خرابيش الماروتي اللعينة !

[HHALAWANY]

شباب ونسور السوزوكي ... صباح الفل عليكم ويارب تكونوا بالف خير :)

مبدئيا كده ، انا عربيتي لونها نبيتي .. ومع الاسف على طول بتلم طراب بطريقة غريبة (ياعني مش موضوعنا)

المهم بقا ، الواحد ينزل من بيته يلاقي العربية متخربشة في حته شكل ، يروح يركن العربية في مكان تاني ، ينزل يلاقيها متخربشة في مكان تاني برضو !! ، وهكذا (طبعا ولاد الحلال كتييير)
ده غير طبعا ان ساعات الواحد بتطلب معاه يهزر مع بتوع سواقين الميكروباصات ، وللأسف هزارهم تقيل حبتين

سؤالي هنا بقا ( اللي كنت ممكن اقوله من الاول وخلاص بدل الرغي ده كله )
ايه افضل حل لعلاج الخرابيش اللي موجودة في العربية ؟
واللي في منها خفيف وفي منها تقيل حبتين ؟؟

وشكرا يا رجالة :)

[Amr Axel]

ده العادي هنا انا العربية عندي اقل حاجة لا مؤاخذة في اللفظ تتف عليها من ولاد ....... بهدلوها من كل مكان
قدامك حلين ياما تسيبها ياما تتجه لمحاولة اخفائها و مرجحش تستخدم بوية
فيه حل ظريف لو اللون بس طلع و الخرابيش مبينة الفيلر الابيض اللي تحتها ممكن تجيب بولش بلون عربية زي سونكس او سيمونز و تظبط العربية بيه هيخفي الخدوش بشكل كبيييير جدااااا اما لو ع الصاج بيبقي مع سونكس زي قلم بنفس اللون ممكن تمشي بيه عليه يخفي بقدر الامكان و بكده منها خفيت الخدوش و منها لمعت العربية
و انا ارجحلك سونكس و سعره هتلاقيه في حدود 80 ج و العبوة هتكفيك حوالي 3-4 مرات للماروتي لو حساباتي صح

[HHALAWANY]

فيه حل ظريف لو اللون بس طلع و الخرابيش مبينة الفيلر الابيض اللي تحتها ممكن تجيب بولش بلون عربية زي سونكس او سيمونز و تظبط العربية بيه هيخفي الخدوش بشكل كبيييير جدااااا

اما لو ع الصاج بيبقي مع سونكس زي قلم بنفس اللون ممكن تمشي بيه عليه يخفي بقدر الامكان و بكده منها خفيت الخدوش و منها لمعت العربية
و انا ارجحلك سونكس و سعره هتلاقيه في حدود 80 ج و العبوة هتكفيك حوالي 3-4 مرات للماروتي لو حساباتي صح

شكرا :)
بعد ازنك مش قادر افهم ايه الفرق في النتقطتين دول ..
بس عشان تبقى عارف برضو ، الخرابيش مبينة ابيض تحت منها وفي منها على الكبوت قبل الابيض بشوية
انا المفروض بقا اشتري انهي نوع بالظبط ، واجيبه منين ,, واستخدمه ازاي "فرشة مثلا" .؟؟

وشكرا

[Amr Axel]

ياما طبقة الدهان بس اللي طلعت و لسه الطبقة اللي تحتها اللي لونها أبيض موجود فديه امرها بسيط مع البولش بلون العربية
ياما طبقة الدهان و اللي تحت طلعت و بقت ع الصاج بمعني انك شايف لون الصاج نفسه و ديه مش هيحوق فيها البولش اوي بس ممكن بالقلم اللي بيجي مع سونكس يداريها شوية

و خلي بالك لو الحكات ان لون عربية تاني بهت ع لون عربيتك ده بحتة قطنة تشممها بس تنر و تشيلها و تمسح مكانها او بكومباوند بس مش عايزك تكلف كتييير

اي نوع زي ما تحب بس للاسف سيمونز مبقاش موجود الا نادرا فمفيش قدامك غير سونكس و تشوف اللي بلون عربيتك بالظبط

