العربيه اتخبطت من تخت

[AMRSPEED]

كنت ماشى وفجأه لقيت بلاعه عاليه قدامى اضطريت اطلع ليها وانا على سرعه سمعت هبده جامده انا حسيت ان الكاوتش هيفرقع والجنط يتكسر بس نزلت ابص لقيتها جت فى
الشكمان من قدام وفى كرتيره الزيت
سؤالى بقى هل شجره الشكمان دى بتتباع اللى هى جايه من المكنه لحد علبه البيئه وياترى سعرها كام عشان اللى حصل عندى انها بقت عجينه من الخبطه
وبالنسبه للكرتيره سهله هفكها واعدلها فى المخرطه
بس ياريت تفيدونى فى شجره الشكمان دى

[bambino]

حضرتك موضحتش العربية ايه ... ماروتى و لا التو و لا ايه؟ عموما انا اعرف الماروتى ... عشان الميكانيكى يوصل لكارتيرة ( حلة ) الزيت حيضطر يفك الموتور كله من تحت ... يعنى القواعد و الشكمان و تقريبا كل حاجة مربوطة! شغلانة ما يعلم بيها الا ربنا و لازم عشان حضرتك تعملها توديها لواحد بيفهم و تكون مطمنله لانه لو غير كده ممكن يتعافى على المسامير و القواعد و يبوظ حاجة او يفك نص و يحتاس فى التانى

موتور الماروتى مدكوك كله فى مساحة صغيرة عشان كده التعامل معاه صعب و محتاج صبر قبل الحرفية العالية

الخلاصة اذا كانت ماروتى و حضرتك عايز تجيب الشكمان ( اظن بيتباع فى التوفيقية) يبقى حضرتك تشتري الشكمان الاول و بعد كده توديها للميكانيكى يفك الشكمان و هوه فى طريقه للكارتيرة :) :) و يفك الكارتيرة تستعدل و بعد كده يركب كله تانى

ور بنا يعوض حضرتك خير باذنه

[alking_2006]

لسه نفسسسسسسس الموضوع حاصللى مع الفرق انى كمان كنت محمل العربية
كارتيرة الزيت اتخرمت و الزيت كله نزل
و تانك البنزين اتخرم و البنزين كله نزل
و علبة الشكمان اتعجنت


اشتريت كارتيرة الزيت ب 150 جنيه
و لحمنا التانك ب 20 جنيه
و الميكانيكى اخد 125 علشان غير كارتيرة الزيت و فك تانك البنزين و ركبه تانى
و بتاع الشكمانات طلع حرامى و اخد 225 جنيه


موضوع الكارتيرة فعلا رخم لأنه بيحل قنطرة الموتور + قواعد الموتور + 16 مسمار بتوع الكارتيرة


يا ريت كل الناس تاخد بالها من البلاعات بالذات مع الماروتى


و لينا ربنا و الله على اللى بيحصل فينا



اتفرجوا على الفيديو دا علشان ميتحرقش دمى لوحدى :)
‫إصلاح البلاعات فى شوارع ألمانيا‬‎ - YouTube

[AMRSPEED]

انا غيرت ماسوره الشكمان اللى ماسكه من المشترك اللى فى المكنه لحد علبه البيئه وعلبه البيئه كمان كانت بايظه الجوان بتاعه لغييت الجوانات دى وكان عندى علبه قديمه ركبت كله لحام فى لحام على نظافه والحمدلله الشكمان ظبط
بس لسه الكارتيره وبعد الشكمان اكتشفت ان القواعد المكنه اتكسرت
بكره بقى هغير قواعد المكنه وكارتيره الزيت احتماا معملش فيها حاجه عشان كده كده هجيب شورت بلوك

[AMRSPEED]

العربيه ماروتى