وأخيراً أمتلكت أول سيارة فى حياتى ماروتى وتقرير سريع

[Losha]

السلام عليكم

كيف الحال يارب بخير يا جماعة
أخوكم من محافظة السويس

أمتلكت أول سيارة فى حياتى ماروتى ( لسة مسمتهاش بس بقول زوبة أهى ماشية أنا والأسرة )

المهم
أستلمت السارة وأول حاجة عملتها زوت الكاوتش
أول حاجة لفتت إنتباهى صوت خروشة لما بضغط على الفرامل أول دبرياج
قالولى دية تطبيع للعربية وتيل الفرامل والدسك ومتقلقش ( محتطش فى دماغى قلت يمكن تزول وانا مشيي بالعربية ضعيف )
المهم رخصت أمس كلفنى الترخيص مدة ثلاث سنوات تثريباً 800 جنية

وبعد كدة رحت أشوف كاست كدة لقيت كا شاء الله الأسعار حاجة خزوقة عندنا فى السويس

فرق الكاست من السويس لمصر لا يقل عن 60 جنية فى الكاست ابو 150 يعنى بالقاهرة بــ 90
وطبعاً خد على كدة باقى الأسعار
ففكرت وقلت أجمع مبلغ وانزل نزلة واحدة واشترى ما يلزمنى من مصر


المهم الأن بما تنصحونى

وسؤال مهم

الضمان للصيانة صاحب المعرض قلى بعد ما ترخص هات صورة البطاقة وصورة الرخصة
عملت كدة وقالى فى خلال ثلاث أيام هيكون معاك الضمان

صح الكلام ده ولا لبست فى الحيط

وبالنسبة للضمان إية هو أقرب فرع لية
من ناحية محافظة السويس

وأشوفكم فى أى جديد هعملو فى زوبة إن شاء الله

[محمد الحفناوى]

الف مبروك ياباشا ويارب يديك خيرها ويكفيك شرها اخبا ر طلعتها معاك ايه سلسه ولا فيه رجرجه

[lidosasa]

ألف مبروك وربنا يبارك ليك فيها ويديك خيرها ويكفيك شرها
أهم حاجة ما تزودتش السرعة عن 80 أو 90 خلال الألف كيلو الأولى عشان العربية بتلين وفى خلال الفترة دى لو عندك أى إنطباعات أو شكوى من أى حاجة فى العربية سجلها فى ورقة عشان متنساش ولما تروح صيانة ال 1000 كيلو قولهم ليهم عليها .
بالنسبة للكاسيت مش عارف أيه ظروفه مع التوكيل وبيخرج كهربة العربية من الضمان ولا لاء ياريت لو حد يعرف يقولنا .
وبالنسبة للكاوتش خد بالك الضغط ما يزيدش عن 27 أو 28 بالكتير قوى وياريت لو عند حد مضمون وميزانه مظبوط لآن بتوع الكاوتش كلهم عندهم ميزان من الرخيص يديك قراية مختلفة تماماً عن اللى موجود فعلاً فى الكاوتش . أنا أول ما أشتريت العربية ظبطت الهوا عند واحد على 27 بس حسيت إنى ماشى على حجر مش كاوتش والعربية خفيفة خالص وعايمة روحت على محل فيه نيتروجين خليته يقيس الضغط جوا الفرد كلها طلع 35 والحمد لله إن مفرقعش فيا و فضيت الهوا العادى وحطيت نيتروجين والعربية بقت حاجة تانية

[jusuf]

الف الف مبروك ربنا يكفيك شرها و يفرحك بيها انت والاسرة على طول يارب
في الايام دي الي الواحد مش لاقي حاجة تفرح

[monamize4]

الف مبروك ياباشا

[مهند-النجار]

اولا الف مبروك
بالنسبه للكاسيت دة حكاية ورواية هو والسمعات و هتلاقي مواضيع كتير عن الكاست واماكن تركيب السمعات
انا عن نفسي مركب جي ام بيشغل فلاشة وميموري كارد
و مطلعش العربية م الضمان

[mms_156]

مبروك

مبروك يا باشا ومعاك اخوك محمد من السويس
وربنا يديك خيرها ويبعد عنك شرها والمهم انك تحفظ المطبات اللى فى البلد لانها اكتر من العربيات
وبالنسبة للكاسيت ممكن تجيب citisound ده نوع نضيف جدا وبيشغل فلاشة وميمورى والسماعات sony xplod 300 w الدائرية وحاول تجيب فى اسرع وقت دواسات الحوض عشان خاطر موسم الشتاء والمطر وتحول العربية على الوضع الشتوي عشان التسخين فى فترة الصباح وممكن تشد الشفاط ولحد ما المؤشر يوصل لحرف c توكل على الله

[Silent~Dream]

الف مبروك يا باشا و ربنا يديلك خيرها و يكفيك شرها

[Losha]

مبروك يا باشا ومعاك اخوك محمد من السويس
وربنا يديك خيرها ويبعد عنك شرها والمهم انك تحفظ المطبات اللى فى البلد لانها اكتر من العربيات
وبالنسبة للكاسيت ممكن تجيب citisound ده نوع نضيف جدا وبيشغل فلاشة وميمورى والسماعات sony xplod 300 w الدائرية وحاول تجيب فى اسرع وقت دواسات الحوض عشان خاطر موسم الشتاء والمطر وتحول العربية على الوضع الشتوي عشان التسخين فى فترة الصباح وممكن تشد الشفاط ولحد ما المؤشر يوصل لحرف c توكل على الله

منور السويس يا باشا أه والله
وصفحة أبناء السويس تنور بيك كمان
جميل يا أستاذى على المعلومات المهمة إلى قلتها