طريقته بسيطة بس متعبة بالنسبة لشخص اول مرة يعملها يدوي و هي كالآتي :

- تغسل العربية غسلة محترمة و ميبقاش عليها تراب
- تاخدها في حتة ضلة و يفضل طبعا بالنهار عشان تشوف كويس
- تجيب البولش و تمسك كل قطعة لوحدها يعني كبوت لوحده و سقف لوحده و هكذا و تحط نقط نقط ع كل قطعة ع حدي
- بعد ما تحط ع كل قطعة تجيب حتة قطنة اد كف الايد او اكبر و تبدي تشتغل بايديك دواير دواير في اتجاه واحد لحد ما تلاقي البولش زي ما يكون جير
- و كل قطعة تخلصها تنتقل للقطعة اللي بعدها و حاول تبعد عن الكاوتش او الفيبر في العربية عشان ميجيرش منك
- بعد ما تعمل العربية كلها تجيب فوطة قطن و ترجع تشيل كل البولش تاني برده بنفس طريقة التوزيع و متسيبش حتة هتلاقي الفرق بين اللون و اللمعة و الخرابيش هتختفي بشكل كبييير
- و اخيرا لو خرابيش منفعش معاها البولش بالقلم و تمشي عليه ع فكرة ع ما اتذكر هو كان قلم شمع

و اخيرا و ليس اخرا ممكن تغسل العربية تاني بعد القصة دي و ممكن لأ زي ما تحب بس يفضل تتغسل
و القصة ديه ممكن تاخد منك حوالي ساعتين تلاتة انا معايا مباخدش اكتر من ساعة - ساعة و نص لو قولنا شغال بدلع بس عشان انت اول مرة فهتتعب و دراعك هتحس انه هيقف :)

- فيه حاجة اضافية ممكن تعملها هتحمي دهان العربية بشكل كبييير ضد التراب و الفوطة الزفرة و الرمل اللي بيجي ع العربية لو ماشي في مكان صحراوي و هو استخدام الشمع او الواكس يعني و ديه زي البولش برده بس شمع بيعمل طبقة رقيقة ع الدهان تحميه و بيتعمل بنفس طريقة البولش و تعمله بعد البولش

[osos007]

شباب ونسور السوزوكي ... صباح الفل عليكم ويارب تكونوا بالف خير :)

مبدئيا كده ، انا عربيتي لونها نبيتي .. ومع الاسف على طول بتلم طراب بطريقة غريبة (ياعني مش موضوعنا)

المهم بقا ، الواحد ينزل من بيته يلاقي العربية متخربشة في حته شكل ، يروح يركن العربية في مكان تاني ، ينزل يلاقيها متخربشة في مكان تاني برضو !! ، وهكذا (طبعا ولاد الحلال كتييير)
ده غير طبعا ان ساعات الواحد بتطلب معاه يهزر مع بتوع سواقين الميكروباصات ، وللأسف هزارهم تقيل حبتين

سؤالي هنا بقا ( اللي كنت ممكن اقوله من الاول وخلاص بدل الرغي ده كله )
ايه افضل حل لعلاج الخرابيش اللي موجودة في العربية ؟
واللي في منها خفيف وفي منها تقيل حبتين ؟؟

وشكرا يا رجالة :)

هههههههههههههههههههههههههههه والله انا حاسس ان انت بتتكلم على عربيتى
انا نفس اللون ونفس المشاكل
جبت بوليش كومبوند بتاع الخدوش من شهر ب27 جنيه ومن ساعتها وانا راميه فى الشنطه خايف استخدمه علشان البويه مع انى قريت اللي عليه ولقيته عادى ممكن استخدمه بفوطه نضيفه وادعك باديه من غير قلق يعنى بس برده قلقان ( شقيان بفلوس العربيه دى وربنا )
وقدامى تلات حلول محتار فيهم يااما اسيبهم واكبر دماغى ويااما اجازف واجرب البوليش فى حته مستخبيه عشان لو حصل حاجه مزعلش يااما اجيب قلم الخدوش اللي بيقولوا عليه
كلنا هذا الرجل ياباشا وربنا يتوب علينا :)