صوت غريب

[lidosasa]

السلام عليكم
لما أدور العربية وهى باردة بسمع صوت زى شخللة كده بتروح لما العربية تسخن أو أدوس بنزين فتحت الكبوت وحاولت أعرف الصوت جاى منين معرفتش حاسس إن الصوت بيزاولنى مش عارف أحدد مكانه تفتكروا يكون أيه

[hamadaelzoghby]

حضرتك الصووت دة هتلاقية غالبا من الدينامو
هترووح لميكانيكي كويس يبص ع الدينامو هيلاقي البلي بتاعة خشن
هيغيرهولك ة هتبقا فلة مش هيكلفك اكتر من 150 بالمصنعية :)

[eiad_naser]

حضرتك الصووت دة هتلاقية غالبا من الدينامو
هترووح لميكانيكي كويس يبص ع الدينامو هيلاقي البلي بتاعة خشن
هيغيرهولك ة هتبقا فلة مش هيكلفك اكتر من 150 بالمصنعية :)

علي فكره مش شرط تكون البليه
ان عندي بسمع الصوت ده لما تكون مسامير تثبيت الدينامو سايبه بروح للميكانيكي بينزل تحت العربيه يربط المسامير ويختفي الصوت

[dr.hazem]

لازم شوية تفاصيل اكتر
الصوت من جوه ولا بره العربيه؟
قدام ولا ورا؟
يمين ولا شمال؟
شخلله ولا تخبيط؟
العربيه واقفه ولا ماشيه ولا الاتنين؟
بقاله قد ايه؟
هل تم عمل اي صيانات مؤخرا بعدها ظهر الصوت؟
ايه الاماكن اللي انت دورت فيها وملقتش فيها نتيجه؟

تحياتي