سوزوكي سويفت 2013

[M Abdellatif]

السلام عليكم ..
ابه رأيكم في سوزوكي سويفت الجديدة 2014 أو 2013 ؟!
تستاهل اوتامتيك 94000 جنيه ؟!
و ايه البدائل في نفس السعر و أفضل ؟!
شكرا جزيلا

[bassemali]

لا ماتستاهلش .. عربيه صغيره وضيقه جدا من جوه وقطع غيارها غاليه وغير متوفره وعربيه مش منتشره هتقرفك لما تيجي تبيعها أو لو حبيت تعملها صيانه أو تجيب لها قطعة غيار من بره التوكيل .. رأيي تزود شويه وتجيب البروتون البيرسونا أوتوماتيك بحوالي 101000 تقريبا أو تشوف الرينو لوجان أوتوماتيك أو نيسان صني الشكل القديم أوتوماتيك بحوالي 97000 جنيه .. وربنا يوفقك .

[D . a .\ AYMAN]

أنا شايفها عربية تحفة للاستخدام الفردي ومشاوير وسط البلد

موتور صغير ومناسب جدا للحمل بتاعها وموفر جدا في الوقود في مشاوير الداخلية ومش هايكون تعبان في السفر زي الألتو مثلا أو الماروتي

العربية من جوة مش ضيقة أبدا بالعكس هي كويسة جدا على حجمها .. أنا ركبتها في المعرض بتاع مودرن موتورز وورا ممكن يقعد ثلاثة كويس وقدام بالنسبة لي كان كويس جدا (أنا طولي 173 ما اعرفش لو أطول هاتضايق ولا لأ)

أكتر حاجة عجبتني فيها التقفيل بتاعها رائع وجميل جدا من جوة ومريح للعين ومثير للهدوء .. مثلا عن البيكانتو الجديدة (ما عجبتنيش زيها من جوة ... ولكن البيكانتو مش وحشة برضه من جوة)

وشكلها من برة عاجبني جدا أكتر من النيسان تيدا بمراحل برغم إن في بينهم شبه إلى حد ما ولكن السويفت أحلة بكتير من التيدا

عموما الشكل سواء من بره أو من جوة أذواق وراحة شخصية لكل واحد

من تجربتي لسوزوكي هي عربيات محترمة جدا واعتمادية جدا ومش متعبة في الأساسيات بتاعتها نهائي في الأغلب الأعم بإذن الله

لحد هنا الكلام مشجع جدا صح ؟؟

المشكلة الأساسية بقى اللى مخلياني مش متشجع إني أجيبها برغم إنها واخدة حيز كبير من تفكيري إني ما شفتهاش خالص ماشية في شوارع المحروسة لغاية دلوقتي برغم إنها نازلة من حوالي سنة وشوية ... يعني هانتكلم في ندرة قطع الغيار وتحكم الوكيل فيها

لأن مشكلتي إني مش بحب الوكيل بالذات يتحكم فية وأحب لما آجي اشتري قطع الغيار ألاقي كذا واحد أقارن بينهم وبين جودتهم وأسعارهم ... يكون في سوق بالمعنى المفهوم

لو المشكلة دي اتحلت العربية دي هاتكون صفقة رابحة جدا

كل ده بغض النظر عن سعر إعادة البيع اللى انا مش بفكر فيه نهائي لأن ده نصيب مش أكتر .. عشان ممكن الواحد يجيب عربية سعرها كبير في إعادة البيع وبتتخطف وفجأة تتخبط وتتباع بتمن التراب وممكن الواحد يجيب عربية تانية ما حدش بيشتريها ويجيلها زبونها اللى عايزها وياخدها بسعر يرضي الطرفين

بصراحة نفس العربية دي تاخد نصيبها شوية في السوق

بس ؤال بقى لما كنت في المعرض وسألت عليها من حوالي سنة ونص كدة قالي إن مافيش منها أتوماتيك وأعلى فئة فيها مانيوال ... هي في أي تغيير للكلام لو حضرتك تعرف

[M Abdellatif]

تمام جدا .. خوفتوني منها بس الفكرة انا سعار نيسان صني اغلى من كده الشكل القديم

[Sherifafifygal]

العربية سوفيت 2015 تحفة و صفقة رابحة بصرف النظر عن توافر قطع الغيار او لا فى السوق المحلى و تحكم الوكيل و الكلام دة

اساسا السوفيت بتعيش قطع غيارها و العربية عندى و راحة فوق الخيال و احب اقول ان الصالون بتاعها واسع جدااااااااااااااااااااااااااااا
و سعرها ممتازززززززززززززززززززززززززززززززززززززززززززززز زززززززززززززززززززززززززززز

[yourfreeman]

العربية سوفيت 2015 تحفة و صفقة رابحة بصرف النظر عن توافر قطع الغيار او لا فى السوق المحلى و تحكم الوكيل و الكلام دة

اساسا السوفيت بتعيش قطع غيارها و العربية عندى و راحة فوق الخيال و احب اقول ان الصالون بتاعها واسع جدااااااااااااااااااااااااااااا
و سعرها ممتازززززززززززززززززززززززززززززززززززززززززززززز زززززززززززززززززززززززززززز

ياريت صور لسيارتك على الطبيعة

[S O P H O S]

ركبتها فالمعرض جميلة وعجبتني
بس قلقان من الماتور مع الاوتو بصراحة

[sa7fy]

انا حجزتها وتوكلت على الله لانى سألت ناس معاها وقالوا ان السحب مش مؤثر فى الاوتو مع الماتور ال1200 لانه مهما كان يابانى

[J A G U A R]

شايفها كويسه كسياره هاتشباك واوبشن كويس
بس الخوف من اعتماديتها