فيتارا 98

[Martin5555]

السلام عليكم
انا هروح اشوف عربية فيتارا 98 ، وكنت عاز اسئل هل العربية ديه كويسة ،
وايه اهم عيوبها ؟
انا محتاج رأيكم جداً

[فبريكا]

مش عارف ليه القسم ده نايم جدا في الردود بس عموما انا حقولك بعض الحاجات الى قريتها عن الفيتارا في المنتدى وخارج المنتدى

هناك نوعان 2 باب و 4 باب

2 باب عفشتها انشف
4 باب عفشتها ناعمة .
فيه منها 1600 سي سي و 2000 سي سي 6 سلندر بتسحب بنزين

معظم الموديلات التسعينات كربراتير اما الموديلات الحديثة والالفينات انجكشن وكان الناس بتشتكي منها لانها سنجل .
موديلاتها فور باي فور فتيس غرز
الماتورعزمة اكتر من سرعتوا وده الى بتحتاجوا فى عربية رباعية و لكنها في المجمل معقولة السرعة القصوى ممكن تصل لـ 160 وطبعا على حسب الحالة والماتور فيه ناس قالت السيارة غير متوازنه في السرعات الكبيرة ولكن احد ملاكها نفى .

قطع الغيار
مش رخيصة بس ما تنساش انها عربية تعتبر جيب
متوفرة في الدقي خصوصا والتوفقية وفيه منها جديد ومستعمل واستيراد

الناس الى متخصصة فيها تعد على الاصابع تامر بركات بالفسطات و محمد في عابدين ولكن فى الحقيقة من خلال سؤالي لاحد ملاكها قالي كلام مش مظبوط فيه ناس بتشتغل فيها ودية اشاعات .

اراء تجارب ملاك الفيتارا :

لو العربية نظيفة حتبقى مبسوط منها اوي اوي .

انا عن نفسي حشتري وحدة للجماعة باذن الله لانها عجباني .

هذا تلخيص بسيط

اتمنى اكون افدك

[Martin5555]

ربنا يخليك يا باشا ، ممكن اعرف متوسط سعرها كام في السوق دلوقتي ، تقريباً يعني لو حالتها كويسة

[فبريكا]

ربنا يخليك يا باشا ، ممكن اعرف متوسط سعرها كام في السوق دلوقتي ، تقريباً يعني لو حالتها كويسة

العربية حالة اولا

يعنى من خلال الى شوفتوا لاقيتها في حدود من 45 - 55 الف جنية موديل 98 .

بالتوفيق