ياريت اى حد من الاعضاء شغال فى توكيل سوزوكى

[AhmedGIS]

انا كنت سألت على ضمان وصيانة السيارة الصينية الجديد شانا بينى مينى

وقالولى فى المعرض ان الضمان والصيانة فى مراكز خدمة سوزوكى


فياريت لو اى حد من السادة الاعضاء شغال فى التوكيل او كان هناك وشافهم بيعملوا صيانة للعربية دى ياريت يقوللى

وكمان يقوللى على العيوب اللى معظم الناس لاقيتها فى العربية وبتروح التوكيل عشان تصلحها

وشكرا

[dr.hazem]

مفيش حد هنا شغال في توكيل سوزوكي للاسف..
تحياتي

Sent from my Xperia Arc S using Forum Runner

[AhmedGIS]

مفيش حد هنا شغال في توكيل سوزوكي للاسف..
تحياتي

sent from my xperia arc s using forum runner

شكرا لمرورك

تحياتى

[osos007]

محدش من اللي شغالين فى التوكيل بيجى هنا عشان له جه حيتبهدل

[AhmedGIS]

محدش من اللي شغالين فى التوكيل بيجى هنا عشان له جه حيتبهدل

هو للدرجة دى توكيل سوزوكى سيء؟؟؟؟

[osos007]

هو للدرجة دى توكيل سوزوكى سيء؟؟؟؟

اسواء مما تتخيل

http://www.nilemotors.net/Nile/337891-2013.html

[wael mohamed]

انا لما روحت التوكيل شوفت الشنا بينى كانت هناك هما شغالين فيها بس هما صيانتهم سيئه

[micromoud]

بيتعمل لها الصيانه فى توكيل سوزوكى

[omar_saad]

السلام عليكم
أولا سوزوكي أسوأ توكيل بكل ما تحمل الكلمة من معني...
أنا روحت أكتر من 6 مرات عشان مشكلة تتحل ومفيش فايدة .... منفضتية.....
يكفي اني أقولك اني روحت مرتين عشان الباب كان بيتقفل بالرزع ... مرتين الكيلو 28 من مدينة العبور...
معلش طولت عليك ...
المهم... اقسم بالله من أحد العاملين هناك .. هو مهندس كنت بدردش معاه كده... قالي العبر في تشانا...
بس كان يقصد الموديل القديم ولكنه لا يعرف حتي الأن تقييم الموديل الجديد..
نصيحة .. ابتعد عن السيارة دي لسببين:
الأول ... صيني
الثاني أنها من وش توكيل سوزوكي..
الصيني يقبل من توكيل محتىم ... غير ذلك لا تقبله

[omar_saad]

بالتوفيق ان شاء الله

[Amr Axel]

اسمع انه بيكون في مراكز سوزوكي برده و القسم الصيني ممكن يفيدك اكتر
بس لو لسه مشترتش العربية الأفضل تعيد تفكير و عندك بدائل افضل زي سبرانزا او بي واي دي دور ع عربية منتشرة قطع غيارها منتشرة و رخيصة و لو حبيت تبيعها تتباع بسهولة مدوخش بيها

[AhmedGIS]

اسمع انه بيكون في مراكز سوزوكي برده و القسم الصيني ممكن يفيدك اكتر
بس لو لسه مشترتش العربية الأفضل تعيد تفكير و عندك بدائل افضل زي سبرانزا او بي واي دي دور ع عربية منتشرة قطع غيارها منتشرة و رخيصة و لو حبيت تبيعها تتباع بسهولة مدوخش بيها

شكرا لمرورك

وانا فعلا لسه ماشتريتش العربية عشان موضوع التوكيل ده .

بس المشكلة كمان فى اسبرانزا وبى واى دى والتقفيل المصرى السيىء يعنى انا اعرف ان لما كانت ال بى واى دى لسه بتيجى من الصين قبل ما توكيل الامل بتاع اللادا يجمعها هنا كانت الناس بتشكر فيها جداا لكن دلوقتى وقف اى سواق تاكسى واسأله عنها هيوقلك مطلعه عينه بس هيعمل ايه عليها اقساط

وكمان حتى فكرت فى الجيلى باندينوا اللى هتتسلم للناس اللى حاجزاها قريب ولاقيت ان غبور مش ملاحق على ضغط العملاء اللى شاريين جيلى امجراند 7 والمشاكل اللى فيه بعض الناس بيقولوا انها مشاكل عادية وبسيطة وناس تانية بيقولوا انها مشاكل كبيرة وطبعا كل واحد وتقديره للمشكلة ولظروفه

طيب ازاى فعلا غبور هيلاحق كمان على عملاء الجيلى باندينوا ؟؟ انا اعتقد انه هيكون عليه ضغط كبير جداا وده ممكن يدايق ناس كتير عشان موضوع الصيانة والضمان

انا فعلا مش عارف اعمل ايه دانا حتى فكرت انى احاول ازود المقدم والقسط (مش عارف ازاى) بس هحاول وربنا يكرم واجيب اى 10 او بيكانتوا وخصوصا فى دلوقتى عرض على البيكانتوا الهاف اوبشنز الاوتوماتيك بـ 90 ألف

مش عارف اعمل ايه والله المستعان

[Amr Axel]

شكرا لمرورك

وانا فعلا لسه ماشتريتش العربية عشان موضوع التوكيل ده .

