ميكانيكى متخصص لماروتى فى الاسكندرية

[falcon_2110]

السلام عليكم ورحمة الله وبركاته

معايا عربية ماروتى مو 2007
تبلغ من الكليوات 35 الف كيلو
كنت مغير زيت Gear box من 500 كم فاتوا

وكان عندى قبلها مشكلة فى الغيار التالت والرابع
الفتيس مش بيروح للتالت او الرابع بعد التانى بسهوله , مش بيعشق خالص
بضطر ارجع تانى يقوم مطلع صوت احتكاك التروس مع انى ببقى كل ده دايس دبرياااج

علشان اجيب التالت او الرابع بنزل تانى وامور واروح شمال اوى وبعد كده بيجى التالت ومش على طول , ده بيجيى انا وحظى


الكلام ده بيحصل بعد ما امشى بالعربية شوية او بمهنى اصح لما اروح مشاوير والعربية تسخن

كنت عايز اعرف ايه الحل للمشكلة دى ؟؟ ولو حد يعرف ميكانيكى فى الاسكندرية ممكن يصلح ال Gear box ده , ياريت يقلى

تنويه : سحب العربية كويس جدااا واسطوانة الدبرياج تعمل بكفاءة عاليه

شكرا جزيلا مقدماااااا

[مهند-النجار]

معظم اللي معاهم ماروتي الفتيس مزاولهم شوية
ناس كتير بتنصح بالتشحيم لعصاية الفتيس او استخدام زيت فتيس تخليقي مع اضافات لتقليل الاحتكاك
طبعا انا المشكلة عندي بسيطة سعات التاني يعصلج شوية او الاولاني ميجيش
هجرب حوار التشحيم دة
الاسطوانة عندي تمام ف السحب بس بتعمل دردرة ف الطلعة

الماروتي مش عايزة متخصص العربية كربراتير وتكنلوجيا قديمة وبقالها كتير ف السوق شوف ميكانيكي كويس وخلاص - لا داعي للتخصص -

جرب الحلول المعروفة ملقتش نتيجة اعرضها علي ميكانيكي