معلومات عن الرباعية سوزوكي فيتارا 98

[فبريكا]

قواعد الفتيس الاتوماتيك

قواعد الفتيس

عبارة عن قاعدتين

القاعدة الاولى :











القاعدة الثانية :
















وان شاء الله ححاول اصورها وهي راكبة في مكانها في اقرب فرصة ان شاء الله

... يتبع

[Gelgel2004]

مشكور

[فبريكا]

فابريكا ( افتكاسات ) ماكينة الزجاج

النهاردة الموضوع شيق اوي حنتكلم عن ماكينة رفع الزجاج
وطبعا حتسالوا ليه انا كاتب افتكاسات حنخترع اخترعات ونفتكس افتكاسات جديدة وزي ما بنقول حنكسر القوانين

نبتدي بشكل ماكينة الازاز الى موجودة فى الفيتارا طبعا فيه يلا على الصور

ديه صورة خلفية للمكينة


ودية صورة امامية للمكينة


فكرة العمل :

لو حطينا جسم وربطناه بحبل او سلك من كل جانب لو شدينا يمين يتحرك يمين ولو شدينا يسار حيتحرك يسار (شمال) وهو دة الدور الي بيقوم بيه الماتور بيحرك بكرة ملفوف عليها سكلك وبدل الجسم حيبقى حامل الزجاج فيترفع لفوق ولتحت بعكس الاتجاة .

من مشاكل ماكينة الزجاج الماتور بيقف عن العمل وطبعا لو رحت لاخونا البعدا قطع الغيار اقل واجب 150 جنية استيراد ويمكن اكتر. ولكسر الاحتكار فكرت وحاولت اعمل افتكاسة ونجحت التجربة والحمد لله وهي كالاتي.

تحديد المشكلة : في اغلب الاحيان الشاربون جوة الماتور عاوز يتغير حنشوف شكل الشاربون وازاي نغيرة بس لازم قبل الخطوة دية نفك مسامير الماتور .

طريقة فك الماتور :




بعد كدة نفسك محور الدوران في عكس اتجاه الساعة و شكلوا كدة



صورة تانية علشان متقولوش حارمكم من حاجة



بعد كدة نفك سوستة الشاربون السهم بالون الاحمر ده اتجاه الفك والاخضر اتجاة الربط انظر الصورة .

السهم باللون البنفسجي مكان الشاربون بس قبل ما نطلع الشاربون نفك الكلبس الاول حتلاقي طالع منه سلك نحاس



ودة شكل توضحي للشاربون والسوستة الى بتقرط على الشاربون
والسلك والكليبس



طبعا ملقتش كالعادة في السوق نفس مقاس الشاربون القديم ولا نفس الخامة وفكرت ولفيت و جبت شاربون اكبر وكان فيه سوستة وشكلوا مختلف المهم انا بعمل تجربة ففكيت السوستة وخليت الشاربون والسلك بس زي الصورة الى تحت وبعدين سنفرت الشاربون للمقاس المطلوب كالتالي



بعد كدة جبت قصدير وشلت الشاربون القديم بس سبت السلك بالكلبس بتاعة وجبت الشاربون الجديد ولحمت السلكين مع بعض زي الصورة دية :



طبعا ما شلتش الكلبس لانه صغير وصعب تلاقي زية ومكان الكلبس موضح في الصورة



بعد كدة نرجع محور الدوران مكانه باللف في اتجاة عقارب الساعة ونحط الشاربون ونوصل كلبسات الكهربا ونقفل علية بالسسوت اذا الشاربون طويل عن اللازم ممكن تسنفرة تاني لحد الطول المطلوب .



وبعد كدة نرجع غطا الماتور ونربطة بالمسامرين تاني زي الصورة دية




طبعا لتجربة الماتور انت محتاج بطارية عربية بس انا معنديش بطارية عربية فجبت محول راوتر بيطلع 12 فولت واحد امبير ووصلت على الفيشة واشتغلت زي الفل واتحلت المشكلة.

طبعا الماتور حيشتغل معاك زي الحلاوة لحد ما يحلها ربنا بس انا عايز الفت نظركم لحاجة لان الماتور بيرفع زجاج عليه حمل كبير والشاربون ده حيتاكل بسرعة فالافضل بدل ما تجيب شاربون كاربون تجيبة نحاس علشان يقعد معاك زي الفبريقة بتاعوا ودية كانت تجربة ليس الا وحبيت اطرحها بس .

