هل ماروتى موديل 2006 و 2008 و 2011 فيهم عيب فى الصناعه او ما شابه

[kabo_dody]

بما انى بدور على سياره سوزوكى ماروتى للبيع لاحظت ان معظم اذ لم يكن كل الموديلات التى للبيع على جميع المواقع موديل 2006 / 2008 / 2011 خصوصا موديل 2008 ولا يوجد للبيع الا نادر من موديل 2000 الى موديل 2005
السؤال بقى هل موديل 2006 و 2008 و 2011 فيهم عيب فى الصناعه او ما شابه !!!
ومن موديل 2000 الى 2005 مختفيين ليه ونادر لما حد يعرضهم للبيع !! ام هذه صدفه باحته
سأتكد من هذه الملاحظه عند نزولى سوق السيارات الجمعه القادمه ان شاء الله
تحياتى ومنتظر تعليقات ملاك هذه السياره

[micromoud]

مفيش عيب ولا حاجه وانا كتير بلاقى 2008 معروض للبيع عادى انت دور تانى هتلاقيها مرطرطه

[kabo_dody]

مفيش عيب ولا حاجه وانا كتير بلاقى 2008 معروض للبيع عادى انت دور تانى هتلاقيها مرطرطه

عفوا انت لم تفهم قصدى
اقصد ان جميع الموجودين للبيع هم 2008 / 2011 ولا يوجد موديلات من 2000 الى 2005
فهل يوجد عيب فى 2007/2008/2011 ؟
هذا نتاج شهرين من البحث

[Amr Axel]

من متابعتي للعربية العربية في بداية نزولها مصر مكنتش منتشرة اوي و مبدأش الانتشار الحقيقي اللي احنا شايفينه الا من 2006 - 2007 تقريبا و زاد في 2008 و لحد دلوقتي و خاصة انه لحد فترة قريبة الناس كانت بتفضل عربيات موديلات قديمة عن الماروتي لكن التفكير تقدر تقول اتغير دلوقتي يعني الناس تقول اجيب عربية اقتصادية و حديثة لسه متبهدلتش و تنفع في شوارعنا و قطع غيار رخيصة و لو حبيت ابيعها تتباع و خلاص انتهي زمن 128 و 127 و حل مكانهم الماروتي دلوقتي فهتلاقي اغلب الموديلات اللي بتتباع من 2007 لحد 2011 لكن العربية ما شاء الله مفيهاش اي مشاكل و الاختلافات الوحيدة بين الموديلات في الفوانيس زي الاشارة و النور تحت و فوق حاجة بسيطة يعني لا تذكر

[kabo_dody]

من متابعتي للعربية العربية في بداية نزولها مصر مكنتش منتشرة اوي و مبدأش الانتشار الحقيقي اللي احنا شايفينه الا من 2006 - 2007 تقريبا و زاد في 2008 و لحد دلوقتي و خاصة انه لحد فترة قريبة الناس كانت بتفضل عربيات موديلات قديمة عن الماروتي لكن التفكير تقدر تقول اتغير دلوقتي يعني الناس تقول اجيب عربية اقتصادية و حديثة لسه متبهدلتش و تنفع في شوارعنا و قطع غيار رخيصة و لو حبيت ابيعها تتباع و خلاص انتهي زمن 128 و 127 و حل مكانهم الماروتي دلوقتي فهتلاقي اغلب الموديلات اللي بتتباع من 2007 لحد 2011 لكن العربية ما شاء الله مفيهاش اي مشاكل و الاختلافات الوحيدة بين الموديلات في الفوانيس زي الاشارة و النور تحت و فوق حاجة بسيطة يعني لا تذكر

تمام فعلا هو ده الرد المقنع والتفسير المنطقى انا كنت فاكر انها صدفه لكن مع طول البحث تيقنت انه فيه شئ غلط شكرا ليك يا فندم حقيقه انت اوجزت فأنجزت

[mrghost]

مفيهاش عيوب وﻻ حاجه ياباشا عربية اقتصادية جدا بصراحه