استشارة فنية من فضلكم.. العربية مش بتسحب

[Lubna Badr]

السلام عليكم و رحمة الله و بركاته..

محتاجة يا جماعة استشارة فنية بما اني لا أفقه شيئا في ميكانيكا السيارات.. دلوقتي أنا عندي سوزوكي ماروتي موديل 2011 و كنت في ال 7000 كم غيرت طقم الديبرياج (اسطوانة و رمان بلي) و وديتها لصيانة ال 10000 عادي في التوكيل.. و ابتدت تظهر مشكلة دلزوقتي انها مش بتسحب معايا و هي ماشية 19400 كم

هل دا له علاقة بالحاجات اللي المفروض تتغير في صيانة ال 20000 زي البوجيهات و فلاتر هوا و زيوت و كدا و لا أنا لازم أغير تااااني طقم الديبرياج؟؟؟؟؟

للعلم كل الصيانات و الاصلاحات باعملها في التوكيل و أخدت معاد لصيانة ال 20000 يوم السبت.. ممكن أمشي بيها عادي على الدائري و الطرق السريعة و لا أخليني أحسن وسط البلد و لا بلاش أمشي بيها خالص لحد يوم السبت؟؟!!!!!!!

[dr.hazem]

السلام عليكم و رحمة الله و بركاته..

محتاجة يا جماعة استشارة فنية بما اني لا أفقه شيئا في ميكانيكا السيارات.. دلوقتي أنا عندي سوزوكي ماروتي موديل 2011 و كنت في ال 7000 كم غيرت طقم الديبرياج (اسطوانة و رمان بلي) و وديتها لصيانة ال 10000 عادي في التوكيل.. و ابتدت تظهر مشكلة دلزوقتي انها مش بتسحب معايا و هي ماشية 19400 كم

هل دا له علاقة بالحاجات اللي المفروض تتغير في صيانة ال 20000 زي البوجيهات و فلاتر هوا و زيوت و كدا و لا أنا لازم أغير تااااني طقم الديبرياج؟؟؟؟؟

للعلم كل الصيانات و الاصلاحات باعملها في التوكيل و أخدت معاد لصيانة ال 20000 يوم السبت.. ممكن أمشي بيها عادي على الدائري و الطرق السريعة و لا أخليني أحسن وسط البلد و لا بلاش أمشي بيها خالص لحد يوم السبت؟؟!!!!!!!

طقم دبرياج على 7آلاف كيلو ليييييييه بس الواحد يشد فشعره!!!

ايا كان..
لو العربيه مقتسحبش وبتعاني عشان توصل لسرعة 90 وتحسي صوت الماتور بيعلى عالفاضي يبقى الطقم للاسف وده شئ عجيب غريب جدا جدغ والتوكيل عارف ان فيها عيب ومش بيغيره في الضمان.. اما لو بس خنقه بسيطه او نتشه مع صعوبة في التشغيل فدي هتروح مع الصيانة باذن الله...
واحنا هنا حذرنا كتير ان التوكيل في الصيانة سيئين جدا والافضل تشوفي حد بره يكون كويس..
بابنسبالنا بنتعامل مع واحد في منجقة المطرية في القاهرة لو حضرتك قريبه ممكن نوصفهولك....
تحياتي

Sent from my Xperia Arc S using Forum Runner

[Lubna Badr]

طقم دبرياج على 7آلاف كيلو ليييييييه بس الواحد يشد فشعره!!!

ايا كان..
لو العربيه مقتسحبش وبتعاني عشان توصل لسرعة 90 وتحسي صوت الماتور بيعلى عالفاضي يبقى الطقم للاسف وده شئ عجيب غريب جدا جدغ والتوكيل عارف ان فيها عيب ومش بيغيره في الضمان.. اما لو بس خنقه بسيطه او نتشه مع صعوبة في التشغيل فدي هتروح مع الصيانة باذن الله...
واحنا هنا حذرنا كتير ان التوكيل في الصيانة سيئين جدا والافضل تشوفي حد بره يكون كويس..
بابنسبالنا بنتعامل مع واحد في منجقة المطرية في القاهرة لو حضرتك قريبه ممكن نوصفهولك....
تحياتي

sent from my xperia arc s using forum runner

معقول بتوع التوكيل ممكن يبقى بالسوء دا؟؟!!!!!!! دا انا مش راضية أروح بيه لأي حد عشان باقول التوكيل أضمن..للأسف المطرية بعيدة عني لكن شكرا على ردك
كدا ان أحسن حاجة أمسك العصاية من النص.. أروح أعمل صيانة ال 20000 و ماقولش ان فيها مشكلة.. لو ماتحلتش أروح أشوف القصة دي عند حد تاني..

