مراية الماروتى

[waelgam2005]

انا كانت عندى المرايه اليمين اتكسرت ولفيت عندى فى العاشر ولقيت بالعافيه مرايه للماروتى ولما ركبتها قولت يارتنى ما كنت لقيتها المرايه وحشة بكل المقاييس بتقرب كل حاجه ده غير بتجيب صورة العربية اللى ورايا مطوله مش عارف ازاى برضه وبحس ان العربية ورايا ب 10 متر انها هتخبط فيا فا كنت بسال على مرايه الماروتى الاصليه بتتباع ولا مش هلاقى زيها تانى ولو مفيش هل فيه حد بيملى مرايه على العلبه اللى انا لسه شاريها دى ولا مفيش

[islamahmed1990]

هاتها من ليدرز اللي في الدقي

[dr.hazem]

مفيش زي الاصليه....
في واحد عند الحرية مول بيعملك اخت المرايه الاصليه وبيركبها عالعلبه التانية وبتكلف 50 جنيه بس تستاهل...
في واحد في شارع دمشق كمان بس مرايته رفيعه وبتتكسر بسرعه بس نفس الأبعاد وب35 جنيه..
تحياتي

Sent from my Xperia Arc S using Forum Runner

[محمد حامد]

سيدى الفاضل انا لسه نازل جايب مراية الأول جبت مراية تعبانة من السرساوى فى الدقى وحشة جدا شلتها فى يومها وروحت سوزوكى سنتر جبت مراية علبتها حمراء ب 35ج وشغالة زى الفل وبتظهر كويس جدا وقاعدتها معدن مش فيبر خد بالك ماتجبش اللى علبتها حمراء ولو حابب اصورلك العلبة قولى وابعتهالك

[waelgam2005]

شكرا ليكم وياريت يا استاذ محمد تصور العلبة

[eiad_naser]

موجوده هنا في القاهره انا عاوز اقلك انا عندي 3 مرايات يمين ههههههه لماتسئل قول عاوز مراية ابعاد مقعره وشوفها قبل ماتشتري

[mrghost]

على فكرة هى محدبة مش مقعرة

[محمد حامد]

شكرا ليكم وياريت يا استاذ محمد تصور العلبة

اتفضل ياباشا صورة العلبة

[alking_2006]

انا جبت من قريب من سوزوكى سنتر مراية ماروتى يمين ابعاد ب 35 جنيه و ما شاء الله زى الفل
توكل على الله و روح هاتها من هناك

[mms_156]

اتفضل ياباشا صورة العلبة

على فكرة المراية دية كويسة جدا بس خامة البلاستك ضعيفة شوية لكن كمراية فهى ابعداها ممتازة وممكن تقارنها بالفريكة الشمال وكنا عاوزين يا جماعة ممكن نوفق للماروتى مراية عربية تانية مثلا زى الشاهين مع تعديل بسيط فى القواعد

[a7med_fat7y209]

يا جماعة انا عندى سؤال مهم جداااااااا برجاء الافادة سريعا
المراية الشمال كانت مرخية (الاصلية على فكرة) غالبا بسبب خبطة
ولما جيت افكها علشان اظبط اللقمة اللى بين المراية ومثلث التثبيت علشان اربط الصامولة .....للاسف المسمار غطس بين كف المراية والضهر البلاستيك
السؤال بقى اطلع المسمار من جوة ازاى بدون كسر المراية الاصلية ؟؟؟؟؟؟