اريد مساعده - سوزوكى بالينو

[amr_1982]

السلام عليكم
يا جماعه انا محتاج مساعدتكم:
انا معايا عربيه سوزوكى بالينو 2000 . من كام يوم لقيت العربيه بتنتش و انا ماشى تنتيشه خفيفه و اوقات احس انها مخنوقه و بعدين تفوق.
المهم قولت اغير البوجيهات و امشى , تانى يوم لقيتها الماكينه بتترج و العادم اللى خارج من الشكمان كانه بيتفتف. ناس قولولى دى شغاله على 3 بوجيهات مش 4. المهم غير بوجيهات تانى . امبارح ماشى الصبح لقيتها اترجت بيا و باك فير و الrpm بيلعب . ركنت شويه و بعد كده مشيت زى الفل. روحت مشوارى قعدت بتاع ساعه و جيت ماشى لقيها برضه تترج و باك فير . غيرت ال 2 مبينه و مشيت زى الفل النهاردة الصبح برضه اترجت بيا و نتشت و ال rpm لعب. يا ريت لو تقدروا تفيدونى

[dr.hazem]

اهلا بيك معانا...
عربيتك متلته فعلا ياغالي...
وللأسف معرفش مين اللي بيقولك تغير البوجيهات لان عمر التتليته ما كانت منهم الا لو بييجي عليهم زيت....
مشكلتك غالباً ان في سلك بوجيه بيهرب كهربا ومحتاج تغيير...
وبالتالي حضرتك تغير السلوك وتراجع عالاسبراتير ميكونش مشروخ وتتاكد من السلك اللي واصله من الموبينا...
مقلتلناش العربية كربراتير ولا لا والعربية ماشية قد ايه وآخر صيانة كاملة كانت امتى؟
تحياتي

Sent from my Xperia Arc S using Forum Runner

[amr_1982]

انا شاكر لحضرتك على الرد السريع
انا عربيتى انجيكشن. عامله حوالى 310 الف كيلو. انا لسه عامل الصيانه اول امبارح يعنى بعد ما حصل الموضوع دا.
العربييه عندى فبها اتنين موبينه مش اسبراتير.
انا غيرت الاتنين موبينه امبارح و حص نفس العطل النهارده الصبح (رج و تنتيش و ال rpm بيلعب بسرعه) انا هسمع نصيحتك و اغير سلوك البوجيهات.

[dr.hazem]

انا شاكر لحضرتك على الرد السريع
انا عربيتى انجيكشن. عامله حوالى 310 الف كيلو. انا لسه عامل الصيانه اول امبارح يعنى بعد ما حصل الموضوع دا.
العربييه عندى فبها اتنين موبينه مش اسبراتير.
انا غيرت الاتنين موبينه امبارح و حص نفس العطل النهارده الصبح (رج و تنتيش و ال rpm بيلعب بسرعه) انا هسمع نصيحتك و اغير سلوك البوجيهات.

طالما مغير الموبينات يبقى غالبا المشكلة بعدهم...
وهل ياترى حضرتك نضفت البوابة قبل كده؟؟؟
غالبا محتاجه تنضيف وممكن تكون هي المشكلة...
انا افضل انك تنضفها قبل ما تغير السلوك...
تحياتي

Sent from my Xperia Arc S using Forum Runner

[amr_1982]

د. حازم

انا نظفت البوابه قبل كده . بس حضرتك تقصد البوابه بس و لا الحساسات اللى عليها كمان؟

[dr.hazem]

د. حازم

انا نظفت البوابه قبل كده . بس حضرتك تقصد البوابه بس و لا الحساسات اللى عليها كمان؟

هو الأفضل البوابة بالحساسات لو امكن...
الأعراض اللي عندك اما بوجيه بيفصل نتيجة سلك او حساس بيهيس....
نضف البوابة ولو امكن الحساسات وفك كيبل البطاريه نص دقيقة واشبكه بحيث نرستر الكمبيوتر وشوف الدنيا اخبارها ايه...
باذن الله هتتظبط...
في حالة متظبطتش هتغير السلوك...
بعيد الشر متظبطتش نبقى نكشف كمبيوتر يقول في ايه....
تحياتي

Sent from my Xperia Arc S using Forum Runner

[amr_1982]

د. حازم
النهاردة الصبح حصل شئ غريب.
انا دورت العربيه الصبح و استنيت قولت اشوف هيحصل ايه و هى دايرة. صوت الشكمان كان عالى شويه، و بعد 3 او 4 دقايق العربيه و هى واقفه ابتدت تبرجل و عداد ال rpm بيلعب حوالين ال 1 (يطلع و ينزل) و العربيه كانت عايزة تبطل و بعديت تتظبط و فى الاخر بطلت لوحدها
دورتها تانى عملت نفس الموضوع.
و انا بحت ايدى على العادم اللى خارج من الشكمان. كنت اوقات احس انه بارد و اوقات احسن انه سخن. و اللون فى الاول ابيض و بعد شويه بقى اسود و العربيه و هى بتبطل خرج (تفتفه) لونها اسود.
المهم بعد كده دورت العربيه تانى اتعدلت و روحت بيها شغلى (المسافه حوالى 55 كيلو) العربيه ماشيه زى الفل و مفيش اى حاجه حصلت.

