فانوس اشارة جانبي للماروتي - اركبه ازاي :) ؟؟

[HHALAWANY]

شباب
انا كنت اشتريت فانوس اشارة للماروتي الجانبي يمين ... جبته ب15 جنيه
حاسس ان خامته مش ولا بد كده ... هل ده طبيعي وان هو ده بس اللي موجود عندهم ؟؟
كمان كنت عاوز اركبه ... سمعت انه يومين وبيفك لوحدة وحجمة مش متناسق وكلام كده !!!؟؟
وسمعن انه بيتلزق مش عارف بأيه ومش عارف ازاي عشان مايقعش لوحدة او مايفكش !!!

انا بقا المفروض اروح اعمله عند مين واعمله ازاي باللزق عشان مايقعش مني ؟؟؟
هو ينفع اعمله انا اصلا... ؟؟؟

وشكرا

[osos007]

ياترى قصدك فانوس الاشاره الصغير اوى اللى فى جانب العربيه ولا فانوس الكورنر اللى لازق فى الفانوس الكبير اللى بينور مع نور العربيه .

[HHALAWANY]

ياترى قصدك فانوس الاشاره الصغير اوى اللى فى جانب العربيه ولا فانوس الكورنر اللى لازق فى الفانوس الكبير اللى بينور مع نور العربيه .

قصدي فانوس الكورنر اللي لازق في الفانوس الكبير :))
ناس هنا قالت انه بيفك لوحدة مش متناسق مع الصاج و الفانوس الامامي وبيفك لوحده و مش عارف بيحصله ايه بعد يومين ثلاثة
فلازم يتلزق بحاجة كده انا برضو مش عارفها :) هههههههههه
المهم بقا ينفع انا اركبه لوحدي ولا لازم اروح لحد يكبهولي واعمل ايه عشان مايفكش ؟؟؟

وشكرا

[dr.hazem]

قصدي فانوس الكورنر اللي لازق في الفانوس الكبير :))
ناس هنا قالت انه بيفك لوحدة مش متناسق مع الصاج و الفانوس الامامي وبيفك لوحده و مش عارف بيحصله ايه بعد يومين ثلاثة
فلازم يتلزق بحاجة كده انا برضو مش عارفها :) هههههههههه
المهم بقا ينفع انا اركبه لوحدي ولا لازم اروح لحد يكبهولي واعمل ايه عشان مايفكش ؟؟؟

وشكرا

في في السوق نوعين،،
واحد نضيف وواحد رخيص
الرخيص بيحتاج انك تشتري سيليكون زجاج وتاكد على لزق الوش..
اما عن انه يقع فصعب لانه بيتثبت بمسمار من الخلف وهتحتاج تفك العمه للجنب اليمين والبطاريه للجنب الشمال وهتحتاج مفك موجب طويل وممغنط لان المكان ضيق وهتحتاج نور عشان تشوف
الموضوع سهل ورخم فنفس الوقت،،،
تحياتي

Sent from my Xperia Arc S using Forum Runner

[HHALAWANY]

في في السوق نوعين،،
واحد نضيف وواحد رخيص
الرخيص بيحتاج انك تشتري سيليكون زجاج وتاكد على لزق الوش..
اما عن انه يقع فصعب لانه بيتثبت بمسمار من الخلف وهتحتاج تفك العمه للجنب اليمين والبطاريه للجنب الشمال وهتحتاج مفك موجب طويل وممغنط لان المكان ضيق وهتحتاج نور عشان تشوف
الموضوع سهل ورخم فنفس الوقت،،،
تحياتي

Sent from my Xperia Arc S using Forum Runner

شكرااااااااااااا جدااااااااااا يا دوك

[osos007]

فعلا هو الموضوع سهل ورخم فى نفس ذات الوقت :)) انا لسه مغير اللي عندى جمب شمال ناحية البطارية وفكيت البطاريه فعلا وبيركب بمسمارين واحد فوق وواحد تحت وممكن تلزق الباغه مع الشاسيه بسيلكون عشان ميفكش من بعضه بس ماتليسش عشان متخليش شكله وحش. افضل تعمله بنفسك عشان تستغل الفرصه وتنضف البطارية والعلبه بتاعتها وتنضف المسامير وكده يعنى.

[HHALAWANY]

فعلا هو الموضوع سهل ورخم فى نفس ذات الوقت :)) انا لسه مغير اللي عندى جمب شمال ناحية البطارية وفكيت البطاريه فعلا وبيركب بمسمارين واحد فوق وواحد تحت وممكن تلزق الباغه مع الشاسيه بسيلكون عشان ميفكش من بعضه بس ماتليسش عشان متخليش شكله وحش. افضل تعمله بنفسك عشان تستغل الفرصه وتنضف البطارية والعلبه بتاعتها وتنضف المسامير وكده يعنى.

مع الاسف انا ماعرفش اعمل الحاجات دي افك بطارية او انضفها .. انا لا افقه في اي شيء :(
نفسي اتعلمها .. بس محتاج حد يبقى معايا اول مرة على الاقل ....
طب انا اروح اركبها عند مين من فضلك ؟؟

وشكرا

[osos007]

مع الاسف انا ماعرفش اعمل الحاجات دي افك بطارية او انضفها .. انا لا افقه في اي شيء :(
نفسي اتعلمها .. بس محتاج حد يبقى معايا اول مرة على الاقل ....
طب انا اروح اركبها عند مين من فضلك ؟؟

وشكرا

ممكن تروح للكهربائي وتقف معاه وهو بيعملها عشان تعرف وبعد كده تبقى تعملها انت عشان واضح ان الفانوس ده مقرف وحيزاولنا كتير :))

[mesaharaty]

الفانوس ده اول مرة ركبته عند الكهربائى ومافلحش .... اتفشفش لوحده بعد يومين .
تانى مرة خليت واحد سمكرى معرفة ركبهولى والحمد لله تمام .
من تجربتى ... الكهربائى مش بيعرف يركب الفاونس قوى لأن شغله بيكون خدمة كهربا فى المقام الاول اما السمكرى فبيطاع الشاسيه ويفضل يستعدله (الشاسيه بيبقى مرن جدا ومتين ايضا) لغاية ما يخدم الفانوسين على بعض ويدخلوا فى مكانهم صح .