اول سيارة ليا .. سروزوكي فان (تناية)

[ahmedsoft2]

السلام عليكم

يا شباب انا محتاج مساعدة انا من اسكندرية و ظبعا احنا كلنا شايفين الانتشار الرهيب للسوزوكي فان (التناية)

فا طبعا نظرا لعدم وجود شغل ولا كلة بالوسطة (ربنا كبير طبعا)

فا انا قررت اجيب فان (تناية) .. و الحج باذن الله هيساعدني في سعرها ... و ربنا يرزقني بلقمة عيش حلال

فا انا اول مرة ف حياتي اشتري عربية و اول عربية و مشروع في نفس الوقت ليا

فا كنت عاوز اعرف اجيبها منين من اسكندرية و الاسعار و انضف حاجة لان الواحد بيسمع كلام

و مشاكل كتير

و دية فلوس هتتدفع فا عاوز حد يقولي المكان ؟؟ ... والاوراق و اية الي هيحصل لاني معرفش حاجة ... ؟؟؟ بس هي فلوسها هتبق كاش باذن الله

و لازم اعمل اية لما اجي اشوف العربية لاول مرة ؟؟!!

و لازم اغير الجنط الي بتنزل بية علشان بيريحها ع الطريق و كدة ؟؟؟

و الجنط نوعة اية و سعرة و السروجي !!

لو سمحتم عاملوني معاملة الجاهل الي ميعرفش اي حاجة

في انتظار رد حضراتكم باذن ا لله

(اسف علي الخطا - سوزوكي فان )

[مهند-النجار]

بالتوفيق اباشا في شباب كتير زيك عايزين يعملوا الموضوع دة
ناوي تشغلها فين

[J A G U A R]

متابع ... عشان معنديش فكره وبالتوفيق

[ahmedsoft2]

فعلا يا باشا ف شباب كتير مش لاقين شغل و بيعملو المشروع دة
بس ف ناس بتقولي دية كلها مشاكل و ليها ناسها ،

انا من العطارين .. فا هتبق محطة منشية باذت الله

فا علشان كدة انا محتاج حد يساعدني و يقولي كافة المعلومات عنها

[D . a .\ AYMAN]

العربية دي هي الوحيدة في مصر اللى ممكن تترخص ملاكي أو أجرة أو نقل

وطبعا كلنا عارفين إن السيارات الأجرة أو النقل بيكون من ضمن الفلوس اللى بتدفع أثناء ترخيصها الضرائب والأقساط بتاعة النقابة بتاعتهم سواء أجرة أو نقل ... والملاكي مش بيدفع الكلام ده كله (لأن سائق الملاكي المفترض إن له وظيفة أخرى بيخصم من دخلها الضرائب بأسلوب آخر)

وكان لية فقط نصيحة بشأنها ... لو ناوي ترخصها ملاكي وتشغلها أجرة ... لازم تبقى عارف إن ده مخالف للقانون وهاتكون كدة متهرب من الضرائب والرسوم المفروضة على السيارات الأجرة وإنك كدة وضعت نفسك تحت طائلة القانون ورشاوي أفراد الشرطة أو المخالفات الى مالهاش لازمة عشان ترضيهم ويسيبوك .. أو هاتقع مع واحد عنده ضمير وبرضه هايعملك مشاكل من نوع آخر

وفيما بعد كمان لما نظام كروت البنزين يتم تطبيقه هاتكون الكمية المسموح لك بيها بداخل الدعم هي الكمية المسموح بها للملاكي وليس للأجرة وطبعا الفرق هايكون كبير

أنا عارف إن الموضوع بقى منتشر في مصر بالكامل وبقى خارج السيطرة .. ولكن انتشار الغلط مش مبرر للغير في ارتكاب نفس الغلط

عشان كدة أتمنى لما تيجي ترخصها .. ترخصها أجرة وتخليك ماشي سليم ... ولو مافيش تراخيص أجرة في المحافظة اللى انت فيها ... يبقى أكيد المحافظة مليانة ومتخمة بالسيارات الأجرة ومش مستحملة أكتر .. ويبقى الحل إنك تشتري ترخيص أجرة من واحد مرخص قبل كدة وده لوحده ليه ثمنه ..