[dr.hazem]

د. حازم
النهاردة الصبح حصل شئ غريب.
انا دورت العربيه الصبح و استنيت قولت اشوف هيحصل ايه و هى دايرة. صوت الشكمان كان عالى شويه، و بعد 3 او 4 دقايق العربيه و هى واقفه ابتدت تبرجل و عداد ال rpm بيلعب حوالين ال 1 (يطلع و ينزل) و العربيه كانت عايزة تبطل و بعديت تتظبط و فى الاخر بطلت لوحدها
دورتها تانى عملت نفس الموضوع.
و انا بحت ايدى على العادم اللى خارج من الشكمان. كنت اوقات احس انه بارد و اوقات احسن انه سخن. و اللون فى الاول ابيض و بعد شويه بقى اسود و العربيه و هى بتبطل خرج (تفتفه) لونها اسود.
المهم بعد كده دورت العربيه تانى اتعدلت و روحت بيها شغلى (المسافه حوالى 55 كيلو) العربيه ماشيه زى الفل و مفيش اى حاجه حصلت.

ما غريب الا الشيطان :-D
الدخان الاسود يعني بنزين مش محروق وده غالبا من بوجيه بيفصل....
عادة السلوك بتعمل كدة واول ما يسخن السلك شويه بيلمس تمام...
ممكن تراجع عالسلوك وتتاكد انهم شابكين صح في البوجيهات؟؟؟

Sent from my Xperia Arc S using Forum Runner

[amr_1982]

سلام عليكم د. حازم
معلشى انا بزعج حضرتك.
انا النهارده الصبح بعد ما دورت العربيه لقيت الrpm بيلعب و العربيه عايزة تبطل و بطلت بسرعه.
غيرت كان معايا سلوك بوجيهات جديده اشتريتها، ركبتها وبرضه عملت نفس الموضوع مرتين
المهم رجعت السلوك القديمه تانى و قولت ادور
لقيت العربيه دارت و الrpm بيلعب و بعدين وصل ل حد 2000 و ابتدا ينزل تانى و العربيه راحت اتضبطيت و جيت بيها الشغل تمام.
بس هى بتعمل كده معايا الصبح. علشان امبارح و انا مروح على الساعه 4. انا دورت العربيه عادى جدا و مفيش اى مشكله و وصلت البيت عادى.

[dr.hazem]

ولا يهمك يا غالي...
كده غالبا العيب من سولينويد السخان اللي وظيفته انه بيعلي الار بي ام والعربية بارده وينزل لما تسخن...
غالباً ده المشكلة...
تحياتي

Sent from my Xperia Arc S using Forum Runner

[dr.hazem]

وفي احتمال بسيط حساس الايدل...
رسترت الكمبيوتر بفصل البطاريه ولا لا؟؟؟

Sent from my Xperia Arc S using Forum Runner

[amr_1982]

معلشى هو فين سولينويد السخان ؟ و هل دا حساس و لا ايه

[dr.hazem]

معلشى هو فين سولينويد السخان ؟ و هل دا حساس و لا ايه

في البالينو تحديداً معنديش فكرة لكن هو اما بيبقى حساس واسمه حساس الكولانت وده بيحس حرارة الميه ويبعت للكمبيوتر.. وساعات بيبقى خرطوم هوائي يسمى السولينويد.....
انت لما نظفت البوابة منظفتش الحساسات ؟؟؟
ولو نظفت ياترى رسترت الكمبيوتر بانك تفصل البطاريه ولا لا؟؟
تحياتي

Sent from my Xperia Arc S using Forum Runner

[amr_1982]

انا بصراحه لسه منظفتش البوابه و الحساسات.
بس امبارح و انا بتناقش مع جارى. قالى انى ممكن العربيه علشان مكنتش بتحرق كويس من فترة علشان المبينه و السلوك كانوا ضعاف. يكون اترسب كربون كتير فى العربيه و على وش السلندر و الحساسات. ودا بيروح مع الوقت. و نصحنى افول كام لتر 95 علشان ينظف شويه.

[dr.hazem]

انا بصراحه لسه منظفتش البوابه و الحساسات.
بس امبارح و انا بتناقش مع جارى. قالى انى ممكن العربيه علشان مكنتش بتحرق كويس من فترة علشان المبينه و السلوك كانوا ضعاف. يكون اترسب كربون كتير فى العربيه و على وش السلندر و الحساسات. ودا بيروح مع الوقت. و نصحنى افول كام لتر 95 علشان ينظف شويه.

لا ياغالي مع احترامي لجارك بس بنزين 95 مبينضفش حاجة...
كده انت محتاج تنضف البوابة والحساسات وترستر الكمبيوتر وتشوف...
تحياتي

Sent from my Xperia Arc S using Forum Runner