العربية بتبرد بسرعة؟!

[مهند-النجار]

بسم الله الرحمن الرحيم

هو الطبيعي ان لما تسيب العربية سخنة والمروحة شغالة لمدة 3-2 ساعة اجي ادور الاقيها عايزة تسخن ؟؟

طبعا دة مزاولة اقعد استني الحبة دولم


2- العربية فيها حبة زيت زيادة قست الزيت والعربية باردة قبل مطلع دة خطر ولا عادي


بس كدة

[gebreel]

لو المروحة شغالة فعلا ساعتين او 3 يبقى اه طبيعي جدا

بس اللي مش طبيعي ان المروحة تشتغل ساعتين 3

[مهند-النجار]

لا المروحة مبتقعدش شغالة ساعتين و 3 انا قولت المروحة شغالة للدلالة علي ان العربية بتبقي سخنة
عندنا ف الماروتي المروحة ع الكونتاكت يعني المروحة عمرها متشتغل والعربية مبطله
و شكرا للرد

[AHMADALY1999]

مفيش حاجة مش طبيعية بالنسبة لبرودة العربية
( اهم حاجة ساعة القياس تكون العربية مبطلة من فترة على الاقل 5 د مثلا فاكثر و تكون على ارض مستوية تماما مفيش اى ميول جانبية او طولية و تطلع المقياس تمسحه و ترجع تحطه تانى للاخر و تطلعه تانى تبص )
حكاية الزيت الزيادة لو فعلا زيادة عن اللزوم فوق علامة ال max بحاجة بسيطة مش مشكلة لكن لو بكتير اه خطر لان الزيت الزيادة مستواه عالى و الكرنك حيقلبه و يخلى الزيت يعمل رغاوى بسبب فقافيع الهوا و يقلل من كفائة التزييت

[dr.hazem]

فين الغريب في الموضوع؟؟؟

Sent from my Xperia Arc S using Forum Runner

[D . a .\ AYMAN]

لأ هي مش غريبة خالص ساعتين تلاتة كفيلة إن الموتور يكون برد طبعا

بس انت مش محتاج تسخن العربية تاني بعد ساعتين أو ثلاثة .. لأ انت تدور وتطلع بعد كام ثانية كدة وخلاص

العربية مش بتحتاج تتسخن إلا لو بردت تماما وده في بعض الكتالوجات بتحدده بعدد ساعات مش أقل من 8 ساعات لو بالنهار ... ولو في البرد أو بالليل يبقى 6 ساعات بحد أدنى

[مهند-النجار]

لأ هي مش غريبة خالص ساعتين تلاتة كفيلة إن الموتور يكون برد طبعا

بس انت مش محتاج تسخن العربية تاني بعد ساعتين أو ثلاثة .. لأ انت تدور وتطلع بعد كام ثانية كدة وخلاص

العربية مش بتحتاج تتسخن إلا لو بردت تماما وده في بعض الكتالوجات بتحدده بعدد ساعات مش أقل من 8 ساعات لو بالنهار ... ولو في البرد أو بالليل يبقى 6 ساعات بحد أدنى

اولا الكتالوج بينصح بانك تمشي ع العربية لما توصل لل c

لما بسيبها الفترة دي بتكون اقل م ال c وبحتاج اسخن دقيقة ع الاقل

استاذ حازم الغريب ان كل العربيات الكربراتير اللي ركبتها مكنش فيها الموضوع دة

و طبعا مفيش مشكلة اني استني دقيقة او اكتر بس كنت عايز اعرف اية المميز ف العربية دي ويخايها تبرد بسرعة

شكرا

[aw2100]

اعتقد ان ترموستات الكوعة عندك متشال وده اللى بيبرد الموتور بسرعة !!

[dr.hazem]

اولا الكتالوج بينصح بانك تمشي ع العربية لما توصل لل c

لما بسيبها الفترة دي بتكون اقل م ال c وبحتاج اسخن دقيقة ع الاقل

استاذ حازم الغريب ان كل العربيات الكربراتير اللي ركبتها مكنش فيها الموضوع دة

و طبعا مفيش مشكلة اني استني دقيقة او اكتر بس كنت عايز اعرف اية المميز ف العربية دي ويخايها تبرد بسرعة

شكرا

ماتورها صغير والراديتير المنيوم وده المميز :-)
اي عربية 3 سلندر لازم تتسخن كويس..
تحياتي

Sent from my Xperia Arc S using Forum Runner

[dr.hazem]

اعتقد ان ترموستات الكوعة عندك متشال وده اللى بيبرد الموتور بسرعة !!

ثيرموستات الكوعه والعربيه مطفيه بييقى مفتوح اساسل وعشان كده ممنوع تزود ميه للراديتير والعربيه سخنه ومطفيه لان الثيرموستات هيبقى فاتح والميه الساقعه لو وصلت ممكن يروح فيها وش المكنه...
تحياتي

Sent from my Xperia Arc S using Forum Runner

[aw2100]

ثيرموستات الكوعه والعربيه مطفيه بييقى مفتوح اساسل وعشان كده ممنوع تزود ميه للراديتير والعربيه سخنه ومطفيه لان الثيرموستات هيبقى فاتح والميه الساقعه لو وصلت ممكن يروح فيها وش المكنه...
تحياتي

Sent from my Xperia Arc S using Forum Runner

باختلف مع حضرتك
ترموستات الكوعة عملة ميكانيكى بيعتمد على حرارة مية التبريد فبيفتح ويمرر المية للرادياتير عند درجة حرارة 85c ويقفل لما مية التبريد تبرد عن الدرجة دى بالتدريج لغاية لمايقفل خالص عند 60c ويرد مية التبريد لوش السلندر تانى فده مالوش علاقة بالعربية دايرة ولا مبطله المهم حرارة الموتور كام لو العربية باردة الترموستات بيبقى قافلقافل تحياتى !!

[مهند-النجار]

قصد د حازم ان الترموستات بيبقي مفتوح والعربية لسة مطفية وسخنة اعلي من 85

و حضرتك طبعا صح لو العربية باردة مطفية او دايرة وموصلتش ل 85 يبقي مقفول
سخنة دايرة او مطفية وصلت 85 يبقي مفتوح

معيار الحكم مش العربية مطفية ولا دايرة

[dr.hazem]

باختلف مع حضرتك
ترموستات الكوعة عملة ميكانيكى بيعتمد على حرارة مية التبريد فبيفتح ويمرر المية للرادياتير عند درجة حرارة 85c ويقفل لما مية التبريد تبرد عن الدرجة دى بالتدريج لغاية لمايقفل خالص عند 60c ويرد مية التبريد لوش السلندر تانى فده مالوش علاقة بالعربية دايرة ولا مبطله المهم حرارة الموتور كام لو العربية باردة الترموستات بيبقى قافلقافل تحياتى !!

كلامك سليم تماما ياغالي...
ايه بقا علاقته ببرودة وسخونة العربية بسرعه وهي مطفيه؟؟!!

لو الثيرموستات متشال العربيه هتسخن ف وقت اكبر وتبرد عالسرعات العاليه والمؤشر بيبرد وممكن يوصل لل60...

اما فقد الحراره فله علاقه بالجو والتهويه وحجم الماتور ونوع البلوك،،،
تحياتي

Sent from my Xperia Arc S using Forum Runner

[bambino]

الموضوع ده عادى جدا لو المكان اللى حضرتك راكن فيه ضل تحت عمارة او شجرة :):) حصللى اول مرة اتخضيت و افتكرت الترموستات باظ!