عضو جديد في عائلة الماروتي

[sameh 81]

السلام عليكم
اتشرف بالانضمام لعائلة الماروتي بالنجم الصاعد مو 2008

انا مقلتش لاي حد لسه و انتم اول ناس اقولها بعد اسرتي الصغنونة

لسه هظبطها ان شاء الله عشان اسافر بيها كمان يومين ان شاء الله

اخوكم
م. سامح الشافعي

[mirra]

الف مبروك...

[Amr Axel]

الف مبروك يا باشا ربنا يديك خيرها و يكفيك شرها
اهم حاجة متنساش الصيانات الوقائية المعتادة بعد شراء عربية مستعملة تغيير سيور كاتينة بالبلية و دينامو و فلاتر هوا و بنزين و بوجيهات و لو لزم الامر ابلاتين و كوندينسر غيرو زيوت زيت موتور و فلتر مع كل تغييرة طبعا و فتيس و فرامل و تغيير مية الريداتير و ربط عفشة و شحم عصاية الفتيس من تحت و ربطها :)

و اهلا و سهلا انضمامك لنسور السوزوكي :)
بس بص بقي من اولها عشان منخسرش بعض هههههههه تقرير حلو عن العربية و انطباعك عنها في موضوع منفصل في القسم
و عايزين بقي تقارير عن كل حاجة تشتريها او تعملها في العربية

[dr.hazem]

الف مبرووربنا يديك خيرها ويكفيك شرها وزي ما قال عمرو ياريت تعمل الصيانات الوقائية وتقولنا ايه الاخبار....
بالتوفيق

Sent from my Xperia Arc S using Forum Runner

[saddam]

مبروك وبالتوفيق يا صديقي المواطن

[lidosasa]

مرحباً بك رفيقاً على درب الكفاح مع العربة الطائشة ماروتى

[sameh 81]

شل

انا نويت اوديها اكشف عليها بكرة عشان يبقي التقرير كمبيوتر رسمي
انا من شبرا مصر و اكتر من واحد رشحولي بنزينة شل الهرم للموضوع ده
انا ناوي اوديهها اكشف عليها و انضفها بره و جوه و موتور عشان ناوي اسافر بيها كمان يومين ان شاء الله
الميكانيكي قاللي الكبالن محتاجة تتغير بس ممكن تصبر شويتين لانها طقطقت معاه بطريقته لكن معايا مسمعتش طقطقة
اللي عنده اي نصيحة انا هرحب بيها و بشكر صاحبها عليها مقدما
و شكر خاص ليك يا اكسل علي مجهودك الملحوظ في موضوعات بقالها سنين بس تعتبر كنز استراتيجي

انا برحب بالتواصل مع كل افراد عائلة الماروتي
و يا ريت الللي من الجروب هنا من شبرا او روض الفرج او كورنيش النيل يبقي يتواصل كجار و صديق جديد

مع خالص تحياتي للجميع

[sameh 81]

ممكن حد يرفع كتالوج العربية ماروتي و يا ريت مو 2008

[dr.hazem]

ممكن حد يرفع كتالوج العربية ماروتي و يا ريت مو 2008

https://www.nilemotors.net/Nile/279408-a.html#post3874198274

الماروعي كلها من اول موديل لاخر موديل نفس الكتالوج...
تحياتي

Sent from my Xperia Arc S using Forum Runner

[ahmedalaahosny]

اخيرا يااستاذ سامح الف مبروك

[sameh 81]

اخيرا يااستاذ سامح الف مبروك

هههههههههههههههههههه
معلش انا عارف اني تعبت الجروب كله معايا

بس كانت فرصة اتعرف علي ناس جميلة هنا و الله

[alking_2006]

الف الف مبروك
ربنا يديك خيرها و يكفيك شرها

[mesaharaty]

ألف مبروك يا أستاذ سامح على العروسة الغالية ((ماروتى))
وربنا يبارك لك فيها وعاوزين التواصل يكون مستمر يوميا بإذن الله .
زى الزملاء ما قالوا الصيانات الوقائية والإستباقية مهمة جدا للإطمئنان على السيارة .
الكشف مش بيعرفك كل حاجة عن حالة السيارة قد ما حضرتك تسوق وتتعامل بنفسك معاها .
لكن إن شاء الله تكون عربية حلوة ومش متعبة وبنت ناس طيبين .

[MEGO802]

الف مبروك يا استاذ سامح
الماروتى عربية جميلة جدا بس اهم حاجة تحافظ عليها

[sameh 81]

اكتشفت النهاردة كسر في الشاسيه ورا المساعد الشمال خلفي لما رفعتها في شل

العربية جيدة جدا جنوط و زينون و سنتر و شكلها جميل مو 2008
بس انا بسالكم أخوة
هل انزل السعر و لا ارجعها

انا برضه واحد قاللي تتلحم كل سنة ومش هيأثر علي الاداء
فمش فاهم اذا كانت العملية كدع يبقي ليه ده يعيبها؟ ؟؟؟؟،،؟؟؟


افيدوني افادكم الله