سوزوكى فيتارا دفع رباعى

[kokowasfy]

فيه ناس بتشكر في البليزر s10 لغاية موديل 1994..يقال انها انعم من الشروكي و اكثر رفاهية...و هي السيارة التي تستعملها القوات الجوية حتى الان

يااااااااااااة البليزر كانت حلم حياتى زماااااان هية عربية تحترم جدا جدا و اكتر رفاهية بس بردو استهلاك البنزين عالى انا عاوز عربية جيب بس بعد التدوير و الف لقيت ان الفيتارة مناسبة لكن الاسف مش لاقى معلومات عنها خالص

[kokowasfy]

عربية هايلة فعلا و هي ليست فئة الجيب و انما هي فئة الشاحنة...كنت حاشتري موديل 98 منها ..فخم جدا ..ب 65 الف لكن لم تتم البيعة..و من خلال بحثي قبل الاقدام على الشراء ..عرفت ان الشكل القديم حتى 1994 اقل اعطال
تحياتي

فعلان الموديل دا اقل اعطال بكتييييييير و عربية موفترية البوليس فى سيناء شغلين بل موديل دا فى الفحت و الردم و الجرى ورا الحرامية فى الصحرا بس صعب تلاقى حاجة نضيفة
من الموديل دا

[ahmed_eng2001]

طيب حضرتك خبرتك محدودة لية تقول كلام مش مظبوط على العربيات و ممكن توصل الشيروكى 73 و 100 الف كمان بس موديلات 98 الى 2001 بس موديل الى انا بتكلم فية موديل قديم عن الموديلات الحديثة دى

الاستاذ صدام ده اخ اكبر .... و خبرته فى مجال السيارات كبيرة جدا ... و انا بحب اسمع رأيه فى حاجات كتير
حضرتك ممكن تتابع موضوعاته و تتأكد من كلامى

و على ذكر السعر ..... اتباعت عربية 4 سلندر موديل 2001 ب 90 الف .. و فى المنوفيه

[ahmed_eng2001]

فعلا كلام حضرتك مظبوط اوى شكلك هتخلينى اندم على انى بعتها بس تغور ببينزنها و استهلاكها هههه و 60 الف بلنسبة الاسعار السوق اليومين دول بتبقا فرصة بس انا والله مشفتش اقوى منها فى الرملة تعرف ميزة الشيروكى انها خفيفة جدا على متورها 6 سلندر فبتبقا فى الصحرا قوية جدا و الاوف رود الى عاوز شيروكى يبقا ركيب مش مهم معاة الاستهلاك و المصاريف بلنسبة للفيتارة ربنا يسهل انا بسمع عنها من ناس شعر و احينا بسمع ناس بتقول بلاش منها شكل على الفاضى و وجع دماغ

عيب العربيات الامريكية انها ثقيلة الوزن ..... على اختلاف احجامها .... و ده بيعوقها كتير فى الرمال

لو عاوز تقارن ... قارن بالاند كروزر مثلا ...على اختلاف موديلاتها ... عربية اخف وزنا .... و موتور قوى ... اداء على الرمال عالى جدا ....
و بالرغم من قوة المحركات الامريكية ... الا ان العربيات اليابانى تكسب على الرمال

توكل على الله و صلى استخارة ... و انزل دور على الفيتارة و اسأل ناس كتير صنايعية و بتوع قطع غيار و ملاك الفيتارة .... و بص بنفسك على عربيات و حاول تجرب تسوقها

و ربنا يوفقك

[mahmoud869]

متابع

[saddam]

طيب حضرتك خبرتك محدودة لية تقول كلام مش مظبوط على العربيات و ممكن توصل الشيروكى 73 و 100 الف كمان بس موديلات 98 الى 2001 بس موديل الى انا بتكلم فية موديل قديم عن الموديلات الحديثة دى

