شبكة سقف للماروتي

[HHALAWANY]

شباب ونسور السوزوكية للماروتي
ازيكم عاملين ايه ، وكل سنة وانتم طيبين؟؟

شباب انا كنت عامل شبكة سقف للعربية اللي هي بتركب حتتين من الجنب للجنب وكنت قاصيصها ومقيفها للعربية ... كانت مكلفاني تقريبا 120 جنيه بالتركيب

المهم ... الشبكة دي بصراحة مش عملية خالص .. غير اني لو حركتها يمين او شمال مع سحب مثلا بتفك
وده اللي يخليني مقلق منها ، عشان لو حاتط شنطة سفر مثلا او اي حاجة مع المطبات والسرعة الواحد ممكن يقلق ... ده غير طبعا ان شكلها بيبقة سخيف جدا جدا

المهم .. انا كنت عملت بحث عن موضوع شبكة السقف هنا في المنتدى ولاقيت في ناس بتتكلم كتير في الموضوع ده ، بس مع الاسف لاقيت المواضيع كلها بتواريخ قديمة وطبعا الصور مش ظاهرة ...

عشان كده قلت اشوف اصدقائي الخبرة في الموضوع ده
ياترى هل فيه اشكال جديدة او حاجات جديدة .. افضل من العصايتين اللي انا مركبهم بالعرض دول ؟
وياترى يتعملوا عند مين بالظبط ،و تكلفتهم في حدود كام ؟
بس ياريت تكون حاجة نضيفة اعملها وانساها ، ومقلقش منها وفي نفس الوقت تبقى شكلها حلو مع العربية

انا كنت شفت واحد مركب واحدتين بالطول زي بتاعة الماتريكس كده او الكارينز بس للماروتي طبعا
وكنت شفت واحد عامل شبكة كاملة بالحديد تقريبا ماشية مع العربية وواطية مش عالية وشكلها حلو ومش بايخة وماشية بانسيابية مع سقف العربية بالملي :)

المهم فين وايه وعند مين :))
وياريت يا جماعة اللي عنده صور لشبكة السقف للعربية يفرجنا عليها ، ويدينا اقتراحات وانطباعه :)
وايه رأيكم ؟؟ وشكرا

[saddam]

صديقي المواطن
راكين الطول النيكل دول.بتتعمل في لازوغلي أي كلام وشيخ الصنعة هو.عبد المنعم سلامة الشبكة الكاملة ب 800 بتمشي مع كيرفات العربية والراكين بس لوحدهم ب 600 حتلاقي طبعا أرخص عالشارع بس دول كفتة وتجاري وللناس العادية ومبتعاملش أنا معاهم وبالنسبة لبتاعك الراكين بيتحركوا عشان إنت بتسترخص أنا جايب الراكين دول ب 375 وفيه نوع تاتي ب 190 جنيه يركب فوق الراكين اللي بالطول اللي بنتكلم عليهم وبالتوفيق

ملحوظة ممكن يعملوهالك شبكة كاملة ب 600 أو 700 عشان عربيتك ماروتي صغيرة

ودمتم للنضال

[أحمد جودة]

عند اى حداد ركيتال ....... فيه منهم كتير بيعمل شبكة للعربية

واكتر الناس دي بتكون عملتها قبل كدة ....... فيه منها صغير وشكلها يتناسب مع العربية ومش هتكلفك اكتر من 250 جنية بدهاناها وتركيبها

[HHALAWANY]

صديقي المواطن
راكين الطول النيكل دول.بتتعمل في لازوغلي أي كلام وشيخ الصنعة هو.عبد المنعم سلامة الشبكة الكاملة ب 800 بتمشي مع كيرفات العربية والراكين بس لوحدهم ب 600 حتلاقي طبعا أرخص عالشارع بس دول كفتة وتجاري وللناس العادية ومبتعاملش أنا معاهم وبالنسبة لبتاعك الراكين بيتحركوا عشان إنت بتسترخص أنا جايب الراكين دول ب 375 وفيه نوع تاتي ب 190 جنيه يركب فوق الراكين اللي بالطول اللي بنتكلم عليهم وبالتوفيق

ملحوظة ممكن يعملوهالك شبكة كاملة ب 600 أو 700 عشان عربيتك ماروتي صغيرة

ودمتم للنضال

شكرا يا باشا
بس مبلغ 600 او 700 جنيه كتيير جداا على شبكة ، ياعني الواحد ممكن يعمل حاجة تانية او تظبيطة في العربية او على الاقل يعمل فرش بالفلوس دي كلها اولى :d

[HHALAWANY]

عند اى حداد ركيتال ....... فيه منهم كتير بيعمل شبكة للعربية

واكتر الناس دي بتكون عملتها قبل كدة ....... فيه منها صغير وشكلها يتناسب مع العربية ومش هتكلفك اكتر من 250 جنية بدهاناها وتركيبها

شكرا ليك
بس انا في الواقع ماعرفش واحد .. اصلا انا ماعرفش ياعني ايه ركيتال
ياريت لو حضرتك تعرف حد بيعملها قريب من الجيزة او المهندسين او سط البلد ، ياريت تقولي العنوان والاسم .. اكون شاكر جدااا

سؤال .. هو الريكتال ده .. الراجل الحداد .. اللي بيعمل شغل حديد زي الابواب الحديد وكده ؟؟؟
ولو كده ممكن ارحله ويعمله شبكة سقف عادي ؟؟!! لو كده .. انا عندي واحد تحت البيت اصلا :)) .. لو مكانش معلش لو حضرتك تقولي فين

تحياتي

[أحمد جودة]

شكرا ليك
بس انا في الواقع ماعرفش واحد .. اصلا انا ماعرفش ياعني ايه ركيتال
ياريت لو حضرتك تعرف حد بيعملها قريب من الجيزة او المهندسين او سط البلد ، ياريت تقولي العنوان والاسم .. اكون شاكر جدااا

سؤال .. هو الريكتال ده .. الراجل الحداد .. اللي بيعمل شغل حديد زي الابواب الحديد وكده ؟؟؟
ولو كده ممكن ارحله ويعمله شبكة سقف عادي ؟؟!! لو كده .. انا عندي واحد تحت البيت اصلا :)) .. لو مكانش معلش لو حضرتك تقولي فين

تحياتي

أسف أقصد حداد كريتال اللى فعلا بيعمل الابواب الحديد أنا عندي واحد فى حلوان بيعمل شبكة للعربيات منها الصغير الشيك اللى مش مكلف ومنها الشبكة الكبيرة

كنت روحتل ةقبل كدة ممكن تسال اللى عندك جايز يعملها