بس محدش رد عليه فى أى توكيل أروح يعنى فين مكان الصيانة

وهل عادل فرج بلى طلبو هيدنى الضمان أمتى

وبجد السويس أسعار ولا الجنان ايه يا باشا الأسعار الهبل دية فرق فى الحاجة أم 80 أو 90 بتكون وش 150 يعنى ضاعف مع الذيادة أم 200 بــ 300 أحية
ده أنا أنزل التوفيقية وشارع عبد العزيز أدلع زوبـــــــــة أخر دلع بــ 1000 جنية أه وربنا


ولو أحتجتت تدلنى على حاجة مستغناش عنك يارب
غريق ولسة مستجد

[adelghanem]

الف مبر وك وربنا بجعلها وش السعد عليك

[mesaharaty]

ألف مبروك ... عربية جميلة وربنا يبارك لك فيها
وإن شاء الله حضرتك تكون متواجد معانا بصورة مستمرة للإفادة والإستفادة
وكل عام وأنتم بخير

[mms_156]

منور السويس يا باشا أه والله
وصفحة أبناء السويس تنور بيك كمان :_alshmokh23[1]:
جميل يا أستاذى على المعلومات المهمة إلى قلتها

بس محدش رد عليه فى أى توكيل أروح يعنى فين مكان الصيانة

وهل عادل فرج بلى طلبو هيدنى الضمان أمتى :01964e~163:

وبجد السويس أسعار ولا الجنان ايه يا باشا الأسعار الهبل دية فرق فى الحاجة أم 80 أو 90 بتكون وش 150 يعنى ضاعف مع الذيادة أم 200 بــ 300 أحية
ده أنا أنزل التوفيقية وشارع عبد العزيز أدلع زوبـــــــــة أخر دلع بــ 1000 جنية أه وربنا


ولو أحتجتت تدلنى على حاجة مستغناش عنك يارب
غريق ولسة مستجد

بص يا باشا موضوع الضمان بتاع سوزوكى مش تمام اووووووى لان مودرن موتورز معندهاش خدمة عملاء كويسة والاسعار نار على الفاضى وبعدين صيانة الماروتى سهلة جدا وممكن اي ميكانيكى يشتغل فيها بس يكون عنده ضمير وصنعة كويسة وانت قدامك 3 او 4 سنوات عشان تخش فى الجد المهم حافظ عليها لان العربية تصونها تصونك واصرف عليها بغباء

[Amr Axel]

الف مبروك يا باشا ربنا يديك خيرها و يكفيك شرها
بالنسبة دلع توتي اخرك كام لأن 1000 ج عشان مضحكش عليك الاسعار الحالية هتخلي الـ1000 ميدلعهاش اوي
اللي ممكن تجيبه ليها و متوسط الاسعار جنبها عشان تبقي فاهم الدنيا شوية
- طقم فرش كراسي + كسوة دريكسيون و مقيض فتيس و هاند بريك + ممكن تخلي طقم ع بعضه لونين و كل واحد و ذوقه + فرش جلد للأرضية يمشي مع لون التابلوه + و دواسات تمشي معاهم دول كلهم ع بعض ممكن تعمل حسابك في 600-700 ج
- مخدع بين الكرسين مسند يعني 40-60 ج
- تغير اضاءة الصالون لمبات ليد الكارت فيه لمبتين في حدود 15 ج
- خلي لمبة الفانوس الصغير ليد و تجيب اللمبة اللي فيها 10-15 لمبة ليد صغيرة مش اللي لمبة واحدة عشان اي كلام و مبتعش
- حلية شكمان من 10 ج فيما فوق ع حسب الشكل و المقاس
- طاسات عادية بحرف اس سوزوكي يعني او طاسات نيكل من 40-80 ج
- استيكر بسيط ع تانك البنزين او الشنطة من 2 ج فيما فوق
- ساوند سيستم ابسط طقم هيد يونت + سماعتين ورا ع الرف
ممكن حاجة زي سوني 500 او عايز حاجة بامكانيات اقل براحتك بس منصحكش بغير سوني او بايونيير او كينوود و يفضل يكون سي دي و ام بي ثري و فلاشة عشان تشغل براحتك و في نفس الوقت خرج محترم و سيبك من اي انواع تانية و الكاسيت و الكلام ده
السماعات بايونيير 400 وات او كينوود 300 او 500 وات بس او سوني اي وات كلهم كويسين بس البيز مش اوي و لو عايز سماعتين صغيرين في الابواب ممكن كينوود او بايونيير او سوني 10 سم و الوات بيتراوح من 80-150 وات
لو هيد يونت نضيف زي سوني او غيره اعمل حسابك في 600 ج و السماعتين في حدود 200-300 ج و السماعتين الصغيرين في حدود 60-80 ج و ممكن تضيف عليهم جي ام 350 سوني او كينوود في حدود 300-350 ج ده لو عايز تطلع قدرة السماعات كلها
اما لو عايز رزع جامد ديه ليها حسبة تانية و جي ام و سواء صب بوكس و لا بازوكا و هتدخل في 1000 ج لوحدهم ع الاقل
و ممكن تغير الرف اللي ورا بواحد ام دي اف لو عايزه يطلع و ينزل زي الستوك او كونتر بس هيبقي ثابت و هيديك صوت احلي و هيشيلوا السماعات و ميكسرش زي الفبريكة و الرف في حدود 60-80 ج

و اي استفسار اتفضل اهم حاجة متنسناش بالتقارير الحلوة و خاصة لو مصورة :)

[dr.hazem]

الف مبروك وربنا يديك خيرها ويكفيك شرها ويهنيك بيها...
تحياتي

Sent from my Xperia Arc S using Forum Runner