تنتيش الماروتى

[waelgam2005]

انا عندى مشكلة غريبة بقالها يومين بس مش عارف ده بنزين وحش ولا ايه فا قولت اقولكم الاعراض اللى عندى علشان تقولولى على سببها
اولا التنتيش رخم جدا لدرجه ان العربية ممكن تنط منى وساعات العربية تعمل زى ما يكون هتبطل لو مكبستش جامد
ثانيا فى اكتر من مرة لما باجى امور العربية بعد ما اجى من مشوار ودى حصلت مرتين معايا بلاقى العربية بتعمل صوت اكنها هبتبطل لوحدها كدا وبحاول اكبسلها بنزين علشان متبطلش مفيش اى حاجه اكنى مش دايس وتقطيع فى صوت الماتور جامد
فهل ده بنزين وحش ولا فى مشكلة فى العربيه
العربية 2012 وعامله 20000 وكنت لسه مغير طقم الكهربا فى 10000 كيلو

[lidosasa]

أكشف على فلتر البنزين ممكن يكون مسدود ونضف فلتر الهوا ممكن يكون مترب وخانق العربية

[waelgam2005]

أكشف على فلتر البنزين ممكن يكون مسدود ونضف فلتر الهوا ممكن يكون مترب وخانق العربية

هشوف فلتر البنزين لانى لسه منضف فلتر الهوا مكملش 50 كيلو
بس السؤال هوا لو البنزين متزودله ميه بتبقى نفس الاعراض دى ولا مش شرط ؟

[lidosasa]

هشوف فلتر البنزين لانى لسه منضف فلتر الهوا مكملش 50 كيلو
بس السؤال هوا لو البنزين متزودله ميه بتبقى نفس الاعراض دى ولا مش شرط ؟

أكيد طبعاً لو البنزين مش نضيف أو مخلوط تبقى نفس الأعراض

[lidosasa]

مشكلة بسيطة ولكن محيرة

111111

[mesaharaty]

فيه إحتمال كبير يكون طقم الكهربا محتاج يتغير كله لأن حضرتك بتقول مغيره من 10000 كم صح ؟
برضه تراجع على :
فلتر البنزين - جودة البنزين - البوجيهات (ويستحسن طقم الكهربا كله)

[alking_2006]

راجع على فلتر البنزين و فلتر الهواء و جودة البنزين علشان ممكن تكون تفويله مضروبةغير كدا ممكن يكون كاربراتير عايز يتنظف
الاحتمال الاخير و ضعيف هو البوبينه

[khalidawad]

انت غلط لما غيرت طقم الكهربا كله الابلتين الاول اعتقد يقعد قد ٣٠ الف اما الكوندنسر فمكنش المفروض يتغير وانصحك لو لسا معاك رجعه تاني وغير الابلتين الجديد بس ربنا يسترها علينا

[waelgam2005]

انت غلط لما غيرت طقم الكهربا كله الابلتين الاول اعتقد يقعد قد ٣٠ الف اما الكوندنسر فمكنش المفروض يتغير وانصحك لو لسا معاك رجعه تاني وغير الابلتين الجديد بس ربنا يسترها علينا

ده اللى انا ناوى اعمله هرجعهم وهرجع البوجيهات لانى لسه شايفها كويسه هنضفها بالبنزين واركبها تانى