بس المشكلة كمان فى اسبرانزا وبى واى دى والتقفيل المصرى السيىء يعنى انا اعرف ان لما كانت ال بى واى دى لسه بتيجى من الصين قبل ما توكيل الامل بتاع اللادا يجمعها هنا كانت الناس بتشكر فيها جداا لكن دلوقتى وقف اى سواق تاكسى واسأله عنها هيوقلك مطلعه عينه بس هيعمل ايه عليها اقساط

وكمان حتى فكرت فى الجيلى باندينوا اللى هتتسلم للناس اللى حاجزاها قريب ولاقيت ان غبور مش ملاحق على ضغط العملاء اللى شاريين جيلى امجراند 7 والمشاكل اللى فيه بعض الناس بيقولوا انها مشاكل عادية وبسيطة وناس تانية بيقولوا انها مشاكل كبيرة وطبعا كل واحد وتقديره للمشكلة ولظروفه

طيب ازاى فعلا غبور هيلاحق كمان على عملاء الجيلى باندينوا ؟؟ انا اعتقد انه هيكون عليه ضغط كبير جداا وده ممكن يدايق ناس كتير عشان موضوع الصيانة والضمان

انا فعلا مش عارف اعمل ايه دانا حتى فكرت انى احاول ازود المقدم والقسط (مش عارف ازاى) بس هحاول وربنا يكرم واجيب اى 10 او بيكانتوا وخصوصا فى دلوقتى عرض على البيكانتوا الهاف اوبشنز الاوتوماتيك بـ 90 ألف

مش عارف اعمل ايه والله المستعان

الموضوع مش حكاية توكيل لكن المهم العربية نفسها و تقدر تتعامل بيها
فانا شايف انك هربان من العربيات ديه عشان التقفيل و هترتكب جناية اكبر بشراء عربية محدش يعرفها الا الناس في مجال العربيات و الله اعلم قطعها عاملة ازاي
و للعلم الاتنين كويسين سواء بي واي دي او اسبرنزا و البي واي دي كل الناس اللي سالتهم في الشارع بعيدا عن تجربتي لها شكروا فيها منهم تاكسيات ماعدا واحد قالي كانت عنده مشاكل بتطلع لوحدها و مش عارف سببها و بالرغم وجود عيوب للتقفيل بتتحل مع اول صيانة بس مش كله انت و نصيبك برده كالعادة في اي عربية حتي لو نوعها ايه و الدهان معاك انه ضعيف لكن في المقابل اوبشن و وسائل امان و سعر اقل و التقفيل الصيني فعلا افضل و فيه بي واي دي تقفيل صيني لكن موتور 1500 بدل 1600 لكن نفس القدرة بس للأسف مجربتوش عشان احكم
الايمجراند بصراحة انا نفسي كنت بفكر فيها لكن مش هاجي ناحيتها دلوقتي لحد ما نشوف التوكيل هيعمل ايه في الموديلات الجديدة و هتفضل نفسها هي هي و لا لأ
و من وجهة نظري شايف اني حرام ادفع في بيكانتو 90 الف باي شكل من الاشكال و لا حتي 80 الف طالما وصلت للمبلغ ده انتقل للفئة اللي بعدها هتلاقي حاجات أفضل بكتييير
و الاي 10 كويسة بس لما سوقتها لقيتها عادية مفيش حاجة مميزة تدفعني اجيبها ده حتي لما اشتغلت فيها مع واحد صاحبي كنا بنعملها صيانات الحوض كان خانقني و بتحرك بالعافية فيها
فشوف اكترمبلغ تقدر توصله و ممكن تقسط و تجيب حاجة أفضل ياما تنزل في الفئة و في الاخر ده اختيارك انت اللي لازم تكون مقتنع بيه و تتحمل عواقبه فيما بعد

[micromoud]

حضرتك طالما وصلت لرينج 90000 وعاوز عربيه هاتش باك يبقى اعتقد ان السانديرو مناسبة جدا ليك

[AhmedGIS]

حضرتك طالما وصلت لرينج 90000 وعاوز عربيه هاتش باك يبقى اعتقد ان السانديرو مناسبة جدا ليك

كلامك مضبوط جداا والسانديرو تحفة معا اخويا بس المشكلة ان انا معايا لوجان واختى لوجان واخويا سانديرو وكده كل العيلة رينو . فالمشكلة انى مش كمان هجيب للمدام سانديرو دا كده لازم اخد جايزة من رينو - العائلة الريناوية - :018a1d~146: وبعدين اللوجان والسانديرو شبه بعض بالضبط ماعدا الشنطة بس فانا عايز اغير شوية سكل الطابلوه بتاعها.