و الله محتارة :-(

طب أمشي بيها كدا لحد يوم السبت و لا ايه؟؟ أنا بصراحة بقيت بشيل هم أي مطلع أو كوبري :-(

[mesaharaty]

تغيير طقم دبرياج على الـ 7000 كيلو ؟؟؟؟؟؟؟؟؟؟؟؟؟؟؟
(هو حضرتك اتعلمتى السواقة على العربية دى؟؟)
الخنقة دى ممكن تكون من طقم الكهربا (بوجيهات - أبلاتين - كوندنسر)

[Lubna Badr]

تغيير طقم دبرياج على الـ 7000 كيلو ؟؟؟؟؟؟؟؟؟؟؟؟؟؟؟
(هو حضرتك اتعلمتى السواقة على العربية دى؟؟)
الخنقة دى ممكن تكون من طقم الكهربا (بوجيهات - أبلاتين - كوندنسر)

لا و الله :-d اتعلمت على 128 و لانوس.. بس مشكلتي ان طريقي لشغلي زحمة جدا و باضطر أمشي على الثاني أوقات كثيرة

أتمنى انها تكون أي حاجة الا اني أغير طقم ديبرياج تاني.. أنا أعرف انها بتتغير مرة أو مرتين في عمر العربية.. مش مرة كل سنة!!!!!!!

[alking_2006]

اتفق مع كلام دكتور حازم بالاضافة لمعلومة ان طقم الدبرياج بيطير بسرعة لو الواحد و هو سايق عادى و دايس بنزين بيبقى بيريح رجله الشمال على دواسة الدبرياج

[Amr Axel]

موضوع طقم دبرياج ممكن يكون سوء استخدام و ديه منقدرش نحددها اما لو عيب صناعة يبقي حرام

اما سحب العربية الضعيف ياما بسبب طقم الدبرياج و ده شرحه د \ حازم
ياما بسبب طقم الكهربا عايز يتظبط و نوعية البنزين
و لو رايحة صيانة متخليش حد يغيرلك حاجة في طقم الكهربا غير البوجهات طالما باقي الطقم سليم و مبتشتكيش من حاجة
و الصيانة الجاية احتمال التغيير يكون بوجيهات و فلاتر و زيوت عشان تبقي عاملة حسابك و المفروض تبلغيهم باي مشاكل في العربية عشان يحلوها

و هننتظر تقرير بالصيانة الجاية ان شاء الله تقوللنا ايه اللي تم

[محمد اسامه]

عشن تقدرى تعرفى هو طقم الدبرياج و لا لأ تدورى العربيه و انت شاده فرامل اليد و بعدين تدوسى على الدبرياج و تدى الغيار الاول وبعدين تشيلى رجليكى من على الدبرياج سنه سنه لو العربيه مبطلتش و فضلت دايره بعد ما تشيلى رجلك يبقى ده طقم دبرياج لكن لو نطلرت و بطلت يبقى احتمال كهربا

[dr.hazem]

عشن تقدرى تعرفى هو طقم الدبرياج و لا لأ تدورى العربيه و انت شاده فرامل اليد و بعدين تدوسى على الدبرياج و تدى الغيار الاول وبعدين تشيلى رجليكى من على الدبرياج سنه سنه لو العربيه مبطلتش و فضلت دايره بعد ما تشيلى رجلك يبقى ده طقم دبرياج لكن لو نطلرت و بطلت يبقى احتمال كهربا

الفحص ده مش اي حد بيعرف يعمله وفنفس الوقت مضر والافضل اختبار الطقم عالغيار الرابع...
تحياتي

Sent from my Xperia Arc S using Forum Runner