مطب علم عليا

[وائل شويخ2]

السلام عليكم ورحمه الله وبركاته

عندى مشكله جامده ومش بتنيمنى
كنت فى مدينه المنصوره وكنت راجع من الطريق السريع ناحيه جمصه بليل
وسبحان الله يأخى لقيت نفسى أنا والعربيه طاير فى الهوا وكل عنف وخشونه أترزعت على الأرض ونزلت أجرى لقييت نفسى كلت مطب من النوع الحلوف ونفسى أفهم هو داء العمى مسكنى ومشفنهوش
ما علينا

الخساير

نزلت أستطلعت أمر العربيه لقيتها عادى
ودورت ومشييت
لاحظت هبوط للعربيه الناحيه الشمال أتارى الياي كسر ومع كل مطب تحك العربيه فى الكارتيره
والحمد لله روحت
تانى يوم بالنهار لقيت مساعد ضرب زيت والتانى على وشك وكسر الياي
فقررت تغييرهم
جبت أتنيين أستيراد أصلى يابانى ب300 جنيه وركبتهم أنا
مش أختراع يعنى

وكنت قبليها حسييت بأن العربيه بتترعش بمجرد الضغط على البنزين والشروع فى الجرى
وقولت يمكن أما أركب المساعديين وأظبط زوايا وأرصص تظبط
روحت ظبطت العمل ورصصت وأفوجىء أنا العجل كان مفارق 3 سنتى رغم أنى مركب شداد زياده على المقصيين وبتاع الزوايا قالى لولا الشداد ده كنت لقييت العفشه نصيين
وأطلع أجرب وفرحان أوى ألاقى المصيبه مستنيانى
الرعشه زادت ووش العربيه بالتابلوه كله بيترعش
والفنى قالى أظاهر الكبالن أتعوجت من الخبطه
روحت لبتاع العفشه نفس الكلام
دلوقتى أشترى كبالن جديده ولا أستيراد وهل عامود الكوبلن ده بيتباع جديد
وهل لو أستعدلته فى المخرطه هيظبط
ولا ممكن يكون العيب فى حاجه تانيه
وكنت برضوا شيكت على قواعد المتور والفتيس لقيتهم تمام
وأكتشفت حاجه غريبه
الرجه دى بتظهر من سرعه 40 حتى 100 بعد كده تختفى وتلاقى العربيه زى الحلاوه

[مهند-النجار]

ربنا معاك
متابع

[D . a .\ AYMAN]

لو الكبالن الجديدة أصلي هاتها من غير تفكير

غير كدة هاتها استيراد وبإذن الله الكبالن الياباني كويسة ومش هاتكون وحشة استيراد .. العامود صعب يرجع زي ما كان ويفضل تغييره لأنه لازم يبقى على الشعرة غير كدة هايبوظ الكبالن اللى راكب عليها حتى لو جديدة

وممكن يكون عوجة العامود دي من زمان وهي اللى بتعمل الرجة وبوظت الكبالن بس المطب الأخراني كشفها أكتر ليس إلا