صديقي المواطن
مش كل حاجة بتلمع ذهب وأنا لا أدعي علما لا أعرفه أنا بفضل الله تعالى أفكلك العربية دي مسمار مسمار وأركبهالك تاني وأعدل فيها كمان وأخليها أحسن من 2014 لو قررت أعمل كده وأنا بقول رأيي مرة واحدة في كل موضوع فلو رأيي معجبش صاحب الموضوع فبنعتذر منه ونغلط نفسنا ونمشي ونسيبه لحال سبيله ومش عايزين نفتح في مواضيع محرجة ونقول مين ركيبة الموديل ده بالذات ومستواهم إيه ويستثنى منهم نسبة بسيطة ناس فوق دماغي والعربية الشيروكي الموديل ده بالذات أسوأ ما أنتجت شيروكي واللي بعده أحسن منه بكتير لكن الموديل ده شكلا معلمش في ذاكرة الناس ولفيت أكثر من 30 دولة محدش بيحترمه غير في مصر عندنا مش عارف على إيه ضيق ومليان مشاكل وحتى مكان المحرك ضيق وقولا واحدا صدقني هذا الموديل كان يعرض في الخليج والعراق وفي دول أخرى والكويت واﻹمارات إنك تاخده قسط وبيدللوا عليه ومحدش ياخده لكن اللب بعده تحسن جدت والرانجلر عربية عظيمة وبالنسبة للعربية اللي إتباعت أمام عيني ب 73 ألف تقريبا هي موديل 95 وأنا حضرت المزاد بنفسي ومحدش قال لي وكمان من فترة حد إشترى موديل 94 ملزقة بس شكلها نظيف بس مش أوي ب 65 ألف ثم أنا أقسم بالله العظيم لو عرضت علي ب 15 ألف مش أشتريها ﻷنها لا تليق بي ولا أعترف بها وأنا كنت محروق على صاحب الموضوع إنه باعها بسعر هو مش مصدقه أنا لسه من ساعتين دافع عربون عربيتي رقم 11 شيفرولية موديل 1951 أو 1950 لسه مشفتش الرخصة وأنا عندي عربية زي دي دركسيونها اﻷصلي بالشيركي الموديل ده بالذات وبعد إذنك خد نفيك وأقعد ساعة عند أي ميكانيكي أمريكاني وإتفرج على ملاك الشكل ده بالذات وقوللي رأيك
وربنا يهديني ويهديك ويوسع رزقك وأنا أخوك الصغير وأرجوك تسامحني بس لما تيجي تتصدر وتمدح عربية يا ريت تتأكد إنها عربية في اﻷول بدل ما تتهم ناس إنهم مش بيفهموا حاجة وبنفتي وخلاص أنا جاي أخدم وبس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[benmatar]

أولا مبروك عليك البيع ومبروك على الشاري، معرفش الحالة بس السعر معقول للبائع والشاري.
ثانيا انصح حضرتك بالتفكير في فئة الدفع الرباعي بركوب الباجيرو والباترول أوائل وأنصاف التسعينات، بشرط انتقاء الحالة الجيدة وهتلاقي منها بإذن الله، فهي عربيات محترمة بكل المقاييس وتتمتع بقوة مع نعومة ملحوظة بشكل كبير عن عائلة الأمريكي اللي محدش ينكر إنها برضه عربيات محترمة وقوية.
منها محركات ديزل ومنها بنزين، تتمتع برحابة الصالون ومتانة الهيكل مع توافر وسائل الرفاهية العادية زي تكييف جبار وباور وسنتر ومرايا وزجاج كهرباء ومنها مزود بمثبت السرعة ومحركاتها غير معقدة وقطع الغيار متوافرة للآن واسعارها معقولة. وفيتيس الأوتو فيها نادر الأعطال مع وجود غرز منفصل قوي جدا.
كان معايا تويوتا 96 سوبر سيرف 4runner ودي عربية ممتازة بس مش هتلاقي منها منتشر في السوق بس لو لاقيت حالة كويسة متسيبهاش ودي ما بين الثمانينات والتسعينات حسب الحالة ونظام النقل عادي أو أوتو والتجهيزات.
معرفش إيه إمكانات حضرتك المادية بس العائلة اليابانية الأصيلة دي تتراوح ما بين الستينات حتى أواخر السبعينات للهيونداي الجالوبر ودي عربية كوري محترمة جدا كويسة موديلات أواخر التسعينات وأوائل الألفينات منها برضه ديزل وبنزين شبيهة الباجيرو اوائل التسعينات ميكانيكا وعفشة، تليها من أواخر السبعينات وحتى 100 للباجيرو والوحش الباترول موديلات التسعينات، وترتفع عنهم ملكة الصحراء اللاند كروزر حتى 150 ألف رغم إن موديلاتها هتكون 91-92 لأن الحديث غالي منها جدا ومطلوب، ودي ملهاش منازع أو منافس وبالأخص لو هتدخل بها الفيافي وتشق بها الصحاري والبيداء.... وبالتوفيق

[houras1010]

اللى حبيته فى الشيروكى مش هتلاقيه فى السوزوكى

[مستر هشام]

محترم دايما يا استاذ صدام كعادتك

[yasserelshakwe]

اخبار السوزوكي ايه 4 × 4
هل سيارة اعتمادية وقوية ولا لأ
وهل التوكيل مظبوط ولا لأ
وهل قطع الغيار غالية الثمن ومرتفعة ولا لأ
مع الشكر