اعمر الماروتى ولا اجيب ماكنه استيراد

[AMRSPEED]

انا المكنه عندى خفيفه وبتاكل زيت
اعمل ايه قدامى حاجتين اول حاجه ان اعمر المكنه وهتتكلف اكتر من 1500
وتانى حاجه الميكانيكى قالى هتشترى البلوك بس اللى هو النص اللى تحت بتاع الماتور وهيبقى فى حدود من 1000 الى 1300
اللى انا خايف منه بقى ان لو عمرت مش ضامن قطع الغيار
ولو جبت بلوك استيراد بردو مش ضامن يكون حلو ولا يعد كام شهر ويبقى خفيف

[Abo_Mazen]

والله مش عارف أقولك إيه ..أقولك شرا العبد ولا تربيته ..يعني تشتري شورت بلوك..ولا أقولك عمر المكنة بتاعتك اللي إنت عارفها وضامنها ....عموما ..أنا شايف إن موضوع العمرة عملي أكتر من شرا شورت بلوك والمغامرة بإنه الشورت بلوك ده يطلع كويس أو وحش ...محدش ضامن

[micromoud]

انا رأيى انك تشترى الشورت بلوك يعنى لو فيه حاجه هتظهر بعد فترة ممكن تبقى شمبر لكنها مش هتوصل لعمرة ...

[Silent~Dream]

العمره افضل بكثير لان ده موتورك و انتا عارف الدنيا ماشيه ازاى بس هتتعب فى حاجتين اولا انت تدور كويس و تجيب قطع غيار اصليه من مكان محترم و نضيف و ثانيا ميكانيكى فاهم و شغله نضيف و طبعا هتفضل على دماغه كام يوم لحد ما العمره تتم تماما على خير ان شاء الله

[dr.hazem]

هو فعلا سؤال محير دائما وانا رايي..
استخير وجيب استيراد تتفك قدامك من نص بحيث تشوف قراية العداد فتعرف اخبار الماتور ايه،،،
تحياتي

Sent from my Xperia Arc S using Forum Runner

[bambino]

رايى الشخصى ان تفادى معاملات المرور لوحدها عامل اساسى مرجح للعمرة افضل من الشراء

انا عارف ان الفلوس بتوجع و اكيد محدش بيلاقيها فى الارض بس اذا وصلت ان حضرتك تعمل عمرة فى التوكيل توكل على الله و اعملها لان الفلوس اللى حتتوفر دلوقت ممكن لا قدر الله تتصرف بعدين و حيبقى صرفها اصعب على القلب لانها بتيجى فى غير وقتها و بتطلع غصب