استفسار عن موتور السويفت

[Viper911]

السلام عليكم
انا يا جماعة معايا سويفت 94 مرفوعة كتير و لسه عمله ال 21 ألف كيلو ...
مشاء الله العربية ديه أنا بعزها و ليها اعتمادية تمام بس يعيبها بجد الصاج و العفشة مش بحس انها قوية و خصوصا الخلفية بس هيا بصراحة سحبها جميل جدا و جراية ........ بس أنا كان عندي استفسار عن الموتور بتعها:
الوتور ده كربراتير ولا انجكشن single point ....أنا كل ما أروح لمكانيكي يأولي ان العربية ديه كربراتير مع ان الكتالوج بتعها معايا و مكتوب فيه انها انجكشن , ياريت حد يفيدني فالموضوع ده ....
و ياريت لو حد عنده كتالوج الشركة (الصيانة و المواصفات ) ممكن يبعتهولي
جزاكم الله خير

[waled369]

أنا كان عندي نفس الموديل و بعتها من فترة هيه فعلا جراية جدا و سحبها رائع بس ثبات مفيش .
طبعا اللي عندي كانت كربراتير مش انجيكشن

[Viper911]

على فكرة مشكلة الثبات أنا حلتها بتركيب جنوط سبور على كاوتشات عريضة مقاس 185/60/13 و بجد بجيب بيها 160 و من غير أي مشاكل و بطلع بيها من ميتسوبيشي لنسر 1600 أوتوماتيك ... بجد عربية ممتازة.... بس لسة عايز أتأكد من موضوع الانجكشن و بدليل لما أدور العربية و هيا لسه برده يدور الموتور و يوصل ل 1800 rpm عشان العربية تسخن و ينزل لما تسخن و كمان مافيش عتلة شد الهواء الموجودة في كل عربيات الكربراتير ... ولا أنا غلطان

[mohamed2002]

كنت بشوف عربية سويفت لابن عمي موديل 95 وكانت كربراتير وعلي العموم انتظر رد الاخ حازم خضر فهو يمتلك السيارة دي وحافظها

[Ahmed Hassan]

على فكرة مشكلة الثبات أنا حلتها بتركيب جنوط سبور على كاوتشات عريضة مقاس 185/60/13 و بجد بجيب بيها 160 و من غير أي مشاكل و بطلع بيها من ميتسوبيشي لنسر 1600 أوتوماتيك ... بجد عربية ممتازة.... بس لسة عايز أتأكد من موضوع الانجكشن و بدليل لما أدور العربية و هيا لسه برده يدور الموتور و يوصل ل 1800 rpm عشان العربية تسخن و ينزل لما تسخن و كمان مافيش عتلة شد الهواء الموجودة في كل عربيات الكربراتير ... ولا أنا غلطان

العربيه كاربيراتير... و مش كل الكاربيراتير فيه شفاط يدوي... ممكن الشفاط يكون اوتوماتيك زي عندك.... العربيه اول ما تدورها و هيه بارده الموتور يعلي... و بعدين لما تسخن تدوس دوسه بنزين تلاقيها وطيت.

[Viper911]

أنا بعت صورة من الكتالوج مكتوب فيها الانجكشن و هي منطقة بيضاوية مظللة

[hazem_khidr]

السلام عليكم
العربيه كاربيراتير لكن فيها بيك السلانسيه كهربا(موجود علي يمين الكاربيراتير )
علشان كده تلاقي ناس تقولك دي هاف انجكشن و كلام مالوش لازمه.
بالنسبه للشفاط الكهربا ف دا عادي موجود في ال 132 ال 2000 من السبعينات
و انت ممكن بتضبطه زي ما انت عاوز انا عندي عامله علي 1500
و بيشتغل الصبح من غير ما ادوس دواسه البنزين .
بالنسبه للثبات بصراحه ما شوفتش من العربيه اي مشكله
بمشي بيها 140 و 150 و عادي جدا
بس المساعدين الامامين اللي عندي kyb
و الكاوتش 185

كنت بشوف عربية سويفت لابن عمي موديل 95 وكانت كربراتير وعلي العموم انتظر رد الاخ حازم خضر فهو يمتلك السيارة دي وحافظها

صباح الخير يا استاذ محمد :)

[Viper911]

ألف شكر يا أستاذ حازم على ردك و فعلا أنا لقيت بك السلانسيه ....
بس أنا بس الى مستغربوا موضوع ليه كاتبين فالكاتلوج حاجة و تلاقي حاجة تانية ...
شكرا مره تانية لكل من ساهم فالموضوع ده

[hazem_khidr]

لا شكر علي واجب يا باشا:)
ممكن يكون الكتالوج دا بتاع سويفت بموتور تاني
السويفت نزل منها مواتير كتير
1300 و 1600 انجكشن دفع رباعي
و 2000 جي تي آي

[Viper911]

لا لان لو حضرتك قريت المواصفات كاملة هتلاقي انها الموتور 1300 و نفس الشكل الهورس بور ..... أنا كمان جيت كاتلوج الصيانة بتعها الأصلي و اللى فيه كل المواتير و بارضو طلع هو نفس الماتور و مكتوب انها single piont injection ياعني نص كاربارتير و نص انجكشن و كمان عندي فيديو لنفس الموتور و هوا بيفصل على التموير .... ولا مصر بيلغوا الانجكشن قبل ما تيجيي مع العلم ان العربية عندي فابريقة بالكامل و الموتور لسه عامل 21 ألف كم و محدش لعب فيه و أنا أول مالك..
معلش أنا أسألتي كتير و متأل عليك أنا عارف بس كل حاجة شوفتها بتأولي انها انجكشن و الواقع عكس كده ..

[hazem_khidr]

و الله يا باشا الله اعلم
انا عربيتي ياباني كمان مش مصري
و كل السويفت اللي شفتها زي عربيتي
حتي المواتير الاستيراد برضه نفس الشئ

[emad2002]

لمحبى السويفت ضيفنى على الايميل بتاعك
hageen2002@hotmail.com

للمساعده فى اى حاجه تخص العربية

[emadibrahim78]

طيب ايه رأيكم فى السوزوكى سويفت الموديل 93مقارنة مع الهيونداى اكسيل
انا عايز اشترى و محتار