مشكلة في الماروتي

[samir1900]

معايا ماروتي 2008 دخل مسمار في الفردة اليمين لحمتها لاحام عادي مش خوابير من بعدها العربية بتحدف يمين والدركسيون معوج شويه نحية الشمال
طب ده ممكن يكون سببه ايه مع العلم انها كانت مش بتحدف و الدركسيون معدول

[أحمد جودة]

لحام الفردة ليس له علاقة قوية بحدف العربية ........... بسيطة ركب الاستبن مكان الفردة دي وامشي بيها لو العربية مشييت عدل يبقي العيب فى الفردة ........ لو حدفت يبقي محتاج تظبط زوايا .... بردو سهلة

[aldesha989]

بالظبط زى ما استاذ احمد قالك اللحام والاخرام ملهاش علاقه ان الفرده تتعوج

اللى انتا بتقوله ده معناه ان الفرده يا اتعوجت يا محتاج ظبط زوايا فعلآ او عندك حاجه فى العفشه عايزه تتغير جلب مقصات يمين مثلآ ودى اللى بيقولك عليها العفشجى وطبعآ تعمل كده بعد ما تغير الفرده بالاستبن الاول زى ما قالك استاذ احمد

[dr.hazem]

ببساطة شديدة ممكن الفرده اليمين الراجل نفخها هوا اكثر بكتير من الشمال فالعربيه بتحدف...
او ان الكاوتش مشيت عليه وهو نايم فاتلوح...
تحياتي

Sent from my Xperia Arc S using Forum Runner

[samir1900]

شكرا لردودكم