نرجع لباقي المشاكل الى ممكن تصادفك

- السلك الحديد الملفوف على البكرة ممكن يكون مقطوع طبعا نغيرة في الحالة دية
- مجرى حامل الازاز مش مظبوط .
- البكر الي بيلف عليه السلك.
- ممكن يكون سلك الماتور فيه مشكلة او الفيشة ممكن تكشف عليه بالافوميتر او لمبة ببطارية.
- مجري الازاز الكاوتش عايز يتغير او محشور فيه حاجة سعات الجاز والتزيت بجيب نتيجة .
- زرار الكنترول بوكس الي في فرش الباب بايز .
- طبعا ممكن يكون فيوز فاصل وده اول حاجة تكشف عليه.

ديه اغلب المشاكل الى ممكن تصادفك والي لقاء اخر ان شاء الله

... يتبع

[فبريكا]

الانذار

تركيب الانذار في الفيتارا وتريكات مهمة

طبعا انا مش بتفلسف في تركيب الانذار لان كل العربيات بيركب عليها الانذار بس انا حزود حجات تعمل مع انذار العربية وخصوصا مع الفيتارا .

المهم افضل الانواع الموجودة بالسوق في الانذار هي

ولف الكل بيفهم فيه وهو صناعة مصرية غالبا بضمان خمس سنين .

سيمفوني البعض بيفهم فيه وهو تيواني بضمان ثلاث سنوات .




طبعا فيه انواع من كل النوعين يعنى مثلا فيه نوع بيجي الريموت منفصل عن المفتاح



وفيه نوع الريموت في المفتاح منو فيه .



وبيجي معاه كتاوت طبعا .

و تركيب وحدات الرفع علشان لما تقفل العربية يقفل الازاز لو مفتوح .
وفية كمان ناس بتركب جهاز التتبع بالاقمار الصناعية ويبعت رسالة والكميرا و الكلام الي انتو عارفينو ده .

كل ده مش مهم نجي بقي للتريكات .

التريكات :

ممكن توصل الانذار على الكبوت وده باضافة سويتش من 3 - 5 جنية من عند بتوع قطع غيار والاكسسورات:



وليه مكان فوق قفل الكبوت ولاحظ انك حتجاج كاوتشة او جوان تقصة قد قاعدة السوتش من تحت علشان تعلي مكانه ويعمل بكفائة وبتوصل على الانذار مع الابواب.

طبعا واحد يقولي طب وسوتش ايه الى يركب في شنطة العربية حقولهم ممكن سوتش هيونداي يلا اي خدمة .

وفيه اشكال تانية





واحد تاني حيقولي طب احطة فين ؟

حقولوا حطو في مكان الصدادة بتاعت الباب وهي عبارة عن كوتش في الزاوية الشمال من تحت وتحط السوتش مكانها واحتفظ بالصدادة القديمة في مكان امن في حال لو عايزها تاني.

واحد تالت يقول اشمعنا يعنى سوتش هيونداي حقولوا لانه يعمل كصدادة وسوتش في نفس الوقت لانه مغلف بكوتشة.

حاسس ان فيه حد بيقول ايه الدلع ده وملهاش لزمة الحجات ديه

حقولكم ايه السبب اننا نعمل كدة وهي كالتالي :

- علشان السرقة لو حد فتح الكبوت او الشنطة .
- لو انت ماشي والكبوت او الشنطة مفتوحة الفلاشر حيشتغل وتعرف ان الكبوت او الشنطة مفتوحة .
- لو انت نسيت مقفلتش الكبوت او الشنطة الانذار بيطلع صوت تحذير بسيط ان الكبوت والشنطة مفتوحة .
- لما تفتح شنطة العربية نور الصالون يشتغل معاك .

شكرا لكم وتقبولي تحياتي والى لقاء اخر ان شاء الله

... يتبع

[فبريكا]

الحرارة في فيتارا

الحرارة في سوزوكي فيتارا ( مشاكل وحلول )

طبعا كلنا عارفين ان درجة الحرارة في السيارات اليابانية تكاد تكون معدومة وتميزت بها السيارات اليابانية ومن ضمن هذه السيارات سوزوكي فيتارا ؛

فالحرارة الطبيعية في الفيتارا بتبقى فوق مؤشر الحرارة سي بشرطة واحدة وان زادت للمنتصف او اكثر فيكون هناك عطب ولا بد من مراجعته .




طبعا السوزوكي فيتارا نظام التبريد فيها ميكانيكي يعني المروحة مربوطة بسير مش مروحة كهربائية وثرموستات وبتبقى افضل من الكهربائية في بعض الاحيان لان المروحة الكهربائية ممكن تعطل وتتوقف تماما انما الميكانيكة بتفضل شغالة لانها على سير ؛ وهو نفسو الى بيدور الطرمبة لان المروحة راكبة على وش الطرمبة من فوق وحتبان معنا في الصور القادمة باذن الله.

