء فى حاله قفل الزجاج وتشغييل التكييف


وأستونى فى تقاريير تانيه
ناوى أعزل العربيه كلها بعون الله

والسلام عليكم
وكل عام وأنتم بخيير

[bmya]

تسلم ايدك بس انت عملت الاربع ابواب ولا باب السائق بس والخرطوم تخين ولا رفيع و خررطوم اه اصلا وقفلت الجرح مكان تدخيل الخرطوم ولا سيبته مفتوح :)
وهل في فرق كبير في قفله الباب
سؤال خارجي بقه تيش الميزان للسويفت عامل كام ولو في صوره له

[Lifz_Good]

ألف مبروك عليك العزل يا كبير
وعقبال يارب ما تخاويها بواحدة بي إم كدا وللا حاجة علشان يبقى عزل فابريقة :)

[dr.hazem]

انا عن نفسي لزقت فوم في حلوق البيبان بيتباع لفه وانت بتلزق اللي تحبه وتقص...
تحياتي

Sent from my Xperia Arc S using Forum Runner

[وائل شويخ2]

طيب ممكن صوره ليه يادكتور حازم

وهو بكام