جنط الماروتي اتعوج

[mohahdy]

السلام عليكم ,

طبعا مصر مشهورة بشوارعها الجميلة
والحمد لله بعد ما ربنا وفقني اني اشتري كاوتش هانكوك مقاس 12 و رصصت و ظبطت زوايا عند حمادة اللي في المنيب راجل عشرة على عشرة الحقيقة, فقلت بقى لازم احافظ على العربية و افادي كل البلاعات و المطبات.
بس الكلام ده ما ينفعش مع شوارع مصر المحروسة, لأن و أنا بافادي بلاعة مكنتش شايف اني نازل في حفرة عوجتلي الجنط الحمد لله.

المهم اني عشان الكاوتش جديد و عايز احافظ عليه روحت اشتريت جنط بتاع سوزوكي فان نفس مقاس جنط الماروتي ب 70 جنيه بالتركيب + 5 جنيه للبلف.

بس و انا باركب الجنط لاحظت اني شكله مختلف عن بتاع الماروتي

هل كدة لازم اغير كل الجنوط الباقية ولا مش مهم مادام نفس المقاس راكب؟

جزاكم الله خيرا

[lad]

لو نفس المقاس خلاص بس الشكل هو لو فارق جامد دى حسبك انت فارق معاك ولا لأ

[eng.salama93]

ممكن تركب اربع طاسات للعجل كله و ميبقاش في فرق
بس المهم يبقي الجنوط نفس المقاس

[micromoud]

انا جايب اتنين بتوع فان ومركبهم عادى جداا بس الطاسات مبتبقاش ظابطه اوى معاهم ... فين حمادة اللى فى المنيب ؟

[delaga]

طب ماتستعدل الجنط اللى اتعوج وتركبه تانى
وبالنسبة لبتاع الفان مش مهم الشكل اهم حاجة انه نفس المقاس

[mohahdy]

انا متشكر ليكوا يا جماعة على ردودكم

انا مش فرق معايا الشكل أوي المهم ان العربية ما تعومشي مني و ما تحدفشي و الرجرجة اللي في الدريكسيون ده تروح.

انا مرضتش استعدل الجنط لأني بصراحة خفت ما يرجعشي زي الأول.

حمادة اللي في المنيب كان في موضوع بيتكلم عليه هنا في المنتدى و فيه وصف تفصيلي لمكانه : http://www.nilemotors.net/Nile/361620-a.html

بس انا جربتو في الزوايا بس عشان كان في حد هنا في المنتدى بيشتكي منه في موضوع العفشة بس انا معرفش بس هو زحمة أوي ممكن العربية تقعد عنده ساعتين.

[Maged_Samy]

يفضل تركيب الجنط المختلف فى الخلف علشان لو وزنه مختلف عن ممكن يأثر على توازن العربية ، وركب طقم طاسات تغطى بيها كله .ِ

[ganash]

ممكن تركب الاستبن علشان كله يبقى زى بعضه وتخلى الجنط المختلف استبن

[delaga]

انا متشكر ليكوا يا جماعة على ردودكم

انا مش فرق معايا الشكل أوي المهم ان العربية ما تعومشي مني و ما تحدفشي و الرجرجة اللي في الدريكسيون ده تروح.

انا مرضتش استعدل الجنط لأني بصراحة خفت ما يرجعشي زي الأول.

حمادة اللي في المنيب كان في موضوع بيتكلم عليه هنا في المنتدى و فيه وصف تفصيلي لمكانه : http://www.nilemotors.net/nile/361620-a.html

بس انا جربتو في الزوايا بس عشان كان في حد هنا في المنتدى بيشتكي منه في موضوع العفشة بس انا معرفش بس هو زحمة أوي ممكن العربية تقعد عنده ساعتين.

طبعا انت حر بس فى ناس بتستعدل الجنوط وبترجعها زى ماكانت

[MEGO802]

دة حمادة امام اللى فى الجزيرة على البحر الاعظم

[Amr Axel]

ربنا يعوض عليك
موضوع اي جنط طالما نفس المقاس كلام خاطئ تماما
المفروض مراعاة نفس الوزن و العرض و المقاس لأن اختلاف المقاس هيفرق
مفيش قدامك غير حلين ياما تغير الطقم كله ياما تنزل الاستبن مكان الجديد مؤقتا
و كان ممكن من البداية تستعدل الجنط و تخليه استبن و تنزل استبن مكانه

[mohahdy]

أنا بفكر فعلا اني انزل الاستبن و أخلي الجنط الجديد هو الاستبن

بس هل الأحسن اني اغير طقم الجنوط كله؟

هل في ميزة في جنوط السوزوكي فان عن جنوط الماروتي مثلا ؟