# اسباب ارتفاع درجة الحرارة :

1. عطل في طرمبة الماء







2. ماسورة المية وبتكون داخلة جوة طرمبة المية شكل توضيحي



طبعا الماسورة بتكون صدت او تاكلت او حصل فيها خروم بسبب درجة الحرارة وعدم استعمال المياة الخضراء ووضع مياه عادية.

شكل ماسورة مياة متضررة :







شكل الماسورة الجديدة وحنلاحظ وجود مكان في طرف الماسورة وبيكون فيه مكان لجلدة في الماسورة ودية الى بتخش جوة الطرمبة وبتحكم عدم تسرب المياه منها الى كانت متاكلة فى الماسورة المتضررة اعلاة . ومن الطرف الاخر من الماسورة مطببة او مسدودة.




3. الطبة :



هناك طبتين الماتور ودية بردوا لو مخرومة ومصدية بتكون سبب في ارتفاع درجة الحرارة وبيكون شكلها كالتالي :



وبيكون مكتوب على الطبة رقم 30 في بعض الاحيان.


4. ريش المروحة لو متهالكة لابد من تغير المروحة .
5. اختيار زيت الماتور المناسب للسيارة وتغيره بانتظام على حسب كل نوع .
6. الراديتر : ممكن يكون الردياتير مخروم .
7. غطاء الرادياتير لابد ان يكون محكم.
8. نقص مياة الرادياتيرلابد من متابعة كمية المياة وان نقصت نقوم بالتزويد ولا ننسى ملئ تنك الاحطياطي لزيادة الامان .
9. استخدام الماء الملون زي الاخضر او الاحمر ودة بيسهل كشف تسرب الماء ومن اي حته بالضبط وبيساعد على برودة جيدة للماتور وعدم تكون الصدا .
10. خراطيم المياة ان كان بها تشققات او تسريب.
11. انقطاع سير المروحة .

دية معظم الحالات الي ممكن تؤدي الى ارتفاع درجة الحرارة فى السيارة .

والى لقاء قريب ان شاء الله

.... يتبع

[karkour33]

انت برنس موضوع مفيد و شامل انا معايا فيتارا 2002 اوتوماتيك 2 باب متعرفش المساعدين الاصلي بكام و تيل الفرامل ؟

[J A G U A R]

مشكور يا باشا على الموضوع الجميل ..

[ahmed.haddad]

جزاك الله خيرا علي مجهودك و المعلومات القيمة
و لو سمحت عندي مشكلة ف فتيس الغرز فيه صوت خبطة جامد لما احرك العربية و هي علي 4w دا عادي ولا اعالجة ازاي
مع العلم اني لسي شاري العربيه 98
و شكرا

[ahmed.haddad]

ازاي

[heshamalikamel]

تحيه طيبه لك فبريكا .... انا هشام معايه 97 3باب كربراتور
بقاله 4 سنوات وطبعا معلوماتك عنها قيمه جدا واشكرك عليها جدا

[heshamalikamel]

المساعدين 450 الخلفى
700 الامامى

[karkour33]

المساعدين 450 الخلفى
700 الامامى

اكيد حضرتك تقصد العكس الخلفي ب 700 بتركيبه
و الامامي هو اللي ب 450 ؟؟
ارجوك توضحلي لاني لقيت الخلفي ب 600+100 تركيب

[MICHO75]

سؤال استفساري او توضيحي

- يوجد منها كربراتير و حقن ونصائح كثيرة انك تبعد عن الحقن. [/SIZE]

[/COLOR]

ليه يفضل الكربراتير؟؟؟؟؟؟؟؟؟؟؟؟

[a_eissa_rageh]

السلام عليكم ورحمة الله و بركاته

والله انا عندى سؤال و اتمنى منكم الافاده

فيه عربيه فيتارا 4 باب 2000 سي سي موديل 1998 و حالتها جيده جدا

عايز اعرف سعرها يكون كام؟

و استهلاكها فى البنزين عامل ايه؟

و قطع غيارها عامله ايه كسعر و موجوده ولا مش موجوده؟

و نصيحه عامه اجيبها ولا ابعد عنها

و اسف اذا كان سؤالى ليس له علاقه بالموضوع

و لكم جزيل الشكر

[jojooo]

عندى شكمان سوزوكى فيتارا 2.0 v6 اربعة باب اصلى بحالة ممتازة بسعر 500 جنية