لو ما فيش يبقى ربنا يرزقك سبيل آخر لكسب الرزق بالحلال


ربنا يرزقك ويرزقنا ويهدينا ويحفظنا يارب

[مهند-النجار]

فعلا يا باشا ف شباب كتير مش لاقين شغل و بيعملو المشروع دة
بس ف ناس بتقولي دية كلها مشاكل و ليها ناسها ،

انا من العطارين .. فا هتبق محطة منشية باذت الله

فا علشان كدة انا محتاج حد يساعدني و يقولي كافة المعلومات عنها

هي صحيح ليها ناسها بس اية يمنع انك تكون منهم دة لو ناوي تشتغل عيها

بالنسبة للخط بتاع محطة منشية دة فالتنيات هناك ملهاش موقف بيعدي وهو ورزقه دة غير ان المكروباص الجي ام مسيطر هناك

بالتوفيق اباشا وياريت لما النوضوع يتم باذن الله تبقيي تحكيلنا عملت اية للفائدة العامة

[ahmedsoft2]

العربية دي هي الوحيدة في مصر اللى ممكن تترخص ملاكي أو أجرة أو نقل

وطبعا كلنا عارفين إن السيارات الأجرة أو النقل بيكون من ضمن الفلوس اللى بتدفع أثناء ترخيصها الضرائب والأقساط بتاعة النقابة بتاعتهم سواء أجرة أو نقل ... والملاكي مش بيدفع الكلام ده كله (لأن سائق الملاكي المفترض إن له وظيفة أخرى بيخصم من دخلها الضرائب بأسلوب آخر)

وكان لية فقط نصيحة بشأنها ... لو ناوي ترخصها ملاكي وتشغلها أجرة ... لازم تبقى عارف إن ده مخالف للقانون وهاتكون كدة متهرب من الضرائب والرسوم المفروضة على السيارات الأجرة وإنك كدة وضعت نفسك تحت طائلة القانون ورشاوي أفراد الشرطة أو المخالفات الى مالهاش لازمة عشان ترضيهم ويسيبوك .. أو هاتقع مع واحد عنده ضمير وبرضه هايعملك مشاكل من نوع آخر

وفيما بعد كمان لما نظام كروت البنزين يتم تطبيقه هاتكون الكمية المسموح لك بيها بداخل الدعم هي الكمية المسموح بها للملاكي وليس للأجرة وطبعا الفرق هايكون كبير

أنا عارف إن الموضوع بقى منتشر في مصر بالكامل وبقى خارج السيطرة .. ولكن انتشار الغلط مش مبرر للغير في ارتكاب نفس الغلط

عشان كدة أتمنى لما تيجي ترخصها .. ترخصها أجرة وتخليك ماشي سليم ... ولو مافيش تراخيص أجرة في المحافظة اللى انت فيها ... يبقى أكيد المحافظة مليانة ومتخمة بالسيارات الأجرة ومش مستحملة أكتر .. ويبقى الحل إنك تشتري ترخيص أجرة من واحد مرخص قبل كدة وده لوحده ليه ثمنه ..

لو ما فيش يبقى ربنا يرزقك سبيل آخر لكسب الرزق بالحلال

ربنا يرزقك ويرزقنا ويهدينا ويحفظنا يارب

طايب لما تبق اجرة الضرايب هتبق كام ،، و كل التكاليف علشتان اخليها اجرة هتبق كام ؟؟
و لو بقيت اجرة هيبق مكتوب عليها و ملتزمة بخط معين ، ولا هكون حر نفسي ؟؟ اي حتة احمل ناس منها

[ahmedsoft2]

هي صحيح ليها ناسها بس اية يمنع انك تكون منهم دة لو ناوي تشتغل عيها

بالنسبة للخط بتاع محطة منشية دة فالتنيات هناك ملهاش موقف بيعدي وهو ورزقه دة غير ان المكروباص الجي ام مسيطر هناك

بالتوفيق اباشا وياريت لما النوضوع يتم باذن الله تبقيي تحكيلنا عملت اية للفائدة العامة

منا يا باشا بصراحة ناوي اشتغل طياري ، من غير موقف و انا ماشي كدة

و مشاريع الجي ام دلوقتي ياباشا بقيت بتروح بحري ع طول و مفيش مشاريع جي ام بتروح المنشية الا قليل ، دي حتة التنايات انتشرت جامد ف المنشية بسبب ان الجي ام بقي بحري طوالي

[D . a .\ AYMAN]

طايب لما تبق اجرة الضرايب هتبق كام ،، و كل التكاليف علشتان اخليها اجرة هتبق كام ؟؟
و لو بقيت اجرة هيبق مكتوب عليها و ملتزمة بخط معين ، ولا هكون حر نفسي ؟؟ اي حتة احمل ناس منها

بصراحة ما أعرفش قيمة السرسوم أو الضرائب كام اللى بتدفعها

بالنسبة لخطوط السير .. في محافظان بيكون ليها خطة سير بالنسبة لكل الخطوط اللى ماشية جواها ...


كل الكلام ده تعرفه من المحافظة أو المرور بتاع السيارات الأجرة

[ahmedsoft2]

اي مساعدة من الشباب ... الي يعرف ميبخلش علينا بالمعلومات لو سمحتم

[ahmedsoft2]

Up Up Up

اي حد عندة خبرة .. دة قسم السوزوكي بردو يا رجالة

[قلب الاسد]

وبالتوفيق يارب