يا جماعة بالله عليكم فيدونى

[د/ وائل سعد]

انا معايا 61 الف ونصف ثمن السوزوكى التو 2013 تنصحونى اشتريها ولا لا لانى بصراحة بعد تجربتي السيئة مع المستعمل قرررت اشتري زيروا فايه رايكم بالله عليكم افيدونى يا اصحاب واهل الخبرة لانى اتعقدت من المستمعل ومهما يقال علي اي عربية بس مادام زيروا هتبقي كويسه بس ايه رايكم وهى ولا الماروتى ؟؟؟؟؟

[M I D O]

مبروك مقدما ان شاء الله ...
شوف كدة باقي العربيات الي في نفس الفئة السعرية زي الجيلي باندينو كدة

[Silent~Dream]

فيه امكانيه تدفع مقدم و تقسط عربيه اعلى ؟

[مهند-النجار]

الماروتي ب 45
فرق حوالي 15 الف
الفرق بين العربيتين مش كبير غير ف التكييف ة ان الالتو انجكشن بس
من حيث الاعتمادية فالاتينين سمعتهم حلوة و مش هيزعلوك فحاجة طالما بتعمل الصيانات باذن الله

فالاختيار يرجعلك

[د/ وائل سعد]

بس انا روحت شركة الكمونى واعرف مسئول المعرض هناك بالمنصورة وقالي الاحسن ماروتي لانها منتشرة وقطع غيارها متوفرة علي عكس الالتو قطع غيارها تضطر تجيبها من القاهرة فايه رايك لانى دفعت عربون للماروتي وهستلمها بكرة ان شاء الله هل اغير للالتو ولا اخليني في الماروتي ايه الاحسن بالله عليكم يا اهل الخبرة ساعدونى ومن عنده واحده او سيارة منها يفيدني عشان لو كده اكلمهم يجيبوا الالتو افيدوووونى ؟!!!!!!!!!!!

[د/ وائل سعد]

انا كلمتهم خلاص اخد الالتو ايه رايكم اختياري صح ولا لا واسف لازعاجكم

[mesaharaty]

إن شاء الله إختيار حضرتك صحيح .
والف مبروك
وحتى لو كان اختيار حضرتك هو الماروتى فهو برضه اختيار صحيح
وإن شاء الله تكون الألتو مناسبة وربنا يوفقك .
بس رجاء من حضرتك تبقى تدينا تقرير برأيك فى العربية وإمكانياتها بعد ما تستلمها وتجربها شوية .

[AMRSPEED]

والله من وجهه نظرى حرام تدفع المبلغ ده فى التو او ماروتى زيرو

[dr.hazem]

اللاتنين ممتازين والفرق في التكييف والانجكشن والفتيس والشكل والوسع والفرق مستاهل،،،
تحياتي

Sent from my Xperia Arc S using Forum Runner

[د/ وائل سعد]

يا جماعة باركولي علي الالتو استلمتها امبارح عربية ما شاء الله روعة روعة هي بس عجلة القيادة ثقيلة شوية يمكن عشان مش باور بس ممتازة والمطبات متحسش بيها خالص وعلي فكرة مكتوب علي زجاجها انها تقفيل وصناعة الهند وجاءة عبر الميناء الي الاسكندرية يعني هي مش تقفيل مصري خالص التوكيل ياباني والتقفيل هندي بس بجد عربية ما شاء الله انظف من الماروتي كثثير بس عندي سؤال ياريت الاخوة ينصحونى بيه هل لما استلم العربية امشي بيها علي طول ولا اكشف عليها ولا اعمل ايه بصراحة عربية انصح اى حد يشتريها جميلة واقتصادية ولسه لما اجربها هعرفكم عليها اكثر واسف علي الاطالة بس ارجوكم فيدوني في حكاية امشي بيها ولا لا ومن حق سؤال تانى بالنسبة للتامين سئلت الموظفة قالتلي ائمن عليها قبل تطليع الرخصة لانك لو رخصت بيجي مندوب يعاين العربية ايه رايكم والصح ايه انا راي ان ائمن بعد الرخصة عشان تسجل بياناتها ولا ايه رايكم ومعلش ازعجتكم معايا ؟؟؟

خالص تحياتي ،،،،

[محمد الحفناوى]

الف مبروك ربنا يباركلك فيها ويديك خيرها ويكفيك شرها بس مستنين تقرير حلو مفصل

[د/ وائل سعد]

اووووووووووووووك حااااااااااااااااااااضر

[د/ وائل سعد]

مبروك مقدما ان شاء الله ...
شوف كدة باقي العربيات الي في نفس الفئة السعرية زي الجيلي باندينو كدة

يقال ان الصيني مش كويس

[Abo_Mazen]

أهم فرق بين السوزوكي ألتو والسوزوكي ماروتي هو إن الألتو حقن إلكتروني 12 صباب والماروتي نظام تغذية عادي 8 صباب ...طيب موضوع الصبابات ده هيفرق في إيه ؟؟...أنا أقولك...الصبابات الزيادة معناها بإختصار كده وفي حدود علمي البسيط هو عزم أعلى للمحرك ..يعني سرعة أعلى ...عشان كده التكييف في الألتو بيبقى معقول مش وحش ..وبرضه الألتو خمس سرعات غير المارشدير غير الماروتي بتبقى 4 غيار غير المارشدير ..ومش أتكلم طبعا عن مميزات الإنجيكشن ونظافته وتوفيره للبنزين ..بس في حاجه عايز أقول عليها عشان أبقى حقاني ..حاجات الإنجكشن دائما أغلى من حاجات الكربراتير العادي ...آه إفتكرت كمان حاجه ..عداد السوزوكي ماروتي بتاع السرعة أخره 150 تقريبا أو 130 مش فاكر بالضبط ..إنما عداد الألتوا آخره 180 ...متهيألي ..الألتو تكسب ..فعلا ..إشتري ومش هتندم ...وفي حاجه كمان ..أنا لما أحب أقارن الألتو هقارنها بالشيفروليه سبارك مش بالماروتي ..لإن هي تقف مع الشيفروليه سبارك في صف واحد مش مع الماروتي ..مع علمي طبعا بالفروق بين السبارك من حيث عدد السلندر وبين الألتو

[د/ وائل سعد]

كلام حضرتك صح وانا اشتريت الالتو فعلا فرق كبيير بينها وبين الماروتي بس عاوز اعرف هل تروح الصيانة بعد الضمان ولا لا .