Tweet
وحشني المنتدي فقولت في اقرب فرصه اجي اكتب تقرير عن شويه حاجات عملتها في عفشه العربيه
اولا كنت بسمع تزييق كتير من الناحيه اليمين عندي و شويه تخبيط المهم توصلت ان الياي الامامي هو السبب و كان عندي مشكله رعشه في الفرامل علي السرعات العاليه فقولت بالمره
رحت طالع علي الحرفيين عند واحد اسمه " ناصر الدكتور" جبت من عنده جوز ركب كامله (سوسته بالمساعد بالبطاحه بالطنابير) و خليته فكهم قدامي و جبت الشداد الخلفي لانه كان متني عندي و كان مبهدل العربيه في الملفات و مكنش عندي حاجه اسمها اتزان و جبت المساعد بتاع باب الشنطه علشان اللي عندي كان جاب اخره.
التكلفه الكليه كانت 650 جنيه
سافرت اسكندريه و رحت لمركز اليوسف و اتضح ليا انه عندهم شغل كتير للماروتي رحت مستغل الفرصه و جبت اسكاترا امامي او اللي بيسموها علبه الدركسيون و جبت جوز فوانيس كورنر الاصليين الياباني اللي مش موجودين و جبت كوريك محترم و كاوتشه باب البنزين
التكلفه الكليه 300 جنيه و الراجل عمل واجب محترم معايا بصراحه في سعرهم.
رحت طالع علي محلات ميدو في احمد حلمي و جبت طقم كاوتش ميزان و حاجات لعصايه الفتيس علشان العصايه عندي كانت بترقص زي صافيناز و جبت كوليهات حديد علشان كاوتش الكوبلن كان خالع و مكنش ينفع اصبر علي الكبالن تعبي تراب او تفضي الشحم خصوصا انها كانت كبالن جديده
جبت كمان اويل سيل بتاع اللافيه بتاع الفتيس لانه بيسرب زيت و طلع في الاخر اني هرجعه علشان مينفعش يتركب لانه محتاج قطع و لحام و حوارات سخيفه انا في غني عنها
التكلفه كانت 90 جنيه
ركبت كمان اويل سيل (استك) في الاسبراتير لانه كان بيسرب زيت علي المكنه و مخلي شكل الموتور و الفتيس امامير لما تفتح الكبود :d
و التكلفه خمسييييييييين قرش :D
اتكلت علي الله و ركبت الركب و الشداد ب 60 عند الميكانيكي
ركبت الاسكاترا و كاوتش الميزان و عملت ظبط زوايا و ركبت الكوليه علي الكوبلن و المصنعيه كانت 100 جنيه و الراجل طبعا علشان حبيبي فمكنش عاوز ياخد فلوس فأديته فلوس مش عارف كتير ولا قليل المهم دفعتها و خلاص و ربنا يكرمه علي زوقه
نيجي بقا لقصه الفتيس اللي عندي واللي ناوي بأذن الله اغيره بواحد استيراد علشان تسريب الزيت دا مضايقني جدا و كمان فيه ونة في العربيه من ساعه ما اشترتها
و السلام ختام
اولا كنت بسمع تزييق كتير من الناحيه اليمين عندي و شويه تخبيط المهم توصلت ان الياي الامامي هو السبب و كان عندي مشكله رعشه في الفرامل علي السرعات العاليه فقولت بالمره
رحت طالع علي الحرفيين عند واحد اسمه " ناصر الدكتور" جبت من عنده جوز ركب كامله (سوسته بالمساعد بالبطاحه بالطنابير) و خليته فكهم قدامي و جبت الشداد الخلفي لانه كان متني عندي و كان مبهدل العربيه في الملفات و مكنش عندي حاجه اسمها اتزان و جبت المساعد بتاع باب الشنطه علشان اللي عندي كان جاب اخره.
التكلفه الكليه كانت 650 جنيه
سافرت اسكندريه و رحت لمركز اليوسف و اتضح ليا انه عندهم شغل كتير للماروتي رحت مستغل الفرصه و جبت اسكاترا امامي او اللي بيسموها علبه الدركسيون و جبت جوز فوانيس كورنر الاصليين الياباني اللي مش موجودين و جبت كوريك محترم و كاوتشه باب البنزين
التكلفه الكليه 300 جنيه و الراجل عمل واجب محترم معايا بصراحه في سعرهم.
رحت طالع علي محلات ميدو في احمد حلمي و جبت طقم كاوتش ميزان و حاجات لعصايه الفتيس علشان العصايه عندي كانت بترقص زي صافيناز و جبت كوليهات حديد علشان كاوتش الكوبلن كان خالع و مكنش ينفع اصبر علي الكبالن تعبي تراب او تفضي الشحم خصوصا انها كانت كبالن جديده
جبت كمان اويل سيل بتاع اللافيه بتاع الفتيس لانه بيسرب زيت و طلع في الاخر اني هرجعه علشان مينفعش يتركب لانه محتاج قطع و لحام و حوارات سخيفه انا في غني عنها
التكلفه كانت 90 جنيه
ركبت كمان اويل سيل (استك) في الاسبراتير لانه كان بيسرب زيت علي المكنه و مخلي شكل الموتور و الفتيس امامير لما تفتح الكبود :d
و التكلفه خمسييييييييين قرش :D
اتكلت علي الله و ركبت الركب و الشداد ب 60 عند الميكانيكي
ركبت الاسكاترا و كاوتش الميزان و عملت ظبط زوايا و ركبت الكوليه علي الكوبلن و المصنعيه كانت 100 جنيه و الراجل طبعا علشان حبيبي فمكنش عاوز ياخد فلوس فأديته فلوس مش عارف كتير ولا قليل المهم دفعتها و خلاص و ربنا يكرمه علي زوقه
نيجي بقا لقصه الفتيس اللي عندي واللي ناوي بأذن الله اغيره بواحد استيراد علشان تسريب الزيت دا مضايقني جدا و كمان فيه ونة في العربيه من ساعه ما اشترتها
و السلام ختام
Comment